US rama Master
zir duh tan lekhkha zir kum (2009–2010) atana Fulbright zirlai tanpuina lawmman chu March 3, 2008 atanga dil theih a nih tawh thu American Embassy, Yangon, Myanmar chuan a puang. He program hi US sorkarin Burma ram chhunga lehkha thiam thei fal bik, zirlaite puala a buatsaih a niin a senso tur zawng zawng pawh tum sak vek tur a ni.
He program dil thei tur hian English thiam dan tehna TOEFL mark 575 hmu chin anih lo vek leh IELTS 6.5 hmu chin nih a ngai, tia puan a ni. Tin, he tehna dinhmuna din leh din loh la inhre lo, dil turte tan March ni 24 atanga ni 27, 2008, ni thleng hian Office hawn hun chhungah American Center, Yangon ah exam neih a ni ang. Tichuan, he exam result hi April ni 10, 2008 ah Ameriacan Center Notice Board ah tarlan tur a ni. He program hi dilduh tan May 01, 2008 hma ngeia dilna thehluh tur a ni e.
He program diltute chu:
1. Burma mi dik tak leh Burma ram chhunga awm ngei, B.A holder (or) M.A holder a ni tur a ni.
He program a Subject thlan theih te chu:
Public Health, Education, International development, International Relation, Political Science, Economic, Journalism, Public Law leh Librarian te a dil theih a ni. Tin, Management, Computer Science leh Damdawi lam zir duh tan erawh hmun a awm lo thung.
He program hi kum 2 tan a ni a. An zir zawh veleh Burma ramah an haw leh ngei ngei tur a ni tih a ni tawp mai. Tin, he program diltheitute hi US ram leilung la rap ngai lo mi a ni tur a ni tih a ni bawkin English test-naa mark hmu tha tan beiseina sang tak a awm. Hei le, a hnuaia phone number tarlanah hian he program ngaihven duh tan chipchiar takin a finfiah theih e.
Yangon American Center Phs. 223140, 536509, 536756, 538038, 650006, ext. number 4377 ah chipchiar zawka ngaihven theih reng a ni.
thulakna:chinworld
Thu lawmawm tak a nih hi. Thian Burma atanga zir tura chhuak chak deuh mai ka nei a, ka duhsak hle mai. TOEFL exam chhan tur khi mahni intum tur a ni ang maw???