By: Dr. Lianhlupuii (Puitei)
Zofaten Zu kan tih mai Alcohol hi mihring tan damdawi lama a thatna a tlem teh lul nen, taksa leh thluak lam a khawih pawi theih em avangin fimkhur a tul a. “Beer te chu Zu a ni hlei nem”, kan han tithla ngawt mai thin hi a dik lo a ni.
Zu kan tih Alcohol hi Beer-ah 3-6 %, Wine-ah 10%, Port-ah 20% leh Spirit-ah 40-50% a tel a. International level-a, taksa tan pawilo tawk zu in duh chuan Pure Ethanol an tih chi mipain 60g leh hmeichhiain 30g aia tam lo in theih a ni. Keini Zofate zingah hian Zu thatna hi sawi han tum chiam mah ila, taksa a khawih pawizia leh khawtlang a tihbuai em avang hian fak a hlawh lo khawp mai. Zu-in mihring a khawih pawi dante han thlir ila:
Thluak lamah (Central nervous system effect):
Zu in chuan rilru a phur ve mai a. Mahse, zu chuan thil chik duhna, rorel thiamna, ngaihtuah thiamna leh tih tang tang duhnate a tibo vek thei a. Thisen chhunga zu a tam lutuk chuan taksa a tizawiin thil hlauh rukna thinlung a thlen/pe a; Patling, nutling pawh hi zu vangin nikhaw hre lova leh der a awl hle. Rilru control theihna a neih loh avangin zu hian thikthu chhiatna, dawt sawi duhna te, zahmawh sawi hreh lohna te a thlen thei bawk.
Zu hi Nula, hang ngaihno bei tak ang mai hian zun a ngah em avangin ngawlvei a awl hle. Hei tak hi a ni Zu hlauhawmna chu. Zu ngawlvei chuan chhiatna tinreng leh thihna hial a hmabak reng mai zu nia. Thluak a tibuai a, mi-aa ah a chhuah thei bawk a ni.
Lung lamah (Cardio vascular system):
Taksa chhung lam a tihsat thin avangin thlan a tichhuak a, taksa pawn lam a vawt si a, Zu in awmduhdahte phei chu chu tiang atang chuan lung hamda vung natna leh lung natna chi dang dangte an vei thin.
Kawchhung lamah (Gastro-intestinal system)
Pentawng ho chu zingah an luak chhuah avangin an uak nasa thin, pumpui natna an vei thin bawk. Luak nasat chuan hrawka thisen kawng a ti thler thei a, thi-in an luak duh bawk. (Mallory Weiss Syndrome) Thin vung leh thinro natna tam zawk hi zu vang a ni. Thin chaklo tan chuan zu hi “tur” a ni. Thisen mur var hian natna hrik a do thin a, Thisen mur var hnathawh Zu-in a dan thin avangin Zu in mi chu natna hrikin a zuam riau va, thisen sang pawh a tisang zual a ni.
Kal lamah(Renal system)
Zu hian zun ti tam hle mahse zunna Urate(Urea a chhuah thei) chhuak tur a dan avangin kal natna a thlen a ni.
Sex lamah
“Alcohol provokes the desire and takes away the performance” tiin Shakespare chuan a sawi a, chakna (desire) chuah nei a, a tak ram thleng zo tawh lo tihna a ni. Zu in pa nupui chu mi rethei ber a ni thin a, a tawpah phei chuan a lo chin(impotence) phah theih hial a ni.
Zu, kan tih Alcohol that ve nate
1. Damdawi siam nan leh zan mut theih nan
2. Pem, pan, hliam vel hrik dangtu leh tithianghlimtu atan,
3. Tha-na chiu reh nan(Neuralgia effect)
4. Chhul in sang tur a dan avangin a hun lova naupai tur a veng a ni.
Zu hi a thatna aiin a thatlohna a tam zawk avang leh a ngawlvei mai a hlauhawm avangin, in ngai lote tan chhin loh law law, in thin te tan sim tum, ngawlvei te tan ban thak tura inenkawl a pawimawh a ni. Zu ngawlvei rehna damdawi tha tak chu Bisulfiram(Antabuse) hi a ni.
“Hruaitu Arsi—Quaterly Magazine, Vol. 1, No. 2 atanga lakchhawn a ni. Ed.
A thatlohna hrang hrang sawi duh miah lo a a thatna lai sawi thiam deuh deuh hi an tam khawp mai. A in chi ho ai in a inlo chi ho hi khirh chu an khirh duh phian. Mahse zu in chung a khirh tawh laklawh ho erawh hi chu tih ngaihna thlawt an awm lo thung
#24,Hlua.
Maryland captain pawh kha in dan tawk thiam chuan pawi lo e…he..he.
