26 August 2010: Kawlram roreltu Sipai sorkar chuan Noverber 7 ah rampum huap inthlanpui neih tur a nih thu August 13 khan a puang tawh a, tel tur party 40 an awm thu hriat ani bawk.
He inthlan hi sipai sorkar-in kum khuaa ro a rel theih nan kawng chi hrang hranga a duan ‘inkaihhruaina danpui’ hmanga buatsaih a nih avangin inrawlh ve a sawt lo a ngai pawl an awm laiin then khat chuan sorkar rum tak inthlahzal lai chuhin ram leh hnam tan engemaw chen thiltha tih theih an beisei ve thung a ni. Sorkar dinglai chuan NGO anga a din USDP chu political party-ah a siam a, member maktaduai 8 chuang neia sawiin rorelna zawng zawng hum zel a tum hle a ni.
Tarlan tawh angin 1990 inthlana hnehna chang NLD party chuan kumin ‘inthlanpui kaihhruaina dan’-in an hruaitu Pi Aung San Suu Kyi leh politic avanga lungin tang mekte tel ve a khap avangin inthlannaa tel an tum lova, ‘inthlanna kaihhruaina dan’ leh ‘inkaihruaina danpui’ hrim hrim hian democracy ramah a hruaithlen theih an ring lo bawk a ni. Inthlan a hnaih ang bawkin party hrang hrang chuan bial hrang hranga an candidate tur an puang ta sap sap a; Kawlram pumpui zarpharha USDP khing pha tur an vang hle a ni. Kumin inthlanah hian hmun hrang hranga thu tur dansiamtu (legislature) thanhnem tak thlan ani dawn a, Tahan leh a chhehvel-in an thlan turte chu:
1. Amyota Hluttaw MP (Kalay District tan pa 1) [India Raja Shaba ang chi]
2. Pyithu Hluttaw MP (Kalay Township tan pa 1) [India Lok Shaba ang chi]
3. Ragion Hluttaw MP (Kalay Township tan pa 2) [Mizoram MLA ang chi]
4. Ragion Hluttaw MP (Kalay Township-a cheng Chin miten pa 1) [Mizoram MLA ang chi] –
Hei hi danpui Chapter IV, section 161 (b) angin Sagaing Region, Kalay township-a Chin mi belh (140,000?) chuan Kawlram mihring zat (mtd 57) atanga 0.1% (57,000) a khum avangin Sagaing Region Hluttaw-ah Region MP pakhat Chin mite pualin an nei thei a ni. Tahan-Kalaymyo biala Party dang candidate hriat a ni rih lo naa Chin Progressive Party (CPP) chuan an tih fel tawh thu Party hruaitu pakhat hnen atangin thu kan dawng a ni. List kan dawn danin:- Amyota Hluttaw MP tan U Khin Maung Yin a ni a, Pyithu Hluttaw MP atan Pu Khawtuahlala candidate tura ruat a ni. Ragion MP pahnih atan: Tahan-Kalay Kawngpui Hmarlam zarah Pu Zam Khan Thang vote hung tura tih a ni a, Chhim lam zar atan Pu Khaw Tin Thang candidate a ni. Tin, Ragion MP (Chin quota) tan Party President Pu No Than Kap a ni ang.
Aizawl-a hmunpui nei Khonumthung News (online) tarlan danin Lusei hnam ten 0.1% Quota atangin MP neih theih an tum thu hriat a ni a, August ni 11-a ziak News-ah chuan ‘veng upa’(local elder) pakhat chuan “mihring 50,000 kan awm chuan MP seat khat pe turin” sorkar-ah ngenna an theh luh thu ziak a ni a, “tunah mi 20,000 list kan pe lut tawh” tiin chu upa’ chuan a sawi bawk niin tarlan a ni bawk.
