ZOIN: Khawchhak Zofaten a sak hming kan hriat lar em em leh kan Arsi lian, kan hnam pa, mi huaisen Pu Dothawnga MP (kum 70) kan chan leh ta der mai le. Pu Dothawnga hi he khawvelah a hring a hranin hmu leh tawh dawn lo mah ila, a nunah thrangtharte tan zir tur leh entawn tur thil tam tak min hnutchhiah avangin kan hrereng fo ang a, kan theihnghilh tawh ngai lovang.
Pu Dothawnga kalsan tak a nupui fanaute kan tawrhpui em em a, kan sunna leh kan ui zia lantirna atan vuina program kan hmuh ang angte chu ZOIN ah kan han post ve a ni. Ed.
VUINA INKHAWM PROGRAM
A hun: 30.3.2010 (2:00pm)
Vuitu: Rev. Lianchia, Local Pastor
Chairman: Rev. Lalremruata, District Secretary
- Bible chhiarna
- Mipui hla No.1-na: “Aw Lalpa chungnung ber kan fak hle a che,”
- Hun hlan tawngtai: : Rev. Kapenga, D.S., Mission Veng
- A chanchin sawina:-
1. Pu Lalbiakthanga
2. Pu Lailiana
3. Pi Lalthanchhungi
4. Rev. Lalduhawma (Email chhiarna)
- Solo : Nl. Lalchawisangi
- Kohhrana rawngbawlna: : Pu Kapmana
- Lusun chhungte tan tawngtaisakna: : Rev. Lalrothanga, N.S.
- Mipui hla No. 2-na: “Ka chhandamtun ka aia thih a lo thlanga”
- Thlamuanna thuchah: : Rev. Lianchia
- Mipui hla No. 3-na: : “Aw Lalpa, i malsawmna hlu..”
- Malsawm tintu: : Rev. Chanchinliana, NMB Director
—Thlanmualah hunserh hman a ni ang.
—Hruaitu: Rev. Zonuntluanga, DECGB Director
A chanchin tlangpui
Pu Do Thawnga hi Bochung khua, Pu Lian Hnuna leh Pi Thang Mani te fa pathumna niin, kum 1940 June 21-ah Bochung khuaah a piang. Unau pathum an ni a; a pianpuite chu:-
1. Pu Khuang Chuailova (L)
2. Pi That Kungi (L)
3. Pu Do Thawnga an ni.
Kum 1960 May 24-ah Chawnghawih khua Pu Sui Linga fanu Pi Lalthanchhungi nen Pastor Hrangthuana kutsuihnain an innei a, fapa pali leh fanu pahnih an nei.
An fate chu:-
1. Pu Za Dawla, B.Sc(Maths)
2. Dr. Ro Dinga, B.V.S.,M.A(Political Science) USA
3. Dr. Za Singa, M.B;B.S.,M.Med.Sc(Surg), (MRCS Part I&II)
4. Dr. Lal Lawm Thanga, B.D.S.,D.D.S (USA)
5. Pi Khaw Tin Siami, B.A.(Geo)
6. Nl. Lal Tan Puii (Teseni).
A tute:
Pu Za Dawla leh Pi Lalzawnpuii te fa:
1. Tv. Suithansanga, M.A (Norway)
2. Nl. Demoracy Thanpuii, B.C.Sc (final)
3. Lalnunpuii
4. Lili Hualthanmawii
5. Daisy Zohmingthangi
Dr. Ro Dinga leh Pi Vanhnemi te fa:
6. Zalianthanga
Dr. Za Singa leh Dr. Win Win Ma te fa:
7. Ma Ngwe Zin Sing-i
Pi Khawtinsiami leh Pu Thangthula te fa:
8. Margaret Ramtharmuani
Zirna
Zirna lamah chuan Khawphual-ah pawl 3 thleng a kal a, Tuibual Middle School leh Falam State High School-ah pawl 4-7 (1954-58) a kal a, pawl 4 atangin scholarship dawng thei khawpin a pass tha zel a, Matric thlengin a dawng chhunzawm a ni. Tichuan, Scholarship a dawn zawng zawng chu K. 1680/- a ni. Halkha State High School atangin kum 1959-60-ah Matriculation a zo. Matric a pass zawh hian Falam PWD-ah
LDC kumhnih chhung a thawk a. 1961-63-ah khan Yangon-ah Health Assistant a zir a, zirtu mi 218 zingah pakhatna hmuin rangkachak medal cheng khat buk a dawng a ni. Hetia pakhatna a hmuh takah chuan M.B;B.S. kum hnihna zir chhunzawm thei a ni a, mahse sawrkar a inlumlet tak avangin a kai thei ta lo!
