Thlichhiain a nuai chhiat, Zofate IN-leh-LO, Video Clip
Published on: May 10th, 2008 | Posted by: zoin | 767 views
By: ZOIN Editor
Kan ram (Burma)-in 
thlichhe tleh nasa taka a tawrh avanga khawvel a nghawng zia chu kan hre tlang ang a. He thlichia hian kan hnahthlakpui unau thenkhatte pawh in-leh-lo chan khawpin a nuai tel a ni. Kan pi leh pute hunlai atang tawh a, tanpui ngaite intanpui tawn thin khawtlanga seilian kan nih angin, an bulhnaia awm tlawmngai pawl—YZTP (Yangon Zofa Thalai Pawl)-ten an theih ang angin an chhawmdawl a. Chhungkaw khatah Ks. 10,000 zelin, chhungkhaw 11 te hnenah an tanpui a ni.
Tin, YZTP ten sum-leh-paia an tanpui bakah hian thalai mi 50 rual vel zet chu chhiattawkte in-leh-lo singsatpuiin ni 3 an hnatlang bawk a. Tichuan YZTP hruaituten vanduaina tawkte tan thahnemngaihpui lehzelin khawvel huap a, Zofate infuankhawmna groupmail tam tak zinga Huivalenthiam-yahoogroupmail-ah vanduaina tawkte tanpuina kawngah tlang an rawn au a. Tichuan, 2008 Huivalenthiam-yahoo-groupmail huaihawttute chuan an tlangauna thu nen inkungkaihin ngaihtuahhona an nei chhunzawm nghal a. A hnuaia tarlan ang hian tlawmngaia tanpuina sum khawntu turte inruat a ni.
1. USA ah, Tv. Kunga– TX, Tv. Laldinpuia–Maryland leh Pu Zonunmawia,
Indianapolis
2. Pu Lalmuankima, Canada
3. Tv. Lalsawmliana, Japan
4. Pu Hlua, Norway
5. Tv. Rodinga, Philippines
6. Pu Vanlawmsanga, Germany
7. Pu Biaknunga, Malaysia
8. Tv. Lawmkunga, Singapore
9. Pu Lalnunmawia (Valtea), Australia
10. Tv. Lallawmthara, New Zealand
11. Pu Saithantluanga leh Pu Lalremsanga, New Delhi te an ni.
Awle, tanpui ngaite intanpui tawn thin khawtlanga seilian keini Zofate hian tuntuma kan ramin vanduaina rapthlak tak a tawhnaah hian a minawlpui tan erawh tanpuina pe thei lo mah ila, kan chi pui zinga chhawmdawl ngai te chu YZTP kal tlanga chhawmdawl tum a ni a. Mahni remchan dan ang anga kan khawsakna hmun leh rama tlawmngaia tanpuina sum khawntu turten an rawn khawn hunah vanduaina tawk kan uanute, kan tawrhpuina lantir turin khawvel hmun hrang hranga khawsa–Zofate kan insawm tak meuh meuh a ni.
Zofate in thenkhat a nuai chhiatte
[...] a nuai chhiat in-leh-lo Video Clip leh thlalak hrang hrang an rawn vawrhchhuak e. A en duh tan http://www.zoin.info ah thlir theihin a awm [...]
May thla tir kan ram a thli chhia tleh tuar te chu an khawngaih thlak awm khawp mai le. Maryland lam ah pawh tun kar Friday May 30 zan hian Mizo Christian Fellowship (MCF) huaihawtna hnuai ah tanpuina inkhawm buatsaih tum a ni awm e, theih tawp chhuah kan lo tum ve ang a, tin MCF pawn cheng engemawzat thawn chu an tum a ni awm e, tun friday zan a pawisa hmuh te nen a fin khawm chuan engemaw zat chu a ni ve ngei tur ah beisei phawt ila. Kan sawi duh tak zawk a chu hemi zan atan hian slide show tur achung kan hmuh theih mai bak photo or video clip buatsaih ka duh a, min thawn thei in awm chuan ka lawm hle ang. remausa@gmail.com