Thu lakna: singapore-mizoblogspot
Champhai lam atangin ,hnam chipeng anga party din a,mp/mla tih angreng vel hi chu tih hmasak tul ka la ti lem lo,zohnahthlak hrim hrim an nih chuan vote tlin phot a poimoh hmasa ka ti. Tin,sipai ho poh hian tling tur chuan mipui vote kan mamawh tih an hriat chhung reilo te poh hi a ram mipui lakah an inlulin loh phah a,inthlan hi a tha ve hrim hrim ka ti,a tling tur chu hriatsa tho mah ni se.
In lo titi tui nasa a nih hi maw le. Ka rawn inlan ve hnuhnawh teh ang.
Party din emaw, in-candidate emawte hi chi 2 in an awm a ni awm e. Pakhat chu local level leka che ngam party/candidate a ni a; a dang leh chu national level-a chet tum party/candidate a ni.
Keini Chin/Zofate leh taing-yin-tha dangte pawh hi national level-a party din chu kan ngam hlawm lo, kan tum lem lo niin a lang. Kan hnam ramri piah lam boruak kan ngam zan lo niin a lang.
Liandova sawi ang hian national level-a politics khelh duh tan chuan a ram pum huap party-a tel hi tih awm tak chu a ni, ram tha pangngaiah chuan.
Mizo party din thu kha in sawi nual a. Tihian ka ngaihtuah ve mai mai a. Mizo party chu Lusei/Dulian tawng hmang chauh bel hbul tur angah ngai ta ila, Kale-Kabaw biala Lusei/Duhlian tawng hmang zawng zawng pawh tangrual ila Sagaing MLA pakhat tan pawh kan in-vote tling thei ang em le? Kan mipum zat inchhut chian hmasak a tul hmel hlein ka hria.
Ti zawng hian tan lak tum ta zawk ila. Duhlian/Mizo tawng hmang mi fel, politics khel thiam tur inchher chhuak nual ila. Chu mite chu local emaw national level political parties-ah thawn chhuak ila. Inthlan nikhuaah Chin/Zofa zawng zawng bakah Kawlho pawhin an thlawp theih turin boruak siamin campaign-pui thin ila. Chu chu tuna Kale-Kabaw phaia kan dinhmun leh mi pum zatin a tlin tawk la niin ka hria.
NO.15, Zahleithanga leh CPP president chu tehkhin chi a nih ka ring lo. ZHT chu a pian leh murna Falam biala leh Chin State ah politic a han khel zawk a ni a, a mah ngei a lo chen tawh avangin a hrechiang hle a. Tahan kha chu business vanga a chena mai a ni. CPP President hi chuan Kalemyo leh Sagaing divisionah a la cheng ngai lo va, a chhunga awm tlangmi (Chin) zawng zawngte hrasatna hi chu a hriat thiam pui tak tak dawn lo tih chu a chiang hle, a hriat chian lohva chu eng tin nge a hmangaih theih teh lul ang…… Mahse i sawi ang khian …But, There is something behind ….. a nih tlak avangin ngaihtuah a ti tam a ni….
Party te nau ho hi chuan eng mah tak tak an sik kuak ka ring meuh lo va, inthlannaah kan tel duha kan khua leh tui tan kawng kan dap a nih chuan sorkarna chang ngei tur Sipai (USDP) ho hi tlawn lungawi ila kan khua leh tuiin kan hamthat phah phian zawk lovang maw….ka ti ta mai mai zawk.. rin thu theuh theuh……..
@Cheers RD…tui la pawlh loh a nia aw, mahni duh tawka pawlh mai tur !!!.( I ngaih dan ka tawmpui e) ……Bawihtetea kha khawinge a awm tak le ?
Mizo party, Chin party chauh ni lovin, Chawngthu party, Khiangte party, Sailo party, Hualngo Party te pawh a duh a piangin a din theiha, sorkar in register tura a pawm chuan a thra a ni mai a, kan sawi tur a awm lo ve.
Mahse, hetia hnam hminga party an din hian a hnam mipui ai a awh thei tak tak em? tih hi en fo a ngai a.