Kum 1964-89 thleng Chin State leh Sagaing Division-a Rural Health Center 8-ahte Health Assistant hna a thawk. Homalin Township, Nantaw khua atang hian a pension ta a ni.
Ram leh hnam tana a rawngbawlna
Ram leh hnam tan hian a theih ang tawkin a inpe a, kum 1995 atanga vawiin thlengin HLCA-ah Advisor a ni. Kum 1990 inthlanpuiah Kalaymyo No. 1 Constituency atangin MP-a thlantlin a ni a. Politics avangin kum 1972 October ni 30 atanga kum 1974 August ni 4 thleng, Myin Chian lung inah leh, kum1996 May ni 20 atanga kum 2003 June ni 2 thleng Mandalay lung inahte a lo tang tawh a ni.
Thlarau lam:
Kum 1989-ah sual inhriatchhuahna a nei a, lung in a tan hlimin Lalpa nen intawhna fel tak neiin thlamuang takin Lalpa hnenah a chawl ta a ni. Lung in a tan chhung hian Bible vawi 38 a chhiar chhuak a, bung 200 chuang a byheart a ni.
A natna:
Kum 2003 atangin zunthlum leh thisen sang natna a vei tih a inhre tan a, Doctor liante pana inenkawl mek chungin, kut ke vei lam zeng natnain a tlakbuak a. Kalaymyo damdawi inah a inenkawl hnuin, Mandalay lamah kan panpui leh a. Thla khat leh a chanve vel kan inenkawl hnuah a rawn that chhuah theih tak avangin, kan rawn haw chho va; in lamah pawh kan fapa Dr. Za Singa thiante, Dr. Thura Zaw leh Dr. Ko Ko Lwin-a te hnenah kan inenkawl chhunzawm zel a. Mahse, a thisen thlum a lo san em avangin, a kal (Kidney) a tichhia a, a kalin hna a thawh that theih tak lohvah chuan, a lung a lo khawih pawi pha a, a zeng?nawn leh ta a ni. Chuti chuan February 16 khan Kalaymyo damdawi inah kan lut leh a, March 12-ah dam takin kan chhuak a. In lama kan inenkawl mek laiin, a kal natna a rawn zual leh ta thut a, March 23-ah damdawi inah kan luhpui leh ta a ni. Doctor leh Nurse ten theihtawp chhuaha an enkawl mek laiin min peih lohsan a, 29.3.2010 zing dar 7:15 khan Lalpa hnenah thlamuang takin a chawl ta a ni.
Lawmthu:
Damdawi in puia tum hnih kan luh chhung hian sum leh paia min tanpuitu te, min bawihsawmpuitu te, kohhran leh mimala min tawngtaisaktute chungah kan lawm em em a. A bik takin kan fapa anga kan en Dr. Ko Ko Lwin-a chungah kan lawm takmeuh bawk. A ruang dah kan dilna Central-in min phalsak a, thalai tlaivarte, thlan mawi taka min siamsaktu te, fatu hna hah taka min thawhsaktute chungah kan lawm hle. Tin, ? vawiinah in hun hlu takte kalsana min sunpuitu zawng zawngte chungah kan lawm em em a ni. Lalpan a let tam takin malsawmna vur let che u rawh se.
Bawihtetea i thaw dik fu mai,a fate rau rau zingah an ni pahnih hi an awmang ang ka tihna mai a nia. Ni e, mi inpe te hi a tha ber ang ka ring,mi inpe lo te ai chuan. Zoin.info a ka pawh hmasak ber i ni tlat mai,i ti lawmawm e,kei chu mi thar ka ni. Ual kap en nuam aw..ron ti zel roh,insum vak loh tur.
