Zo Arsi Lian, Her liam ta R.V.L (1915—2006)
Published on: Sep 20th, 2008 | Posted by: zoin | 438 views
By: Chhuantea Pa, Tahan “B”
Thenna ramah kan len lai hian,
Kan then leh-thin lungduh lenrual;
Zonun hruaitu Si-ar eng mawi,
Sakhming V.L a her liam ta;
Thinlai rukah hrilh a hai ngei.
A sakhmel mawi, kimtlang zawh leh,
Suangtuahna hlu thiamthang zawng nen;
Awmlai lengin a hruai tui ta,
A pam em e, chul hlen turah;
Ka ngaingam nem, lung vai ruai e..
Thiamthang au leh limlang khawlah,
V.L fam thu, vuiliam thu nen;
Zoram khawvel zaleng tawnah,
Pholeng ianga an than ni chuan;
Luaithil tui ang, a hnam reng e.
A hlimthla leh ziahtial zawng hi,
Kei ka chan tawk lo zu nia le;
Zalen Cabin runpui zauva,
A thinlai ruk, puan lai zawng kha;
A thar lehthin ka ngai em e..
Zofaleng tan ziatial tinkim,
Hai ang tar thleng, hlan zeltu kha;
Khua romei leh Zochhum iangin,
A thamral ta van zawl zauvah;
Ka hringnun hian a ngai thiam lo.
Keini erawh, hlun lo ramah,
I thaikawi leh ziatial zawngte;
Kan chhiar zel dawn, kum tluang chenin.
“Hringfate’n Van-ram nuam hial iang tura kan ngaih rawn, ram ropui leh changkang, khawvel ram zawng zawngte pawh awptu tia sawi phu hliah hliah—USA pawh hian kawng hrang hrangin khawvel hi leupuiin leh liluhpui thin mah-nise, September thla a rawn det tawh hi chuan a thinlai 
muhnu pawh 9/11-a vanduaina rapthlak tak khan a kaihthawh lehthin ang hian, Zofate thu-leh-hla lama kawng sialtu hmasa zinga kan Arsi Lian, September 20, 2006 kuma fammi min chansantu, Pu R. Vanlawma of Zalen Cabin, September thla a rawn det tawh hi chuan i thawmthang leh i ziahtialten i hmangaih zofa lengtin tawnah dar angin a thang nawn fo dawn a ni.
Pu R. Vanlawm, kan hriatrengna che leh kan ngaihsan zia che lantirna atan a chunga thu-hla-ril ril tak, nangmah sunna che atana Pu Lalhmingliana (Chhuantea Pa) Tahan “B” group-i’n Hruaitu Arsi Magazine, Vol.3. NO. 7-a a thaikawi khi, i liam thla—September a rawn det tawh avangin ZOIN-ah kan han phochhuak nawn leh a ni. ED.
A lawmawm ,Pu Vanlawma hi ‘Thu leh hla lam’ a tih ai mah hian Mizo Nationalist diktak anih na hi hre fo zawk ila a ropui lehzual viau ang..Pu Vanlawma,R.Zamawia,Malsawm Kawlni etc,te ho hi tualchhung politik a in hnamhnawih duh miah lo khawp a Mizo an ni e…Pu Vanlawma ai han awh zo tur hi kan la piang lo ani mah na……R.Vanlawma hi tualchhung politik ah in rawlh duh se,Mu ringawt in MLA chuh ta se khawilai ah pawh a tlin ka ring thin….Mahse mihring,Mizo diktak…ani a.., rawn piang nawn leh mahse Mizo tho in a rawn piang nawn ngei ang…..Ka ngaisang che..Pu Vanlawm….
pu R. Vanlawma bo ral na pawh a lo rei ve leh tak mai a, ka ngai sang ve thin khawp mai. a thih cham ah in rawn daha in ti tha hle mai. a ziak tu pawh khai an ngaihsan zia a lang,,, ka fak top.
[...] Source: zoin.info [...]
Pu R.Vanlawma hi Mizo zinga ka mi ngaihsan berte zinga mi a ni. A boral champhaphak a lo thlen hian thinlungah a thar leh thin. Naktuk Sunday tlai dar 5-ah hian amah hriatrengna memorial service, a Fanu Zotinkhumi’n Maryland, USA-ah a buatsaih dawn. Thinlungah kan Arsi lian kalta R.Vanlawma kan hre reng che a, thang leh thar lo awm zelte hian theihnghilh ni reng kan nei lovang che. Zofa lenrual zingah nang anga mi dik leh ram hmangaih hi piang leh tak ang maw, kan ngaiin kan va han chhuang tak che em?
Tha takzet.
Nia..Pu R.Vanlawma kha aw….a kal hma deuh mang e.”Dama tlang chuan-pui reng ka nuam hmatiang sawn zel nan.”A pawi tak tak a ni-Zofate Thu leh Hla kungpui zar pawimawh tak a bal(tliak) ta mai kha!