Khawvelah political parties hi chi tamtak a awma, mithiamte chuan chi 6-7 lai in categories an thren a, policy a ding te, hruaitu thmingthang tak pakhat avanga din te, tumna pakhat avanga din te, inthlanpui hmachhawn mek tana rei lo te tana din te, party leh ngaihdan hran hrang in belhbawma din (League) te etc..Hanm hming or class hminga din te (eg. leilet pa party) a ni a. A pawimawh ber chu mipui in an duh em? mipui ai awh in mipui hnathawk tur party a ni em? Engnge an policy? Engnge an ideology? Hruaitu thra leh rinawm an nei em? tih te hi a thu pui hle a, thawk lawka party din mai hi chu awl te a ni a, inthlannaah vote 7 lek hmu te an nih chuan ….
Mizo party din avanga Mizo-te hamthratna vio tur hi kei mimawl chuan ka ngaihtuah pha mai lo a ni.
@Liandova ; Ni e. Comment hi chu tumah in thla hrung loh tur a ni. Abikin Zoin phei hi chu a pian hma renga ka ta deuh bik a nia han ti ila ka sawi sual awm si e. Ka inthla hrung lo khawp viau nain mi huat thu ka sawi tel palh ang tih erawh ka hlau ber fo.
CPP President Kalay-kabaw a incandidate tur hi chu ngaihtuah duh leh paih tan chuan ngaihtuah tur a awm tak a lawm le. Hneh/tlin inrin lohna hmunah lak chuan Politician pakhat ve meuh chu a in candidate duh awm der si lo. Liandova sawi hi a dik a ni, a chen ngai lohna hmun leh khuaa Kuang a han hung tur hi chu !!! Ngam pawh a ngam reng reng ka ti But, There is something behind an ni e AN TI.
Dr. Zahleithang kha Tahana in leh lo nei khan Falam 1 or 2 (?) a nia aw 1990 ‘Election’ khan a in candidate daih !!! A ni kha Falam khua chu a ni lova Tlau Hmun(?) khua a ni tain ka hria. Umm…Kalay-kabaw ah Chin quata rawn chuh tur chu Kalay-Kabaw ah Chin/Zofate kan tama a tlin a inbeisei a ni ngei ang. Hriat thiam zawng a har a ni e…
@Tahana ; Ni e…i rawn sawi tak te hi thil dik a ni a. ‘Mizo’ hminga Party a ding theih lohna chhan a awmin keipawh ka ring bik lo. Ka han comment leh teuh teh ang…
Kan ram chuan ‘Election’ chu Nov 7 ah nei thei tur chuan a in buatsaih meka chu tih laiin Party then khat te chuan a hun pawt hnung deuh tura dil te pawh an awm kha. USDP Party Sipai Lal Aung Taung(?) chuan an Party member 16 millions an nih tawh thu a puanga chu chu thil dik a nih chuan kumin inthlan lo awm turah Burma puma vote thlak thei chu 30 millions vel ni tura rin a nia USDP hian member 16 millions a neih chuan vote pum chanve 50% chu USDP ta a ni dawna 25% an neihsa nen chuan a engahma-in 75% chu Sipai ta tur a ang hle. Seat tam thei ber hui chu an tum a ni tih pawh hriatna tana beng nei chuan kan hria theuh awm e. A Lal-a te, Lal-na nei tu te an dang lam chuang si lova Danpui ber lah Sipai ham thatna leh nghet zual sauhna a ni zawk bawk si nen ‘kan hma lam hi a eng ngut meuh ang emaw’. Aw Lalpa ‘a pangai bawk’ kan ni leh tho lo ang maw? Hunin a rawn hril anga ‘a ngai te bawk’ kan lo nih loh hlauh tak chuan chu chu he comment ziak tu duh thu sam pawh a ni renga kan hma khua pawh a eng ngei ang.