Politic leh Kohhran hruaitu tur reng rengah “awmang ber” an awm thei lo. Ram/hnam/kohhran/khawtlang hruaitute hi a chhera in chher chhuah theih chu a ni teh meuh mai! Mahse, kan suangtuahna piah lam atang hian rin loh takin an rawn chhuak chawk! Tunah pawh hian kan Mizo thalaite ngei, ramdanga politic leh thildang zir hi ka hre nuk…! An tlangzarh lo mai a ni!
Ka ui tak tak a ni, Rodinga leh Lallawma talin an la ron chhun zawm ve turah ka ngai,an ni pahnih hi an awm ang ber ang.
Kan hmangaih, ka naupanglai atang duhsak takin min lo enkawl puitlingtu berin mual min liam san hi tuar thiam a harsa hle a ni. Kan chhung, unau leh thenrualte tanna theih tawp chhuah tak meuhvin hnathawh thintu a nih angin kan hmangaih a ni. Pathian remruat chu mihringtein thlak danglam leh theih a ni lova, Christian ringtute kan nih angin vanramah kan intawng khawm leh ang tih ka ring tlat a ni.
Pu Dothawnga boral thu hi ka lo hre ve chauh a, a va han uih awm ve maw. Ani hi chu engkimah belhchian a dawl a sin maw le, an party NLD hian kan ram chu han hruai ve tehi tawh se la chuan kum tam a vei hmain kan ramin ram dang hmuhsih chu a tawng nep ngei ang. Pu Dothawnga anga sipai nunrawng ho do ngam politician huaisen hi zofate hian burma ramah kan nei leh tawh lo mai thei a ni, a nunna kan chan hma lutuk hi a pawi tih loh chu sawi tur a vang hle mai. Pu Dothawng, thlarau khawvelah hahdam takin chawl nang che.
Pu Dothawnga anga mihuaisen, midik, mahni rinna tantlat ngam, tumah hmusit ngailo mahse tu hma pawha zam ngailo, lehkha thiam, thluaktha tawngkhawng Zofaten kan can hi sawi tur a va vang tak em. A ruangah pawh kei meuh ka tap a, ka la tap zel ang. Ani ang hi Khawvelah an vang tawp a ni
Zuala
ohooo, avahan poitak em ve oo, khua a varteuh toh nen, kanzofate hamthana veber kan chanta chu tawnmanglam mai ni se
@Btt…i comment kha approve ngaiin a lo awm a, ka han click a a rawn lang ta in ka hria. Comment reng reng hi Approv/Moderate ngaia dah a ni lo nan a mak khawp mai, kan thiamnain a tlin lo a ni ber e. Tin, ZOIN enkawltute hian comment huang hi zalen taka dah a nih avangin chipchiar takin kan va chek kilkel hran tawh lo a, comment ziak, lut lo palh a awm chuan tawngkam hawihhawm zawk hmangin in hriattir thin ila, a lawmawm em em ang. Tin, Comment reng reng hi delete/moderate a ni ngai lo tih hi hretlangin, comment huanga thuziak delete tul a awm a nih pawhin patling taka delete thu inhrilh a nih mai thin kha i hrereng ang u.
Ka thalaipuite u……Kan Miropui Pu.Dothawnga Fam chan ta chu……Khawnge ka’n Tap hawm hawm teh ang. Min dem lo mai teh u.
Aw…Ka Pu, Aw…Ka Pu, a va pawi em. Mual min liam san ta chu…..Ka va tuar thiam lo em!
I tan engmah tihsak theih che ka nei lo. Lusun In i lenpui laia Tuisik No khat ka suah sak che tih mai loh kha chu. I thlazar hnuaiah Myanmar Duhlian fate Muangten kan leng. Tudang reng kan ngai bik lo a sin maw le. Engtinnge kan awm tak zel ang?
Arpuiin a fate Mupui laka a veng him angin, Nangin min lak tumtute laka min chhandama, Min tina theitu Chinghnia lakah min humhim thin. Aw…tunah min kalsan ta si…Mupui leh Chinghnia Koham tak takte lah chu an hrang tual tual….an hrang tual tual….Khawiahnge Himna kan zawn tak ang.