Football ( soccer ) kha enge inang zel? indoor lamah te inkhel tawh em? Ka rawn coach hman tep tawh che u a nia.
Puite,
Zupui leh a tuitling hi chu a pawi dawn em ni ? , , , Malaysia zu khi zofa ten ti khawp khian kan chen a , a phai theih der loh chu male. I ngaih awm e.
Chhiar a manhla hle mai. Han ziak zel teh!!
#21, i sawi dik lutuk….Mizoram atanga Rih Dil an lo kal apiang hi an chesual ziah emaw tih tur hial a ni…zawt chiang ila, zu/beer hi sawi rik a ngai zel….kohhran hminga an kal pawhin an dang chuang lo……….heeehehehehe
Korean ho te hi an rui che ve thei a nia aw…. ruih buai an ching bawk si, buaithlak ve tak an ni. Korean Air-a ka thawh lai khan Party eng eng emawah hian min sawm ve thin a, keini ho aiin zu in an thiam lo fe zawk emaw ka ti hial thin. An nula te pawh hian Zu hi an heh hlawm khawp mai…Korea film hi en mah ula Zu hi an in deuh reng mai a ni…. Mahse, Asia khawmualah chuan a changkang ber ber an la ni thei tho mai te hi zir dan kawng zawn tha in ti ve lo maw….. Uisa leh Zu ngat te phei hi chu….keini aiin an duh ni mai lovin….Vanram nawm zia sawi nante pawh an hmang a, vanram kai chuan zing zan Usa leh Soju (zu) a chawm turte an ti hial ….ka phuah chawp a nia………hahahahaha
@Tourist lam neih duh phei chuan Zu leh Beer neih ngei ngei a tul bawk awm e. :D
Khawilam Tourist nge sawi tum tak aw :roll: Kohhran Sap chu ni hmel loh :lol:
Mizoram lam tourist ho hian Rih an va thleng hi chuan Zu an lam chul zel……Su Ju…Ju Ju :D
Khawvela kan cham chhung hian ZU hi a awm dawna…kan do rem dawn lo va…chuvangin in lo tura infuihte , in dan tawk thiam tura in zirtir fo te, kan mamawh ber zawkin ka hria.A hun leh hmun hre tura in zirtir kan mamawh zawk bawk ang.Tin, Tourist lam neih duh phei chuan Zu leh Beer neih ngei ngei a tul bawk awm e.
Sorry, a hnuai ah,
By, Puitea :lol:
tih tur ka telh hmaih :idea:
“Mizo te hi zu in kan thiam lo” kan ti leh thin a. Kei mah ngei pawh hian ka ti chawk a. Mahse, zu in thiam tak hnam hi an awm meuh em? Zu in thiam kan tih Sap ho te hi rui ve thei tak a nia an nih. Tahan vel ah in ve se chuan keini ai an mual pho zawk ang.
Zu hian thatna mumal a nei lo. Mahse, kei chuan ka ngai pawimawh. Thianza ho inhmuh khmaw tum te hian, zu tel lo chuan ka lungawi thei tlat lo. Ka rui ve chuang lo, tumah an rui chhia hran lo. Ui talh ngat phei chuan, a pawimawh lutuk tlat.
Sawi sawi mah ula, ka va han nghei awm hlei lom. Doctor ho ai a that loh na ka hre zawk…!
Kar 1 ah vawi 2-3 ka in a, vawi khat ah ka in nghek nghek ve lo. Zingah tui thah no lian tawk khat pap ka in ziah bawk. Tun thleng in sawiselna ka nei lo. Ka pumpui tha lutuk te hi ka buaipui zawk, ka thluak ai hian a la chak tha ter ter lutuk….!
Lutuk lo a, in dan hi in zirtir zawk ila, kan sawtpui zawk ang….
Kan in dawn tho tho…..
Delhi ka awm laiin “Zu in suh” in tih reng mai hi, tumah in an zawm in an inloh phah si lova, “Pengtrawng thawi dam dan” “Taksa khawihpawi vak lo tura zu in dan” , “zu chanchin (under proff chu engnge? Over proof O.P chu engnge? eng chin hi nge taksa tan him?)” tih vel hi inzirtir a thra zawk lomni? ka ti thrin a, fiamthu ang deuh in. A thra fu lovang maw?
Zu thatna leh that lohna lam sawi ka tum lo..
Ka’n sawi duh tak zawk chu zu chungchanga Mizo thu ziak reng reng hi
hriselna,chhungkua,vantlang a nghawng pawina lam hlir a ni tllangpui, mahse zu in lah hi kan pung tual tual bawk si a, a buaithlak lam zawng a nih hi.
Chuvang chuan zu in dan thiam a tulzia lam hi ziak ve thin ila a tha ve tho lo ang maw.