Ni e, Lushai tih hi Encyclopedia ah khan a awm ngeia ‘Mizo tia in ko an ni reng a’. Kha thu an ziakna rei lam leh Mizo tia an in kohna sawi lan a nih thu rei lam pawh in ang khat chu a ni. Kan rama Mizo hminga Party a din theih lohna bik tur chhan chu ka hria bik sise lo nain han ding se a hming pu tu te tan pawh beiseina a tam tur nen vawiin thleng chuan a la ding hrih lo a ni ang chu !!! A population (Mizo) hian 0.1 %(sing nga) hian a la tling hrih lo ti dawn ila Encylopedia-a an ziakna kum atanga inthlahpun dan tur nen chhut chuan tling thei tawh tur awm tak kum chu a vei liam tawh a sin maw le. Mahse ‘Mizo’ hming hian Party a ding tlat lo mai le. A chhan tur ni thei erawh han sawi tur ka hria bik lo nain ‘a chunga’ ka koment tawh ang khian ” Mizo hminga Party a din hma hian Zofa te zingah sawi fel tur a la tam deuh te pawh a ni ang” !!!
Chutia CPP Palai chawpchhuah te an mimal kal dan atanga ‘an hlauh awm’ chu a pawi tak hle mai. Kan Politician ram/khua/veng kaihruai tu tur te ‘an hlauh awm’ chuan hruai tu leh mipui inrin ngam tawkna a awm lo tihna a ni thei anga hma sawn a har dawn deuh a ni. Chutiang a nih chuan CPP te chu an pawl thu rin anga an kal chu a rin awm lo tak a nih chu ma le. A thu hrimah Kalay-Kabaw-a Chin/Zofate aiawh tuma kuang hung tur CPP te hi an ideology scope a zim deuh lam thu hi chu mimal hmuh dan theuhah dah ila “Mizo” hming hian Party ding ta ila ideology scope nei zau deuh thei tur te kan awm reng em? Nge then khat huam bik te tan chauha zauva then khat dangte tan zim leh si thung. Party Political ideology scope thu ah chuan ‘Mizo’ aiin ‘Chin’ hian a scope a huam zau zawk turah ka han ngai thla ve rawka ma le !!!???
Comment huang chhiar a nuam hle mai, tumah inthlahrung lovin rawn ti zel teh u khai. ka hriat chak tam tak ka hrit phah bakah ka hriat ngai loh ka hriat belh zel bawk a, hlawk thlak ka ti hle a ni. 12 Thanpa coment hi tha ka ti hle a, tih hlawhtlin theih nise chuan Kale-Kabaw phaia Zohnahthlakte chuan CPP ai hian kan tangkai pui daih zawkin ka ring.
CPP hian National velin emaw Chin State ah emaw MP an chuh ve dawn nia rin lai mekin Chin State pawn lamah tan an rawn khawh ta daih hian ngaihtuah a ti tam ang reng khawp mai. CPP President ngat phei hi chu Kale-Kabaw or Sagaing Division ah in leh lo neia a chen awm pawh kan hre ngai meuh lo va, mahni chen ngai miahlohna hmun leh rama chengte tan hamthatna tak tak hi min ngaihtuah pui peih ang em? Kan harsatna zawng zawngte hi min hriatthiam pui tak tak ang em? Mahni hming thatna tur leh hlawkna beisei a rawn ti ve mai an ang zawk lo maw?
Kale-Kabaw a piang leh seilian or kum 20 lai lo cheng tawhte zingah hian heting ti thei kan awm loh vanga hmun danga mite rawn lut an ni mai zawk em? CPP lo vote ve chiam ai hian sorkar ding laiin a thawhpui leh tling ngei ngei tur partyte hi vote ta zawk ila, kan khua leh tuiin kan hamthat phah zawk lovang maw? Zofate/Chin mite hamthatna tur chu Kawl pa aiin Chin pa chuan min ngaihtuah sak nge nge ang kan ti zawk dawn em ni? ngatihtuah tur a va tam ve………..
@ Saithantluanga Tuallawt leh RD
Thu bengvar thlak tak tak in rawn thai thin a,… MAHSE … tiin bul kan tan ang e.
Tun tum inthlanpui tur chu a lem emaw a der emaw pawh nise,… Myanmar ram dinhmun chu a sawinghing dawn tho tho. Kan duh emaw duh lo emaw, inthlanpui chu an buatsaih tum hrim hrim. Inthlanpui zawh ah ram kaldan chu tun ai in a zia awm hmela, hmalam pawh a eng deuh in a hriat.
