By: Puibawiha, Philippines
zoin news correspondent
US President George W. Bush-a fanu (phir), 
Jenna Bush chuan a chhas duh tak hun rei tak atanga a lo kawp tawh Henry Hager nen inhualna thuthlung an suihnghet ta, tiin In var (white house) atang nimin (Thu) Aug. 16, 2007 khan puan a ni. White house-a Rose garden -ah inneihna hi an buatsaih dawn em tih zawhna chu, “an inneih ni leh hmun tur chip chiar taka ruahmanna a la awm lo,” tiin Bush-a nupui Laura chuan a sawi.
First White house Rose garden chu kum 1913 khan Woodrow Wilson-a nupui Elleni’n a din a. 
Hman atang tawhin function chi hrang hrang neih nan an lo hmang tawh thin a ni. Eg. Press conferences, President te fanu pasal neihna hmun, he pangpar huan mawi tak hi a sei lam chu feet 125 a ni a, a zau zawng feet 60 a ni. Kum 25-a upa Jenna Bush leh kum 29-a upa Hager te hian ni 15 Aug. (Wed) khan Maine-ah inhualna an nei. Maine hi March 15, 1820 khan America state 23-na a ni a, a nick name chu “The Pine tree state” a ni. Hager hi favang hian a zirlai Master degree in Business Administration zo turin University of Virginia-ah a let leh ang. Ani hi White house office lianah pawh puitu hna leh Bush-a thlan-nawn-lehna campaig-ah pawh a phul-a-kaia lo pui ve tawh a ni. Tin, kum 2005 November thlaa Prince Charles leh a nupui thar Camilla te USA an zin tum khan White house-a zanriah kilpuinaah pawh khan a lo tel ve tawh nghe nghe. President chenna in var (white house) hi chu a tlangnel viau tawh niin a lang. (British royal family Prince Charles leh Camilla te hi kum 2005 April thla khan an innei a ni. Diana-i kha chu a tluk loh hmel).
Jenna Bush-i pasal tur Henry Hager hi John leh Maggie Hager of Richmond, Va, te fapa a ni a. A pa John Hager hi Virginia Republican Party chairman lo ni tawh a ni. Tin, Education deparment office-ah Asst. Secretary; Lieutenant governor of Virginia, leh Virginia Office of Commonwealth Preparedness-ah Director nihnate lo chelh tawh a ni. Jenna Bush hian English degree kum 2004 khan University of Texas at Austin atangin a zo a. He mi hnu hian kum khat leh a chanve chhung Elsie Whitlow Stokes, Elementary School-ah a thawk a. Chu mi hnuah Latin America chhunga UNICEF ah thla 10 chhung a thawk leh a, tleirawl ho zirtirin heng; Argentina, Paraguay, leh Panama-ah a thawk a ni. US President fanu hian a lehkha bu ziah “Ana’s Story” tih chu Sept.28, 2007 hian tihchhuah a tum a ni. A lehkha bu-ah hian UNICEF-a a thawh laia a thiltawn leh hmeichhia kum 17 mi HIV natna pai chanchin a ziak a ni.
He a lehkhabu hralhna man te chu UNICEF rawngbawlna tanpui nan a hlan dawn a ni. Tin, a nu nen hian Children’s picture bu an buatsaih duna chu pawh chu nakum 2008 nipui-ah tih chhuah an tum. He ta an lehkhabu hralhna man te chu Teach for America leh The New Teacher Project atan an hlan ang. Thenkhat chuan Jenna Bush leh Hager te inneih tur hian present an dawn that viau an ring.