Mizote hi zu in thiam lo ve tak kan niin ka hria. kan in rau rau a nih paw’n sawngnawi lo deuh hleka in dan thiamte hi inzirtir a hun tawh em aw..te ka ti mai mai. enge inngaih dan le..
Zu chu in vak mai tur, ruih loh mai tur :D ka la rui lo. Sahdah, Tuibur tih vel chu ka rui tawh, hreawm tak a ni, ka ti nawn lo chiang kher mai.
Zu, kan tih Alcohol that ve nate:
No. 1-na a zan mut theih nan tih hi: “A dik a mahse, a power reh/zo hnu (e.g. zing dar 3/4 velah thangharh ta ila) chuan muthilh chhunzawm a har duh ngang mai a, muthilh leh dawn pawhin zu bawk in a tul leh thin anti” dik tak maw???
#Dr.Puitea
Zu chungchang chu ka rinai i kawmen that duh der loh le…!
Dr.Puitei ai i hriat hnem (i experience atang) ka ring zawk mah a sin maw le. :razz:
I tawn hriat hi a tam ve hrim hrim a :lol:
@Dr. Puitei, i thuziak type sual palh a ni hi a pawi kan ti tak zet a, min ngaihthiam kan beisei a, hetianga type sualna i rawn sawilang hi kan lawm hle bawk a ni, Kan lo siam tha nghal e. I thuziakah hian Zu thatlohna chauh hailang lo va, a thatna awm chhun chhun te i rawn sawi tel hian i article hi a ti puitling ka ti a, chhiar pawh nuam kan tih theuh ka ring. Tin, Han khawpui atanga he article rawn thawntu hnenah pawh lawmthu kan sawi bawk e.Ed.
Zu lampang ah hi chuan, ka HUL :D
Zu hi mipa-ah ruih zawngin a thawk a, hmeichhia-ah erawh hur lamah a thawk thung an ti..
Sex lamah hi chuan a tawk chiah hi chu a awm ka va ring e…
zu hi mipa tan ruih lamah a thawk a, hmeichhia tan erawh hur lamah a thawk thung an ti..
a dik em Btt?
Mipa tlangpui hian “Zu” an duh a, hmeichhia hian “Zu Zu” an ti :D
Article tha tak a ni. Kei chu ka Nu leh Pa ten in an phal lova zu hi…mahse Upuitea tih loh dan erawh achang chuan ka zir ve thin…chung lo…
“Zu” hi a tha lo. Chuvang in “Zu” pawh “Beer” pawh ka in lo law law. “Buh um chiahtawih” ka in thin :D a tha ngang mai…!
He hmun atang hian comment lovin ka rawn tidik(correct) ve tawp mai dawn. He article chhiartuten Spelling dik leh hriatna dik an lo neih theih nan tiin.
1.”Melory Wig’s syndrom” ti lovin “Mallory Weiss Syndrome” tih zawk tur.
2.”Aisulfiram(Artabuse)” ti lovin “Bisulfiram(Antabuse)” tih tur a ni bawk e.
3.” a tawpah hmeichhia chu a ching thei hial a ni” tia ziak kha “a tawpah phei chuan a lo chin(impotence) phah theih hial a ni” tiin chhiar i la a dik zawk awm e.
Hruaituten article a mi ngei hi in lo tih that theih chuan a lawmawm ngawt ang.
Beer dawm pahin ka’n chhiar zawh parh chu…
“Zu” hi sawi vak2 chi a ni lo a nia…., a in a inchi a ni e he2. “Dewar’s” hei kher hi chu ka la in miah lo. Zu ka in tanna kum 20 lai ani ve tareng mai! Zu-in mihring a khawih pawi dante khi ka lo hrengai lo pek a. A bengvarthlak hle mai. ka’n insum deuh tawh te’ng!!!
#Kawrdumbela: Zu that lohna chi hrang hrang han tarlan tak bakah khian a hnawksak ber nia lang khawtlang (society) tana a hnawksakna hi hmaih a ni tlat mai a. Hei hi chu Zu ruih (rui lutuk) in a hngawng ani mai em le?
Zu, kan tih Alcohol that ve nate:Chawi ei a ti tui, nula rim huai nan etc etc. heng lo pawh -Puite’an sawitur hi a hriat belh teuh mai ang(ah)!????
Thiam thu sawi vak chi pawh niin ka hre lo. Group mail atanga ka mi hriat chian vak lohte hian chu mi kha mi dawrah pawh kan thut tlan tawh kha an ti zel…..loz
Zu that lohna chi hrang hrang han tarlan tak bakah khian a hnawksak ber nia lang khawtlang (society) tana a hnawksakna hi hmaih a ni tlat mai a. Damdawi thiamna(Medical Science) kaihhnawih a nih loh vang pawh ani mahna.