“An hlauh awm” tih kha an mahni mimal kal dan atanga sawi ka ni e…… CPP pawh hi an pawl thurin ang chuan an kal a rin awm loh… a thu hrim ah, An ideology scope a zim em a,….
‘Mizo ten party din’ tih pawh a MIZO hming tak a, party din theih loh na tur chhan awm in ka hre lo,……… Kalay-Kabaw phai a mahni inkohnan a MIZO hmang kan tha hnem viau in ka hria, Lushai Khaw (Mizo-Koh) Mizo A muta pati (Lushai@Mizo National Party) tih te pawh in a din theih ang… a chhan chu Myanmar Encyclopedia ah khan Lushai tih a chuang a, chu tah chuan “Lushai ho chuan lushai tih a in inkoh ai in, Mizo tih in an in ko, an chen na chu Kalay-Kabaw valley ah ani” tih a chuang kiau mei,…. Lushai tih a in sawi erawh an tlem a, mahse MIZO tih a in chhal kan tha hnem,…… chu chu tan chhan a la in party kan din chuan, Kalay leh Tamu Me Sanda Ne mei nilo Sagaing Division thleng thleng in kan huam thei ang……..
Chuan………. Myanmar a cheng MIZO te hrim hrim pawh, kan thaw a veng in ka ring…. mahni ram pawh ka ram ti ngam lo in kan awm loh phah ang a…….. hnam dang te hmusit in kan awm loh phah ang…………………
Saithantluanga Tuallawt,
I comment thra hle mai.
Hei tunlai hi ka lang zing vio a, min ning in min ngei vio tu in tam mai thei a, mahse, comment ziak turin ka insum zo si lova, keihi phur sosan lai chuan phul bawrhbawrh chi hi ka ni a, in ngaihthiam ka dil e.
“Hnam hminga political party din” tia ka thuziak hmasa a ka hman kha ka hmanhmawh deuh in a tawi zawng in ka ziak ta mai a, ka sawitum a phawk lo deuh a ni. Ka sawi tum zawk chu “Hnam hming emaw quata zawng emaw a ruatlawk seat angchi beisei ai chuan, ideology leh policy nei zawnga party din a thra zawk ang” tih hi a ni e.
Entirnan: India ramah hmeichhia (Minu) tan MP seat 33% pek tur tih an buaipui vut vut mek a. U Nu a hunlai khan Burma ah Angalo-Burmese Kahpya ho tan MP seat ruatlawk an dah a, etc.. Heng ang chi hi a thra ka ti lemlova.
Chin hminga party din emaw, Shan hminga party din emaw chu a duhtu leh ngamtu in an tih phawt chuan a thra thova, MAHSE, heng aia thra zawk chu hnam hming tel lovin, an dinna tur biala mipui zawngzawng huap thei chi party din hi a thra ber ah ka ngai. Chin state ah Chin hminga party din chu a thra e, mahse, Kale Kabaw velah chuan a bial mipui ai a awh zo tak tak ang em? ka ti a ni e.
@RD & Tahana ; Kei ka ngaih dan chuan, “Hnam hminga Political Party dina inthlanna a tel chungchangah chuan” Politician te view/ thil tum chungah a innghat mah zawkin ka hria. Achhan chu Chin Pa Politician chuan Chin ‘Hnam’ tan hamthatna leh hmasawnna atan Political Party a din chuan Chin hming a hman ngei hi a tha zawkin ka hria. Chin mi te tan hna thawh a tuma Chin hnam hamthat nan hma lak a tuma, a thil tum chu Chin huam chhung a ni maia Chin hminga Party a din chuan a thil tum pawh a ti chiang zawkin ka hria. Amaherawh chu, Chin Pa ve tho Chin ‘Hnam’ mai bakah a rampum hma sawnna atan a hma la duh a nih chuan a Party hminga ‘Chin’ tih chuan a huam zim viau ang. Pu Dawngthawnga kha kan hria theuh anga Chin/Zofa te mai bakah a rampum tana hna thawh a duha NLD ah a tel mai niin ka ngai. Chin mi te tan chauh chu ni se Chin hming Party pawh a din ve theih tho chu ka ring. Engpawhnise, Chin/Zofate ten tuna kan thlen chin din hmunah chuan kan Political Party te hi Regional/State level chauh kan la thlengpha dawna National level tura Party liante kan din theih hunah chuan ‘Hnam’ hming Chin tih chauh hi chuan ‘Uhaia nghawng’ ang vel kan niin ka ring. Keini ‘Tangyinta’ State level chauha Political Party nei pha hi chuan kan ‘Tangyinta’ hming chawi siin ‘Sakhuana’ erawh thlei dang lova Party din hi ka hmuh phak leh hriat phakna tawkah chuan tha ka la ti hrih.