Ka Pu, kan va ngai che em. Israel faten Lal Davida ngaia an tap ang kan lo nih tak hi. Nang leh kan Pi hoten inthawhrimna zawng zawng kha kan hai lo a sin. Kan hmasawn beiseia inbeih kha LALNUNRAWNGA’N a phal lo maw? Keipui sahauh ang mai lo ni e. LALNUNRAWNGA’N ngamthlemnate, Vaukhanate leh Hremna chi hrang hrang an tuartir lai che a, hnung i tawlh duh miah loh kha Thangthartetan, entawntlak i va ni teh lul em. Hnampa, Pasaltha Huaisen nih i tling tak meuh a ni.
Ram bialchhunga, Arpa chhiarkhuan kan neih ve te lah LALNUNRAWNGA’N an Siak min tan bulh zawh sak vek si a, hlauhna a vangin an Mei a khup zo ta.
Aw..Ka Pu, kan ngai ngawih ngawih a che. I thachhangdal tura kan Pasaltha Rammute kha Khawiah nge an awm zawh tak! Lei tha leh Tui hnawnna hmun a tangin an chhuak thei tawh lo em ni? Nge, min theihnghilh zo ta zawk? Lei tha leh Tui hnawnna hmunah chuan min hruai thlen an tum zawk em ni? An thawm a va reh si em?
Khua a Sahrang Tla ang mai kan ni ta,,, I mite lungsitakin kan Muhil thei lo. Thlabarna in kan khat. Tiang reng chuan, Mahni seh seh mual hranah kan ti mai dawn a sin. Chhantlak kan la awm. Chhantu kan ngai. Puitu kan ngai.
Aww..Ka Pu,Aw…Ka Pu,Kan ngai vawng vawng a che. Aw…….Thihna i Tur a lo va kha tak em!
Ka tahnan ka chau,ka zawi ta vek.Thlanfim a tla.Mittui a far kauh kauh. Chhamtur ka la nei.Ka Rawl a chhuak thei tawh si lo.
Kan hnam Zofate Arsi lian kan han chan ta chu tawrhthiam a har ka ti.Pu.Dothawnga ang mi ril leh politic lama Burma ram central hawlhpha hi Burma a cheng Mizo nu te hian min hrin sak leh theih pawh ka ring lo.a leh kha thiam theih zia te leh a hriatreng na that zia te hian a siamtu lalpa a chawimawi ani ka ti lo thei lo.Falama school pawl 7 a kal lai pawiin an Headmaster Pu Ngunzathanga phei chuan kei aiin chhiarkawp(Maths) athiam zawk a ni tiin a sawi hial a ni awm e.
Thi tur theuh kan ni a, a thi hmasa leh hnuhnung kan awm a ni ber mai a, kan hnam arsi in min liam san chu ‘a pawi’ tih mai loh chu sawi tur a awm lo a ni. Bible vawi 38 chhiar chhuakin, bung 200 lai mai avawng (byheart) hian kan hnam arsi a nihna leh politic mai nilo thlarau lam kawngah pawh hruaitu a tling a ni tih a ti lang lehzual niin ka hria.
A va pawi ve aww… fate a nei chhuanawm hlawm bawka, an Pa hniak hnung rawn chhunzawm thei se, ka ti mang e.
Nimin khan “Breaking News” tiin comment huangah ka rawn tarlang a. Zoin pute’n in lo thiat sia, in ngaipawimawh lem lo a niang chu ka ti mai mai a. Tul ti em em in, ka ngaihsan em avang in, Zoin members ten a hlimchhawn ah an lo hriat ve nan ti in. Comment thaibo in ching hle mai (computer system chiang loh vang nge). Kan rilru a la zim hlawm deuh a ni….titau, in tithiam lo tihvel a chhan a nawi tlat.
Huissss!! Ka Pu chu … ka hmu leh ngai tawh dawn lo a ni…nizan lama BBC Burmese service atanga a chanchin an rawn puang dum dum mai chuan…min ti thlabar nasa hle a ni..khawchhak zofate arsi lian a her liam tak avangin. Ani anga central hawlhpha hruaitu tha hi engtikah nei leh thei ang i maw???
I sakruang vur ang lo daiin rihsang mual min liam san mahla e, thang leh thar te rilru chhung rilah chuan ih thi ve ngai tawh lo ang.
Kan ram’n daimond tha mi kan chan ta!