@Tahana; keini Burma rama Chin/Zofa te Political Party hmingah phei hi chuan “Chin” tih hi a him ber hrih mai lawm mi? Chin tih hming Party pu tu te hi an buai lo ber zawk lawm mi te ka ti. Chin hming chawia kan Party lian CPP te chawpchhuah Palai te hming in hmua “An hlauh awm sa” ringawt mai chu a pawi hle mai. Chin mi te hi pakhat le pakhat inrin tawkna kan hloh ta hle tihna nge, an rin tlak lo hrim hrim i ti? Nge… Chin hminga Party ding an nihna ah i digest lo hrim hrim !!! Mizo hming pawn Party ding se beiseina chu a awm mah na !!! “BUAINA” erawh a kiang chuang lovang. A behawm neuh neuh atanga MP tel kan lo tum ve phetna lamah kan buai nasa zawk mah lo maw te ka ti mai mai thin. Tunlai kan ‘Theologian’ tawngkam tak chuan ‘keini lo tan leh ti ve vakna lam a ni lo’. Amarawh chu, Mizo hminga Party neih theih i duhna rilru hian Mizo i hmangaiha, Mizo hmasawnna i duha, a nih pawh nuam i ti viau mai thei. Mizo hminga Party a din hma hian sawi fel tur a la tam hmel viau lo ang maw? tiin comment lohna a rei em a ka han komen ve a ni e.
Tahana,
“Inthlanpui” tia sipai sorkarin a ram mipui leh khawvela bum tumna kha i ngai pawimawh/ngai thupui lutuk a nih kha.
NLD leh 1990 kuma inthlannaa tling National party tam zawk in tuna inthlanpui ah an tel dawn lova, vote thlak lo turin democracy duhtute leh sipai sorkarna duhlotute an sawmna kha ngai pawimawh mai zawk rawh.
CPP leh party dang dang tuna inthlanpui (a lem, Sham election) a tel ho kha chu sipai sorkar in an lawm vio ang. Achhan chu, mipui leh khawvel hmuh ah “Hei le, party 47 in register min dila, party 42 kan tel tira, chumi zingah USDA/USDP hian mipui vote 99% hmu in a tling trawk trawk a ni e” an tihtheihna tura eptyu party anga tel tur an ni a.
Hetiang inthlanpuia MP/MLA chuh ho hi, a thren chuan an tlin an rin avanga tel an ni lem lo. “Pu Luhlula, MP chuh a kuang hung tawh a ni” tih hi an duh avang reng pawh a ni a.
Tin, hnam hming a political party dina inthlanna tel hi kei chuan ka duhzawng leh pawm zawng a ni hauh lo. Political party chuan a awmna ram/ hmun a cheng mi zawng zawng (Sakhuana leh hnam, chi leh kuang thliar lovin) tan thawk turin political idiology/policy tranchhan in party din mai zawk tur a ni.
Inthlanpui chu a lo hnaita hle mai……….. mahse….. Mizo te tan buaina tur a tam ting ani si! Buaithlak.. Kawl thu chhiah pakhat chuan “Ni Ya Da ko, Chauh Ya De” a tih ang hian kan awm a ni phawt a……. Political party CPP, pawh hi an hruiatu te leh, inthlanpui a an mi rawn chhawp chhuah te hi an hming atang mai pawh…….. AN HLAUH AWM SA……… MIZO ten party din in han inlan ve ila,…… kan tan BEISEINA kawl a eng ngei ang……………….
Comment # 6 ka ziak zo chiah ah chanchin ka han chhiar leh a, Than Shwe leh Maung Aye (sipai lal ber 1-na leh 2-na) chuan an sipai nihna an la paih rih lo an ti leh a ni chu!!!!
Aw… Inthlanpui chu Nov. 7 ah anbuatsaih dawna, an puang vek tawh alawm. Inthlang dawn tak tak e. Chumi inthlan hunah sipai ‘uniform’ ha chunga ‘kuang hun’ a rem loh avangin an ‘uniform’ an phelh maw le!!!!
1974 ah Burma Revolution Council chairman General Newin kha ‘sipia uniform’ a hlip/phelh a Burma Socialist Program Party (BSPP) chairman nihna chelh in inthlanpui ah a in-thlantlin tira President Of Burma “U Ne Win” a ni ta mai ang khan….
chutia, Pu Than Suia ten an nihna an ban ngam takah chuan inthlan pawh chu puitlin an tum tak tak a va ang ta ve. thlir zel phawt ila.
A bengvar thlak hle mai!
Vawiin (Aug. 27,2010) chanchin ah, Senoir General Than Shwe, Vice Senoir General Maung Aye, General Shwe Man, General Tin Aung Myint Oo te sipai nihna an banga, SPDC ah chuan an nihna an la chelh tho a ni awm e.
Commander in Chief chu Lt. Gen Thura Myint Aung, Deputy C-in-C ah Lt. Gen Ko Ko, Shwe Man-a nihna ah Lt. Gen. Min Aung Hlaing te an dah.
Nov. 7 inthlanpui ah Than Shwe leh tuna sipai bang ho hi an tel ang, Nay Pyi Daw a trangin. President tur chu Shwe Man a nih hmel.
MP leh MLA chuh turin mi pakhat tan ‘Sum Dahkham’ (Deposit Money) Ks. 500,000 (Kyat nuai nga) dah a ngai a, an tlin loh chuan (Vote a tlem ber hmuh zat tur an tiam chin an hmuh loh chuan) ah Sum Dahkham hi sorkar in a nei dawn a, um….. Ks. 500,000 chawi tur an tam dawn mange. Thanswe-a lah chuan MP seat zawng zawng 25% sipai automatic a an thun dawn bakah abang seat 75% ah sipai party USDA chu 90% chuanga hneh ngei ngei turin August thlaa meeting ah thu a pe hmiah tawh bawk si a…
MLA kan tih mai State leh Division legislative body ah chuan sipai in automatic in 33% seat an luah dawn bawk a, USDA in avaia hui an tum bawk a,….
Tuna Burma inthlan tur hi chu “election” ni lovin “selection” a ni a, a tling tur party hriat theih sa mai a nih bakah president mi 3 tur (president 1, vice president 2) pawh a hriat theih sa a ni mai a…. tuna inthlanna “ka tel ve” lo tih chu ….. sawi tawh lo mai ang. 2008 Constitution atrang khan a dik tawh lova….
Mizoram buai laia pitar pakhat inlarna hmu in ” Kan ram chu a ven hma loh a buai rih ang” a tih pawh min ti hrechhuak e a…
MP kan ti vek mai a. Kawl leh saptawng lahin “hluttaw kusale – hluttaw representative” tih a ni mai tak a.
Democratic ram tam tak anga a ram pum tan Parliament leh, state leh division tin tan Legislative Assembly hran theuh nei tur kan nih avangin Kawl tawnga a chian chiah loh pawhin keini chu chian i tum teh ang u.
Pyithu Hluttaw leh Amyotha Hluttaw representative hi chu MP an nih kan chiang a, Region/State Hluttaw representative hi chu MLA i ti tawp mai ang u. An khing rihdan a inthlau dawn si a, MP han tih vek mai chu a felhlel dawn tlat.