HAN khawpuiah Youth Icon an ti!

By: Nl. Lalhlimpuii, Tahan
Music hian hringnunah mak danglam takin bu a khuar a. Rilru hah laite, khawhar lunglen laite, belh tur nei lo khawpa vahvaih laia “Hahdamna” min thlentu a ni a. Keini Zofate pawh hi Zai ngaina mi kan ni a. Pu Rokunga hla phuah han thlir ila, hringnun kiltin tawnhriat nena inmil hla a lo phuah kim vek hial awm e.

Chhaktiang run bel Zofaten kan ril a rah fanau zingah zaithiam tam tak an chhuak ve ta nuk mai. Mahnia inawi zo thei khawpin zai mi kan tam ta hle. Zaithiam inchher chhuah nan leh, zaithiamten a zau zawka rawngbawlnan leh an talent phochhuah theih nan Youth Icon neih a ni dawn.

Kumin 2007, November ni 22-23 hian Tahan Christian Youth Fellowship (TCYF) buatsaih TCYF Icon 2007 chu Tahan Venglai, Presbyterian Church of Myanmar, Hall-ah neih a ni dawn a. TCYF-ah hian kohhran hrang hrang 20-zet insuihkhawm a ni a.

Intihsiaka tel tur hi Kohhran pakhatah mi pahnih(2) zel inpek tur a ni a. Kohhran malin mahni member zinga mi pahnih chu Thalai Committee atangin a thlang chhuak ve thung. Tin, TCYF member kohhran bakah Tahan khawchhunga kohhran hrang hrang TCYF
member nilo Baptist, Methodist, Adventist-te hnenah pawh intihsiaknaa tel tura sawm an ni vek bawk. Youth Icon intihsiak entheihna Ticket pawh pakhatah cheng 300(Ks)-a zawrh chhuah mek a ni.

Zan khatnaah Contestant zawng zawng, mi 31 ten mahni duhzawng hla sak tur a ni a. Chang 2 leh a thunawn chauh sak tur a ni ang. Zanhnihnaah hian TCYF Icon hla “Hlimna Isua” Pi Lalsangzualin Sailo hla, sak theuh tur a ni ang a. Mahni hla thlan hi November ni 22 zanah chang hnih leh a thunawn sak theuh tur ani ang a. He mi zan hian Top 10 an thlang chhuak nghal ang. Tin, he mi zan vek hian “Top People’s Choice” a hmuna thlirtu duhzawng thlan a ni bawk ang. Annoucer turte chu Nl.Lalrinzuali leh Tv.Zosangliana-te an ni ang.

Endiktu turte leh an endik dan tur key tur chu:
1. Pu Hlawn Mang (MMC Studio neitu)- Singing Techniques leh Performance
2. Pu Zawma (Melody Guiter Zirna)-Timing
3.Salai M Dinga – Expression
4.Tv. Rosiama- A thu lam dan (Pronunciation)
5. Pu Lalhlrilliana – Discipline te an ni ang.

Music Pu turte chu:
Bass – Siama (Darsiamthanga fapa)
Lead – Thangbawiha
Drum – Rawngbawlliana (WY)
Keyboard – Rawngbawlliana (EY Vengpui) te an ni bawk ang.

November 23 zan(a tawp zan)ah Zaithiam hlun Pi Lalhlunmawii, Pu
Rophunlianate pafa leh Zo Dancer thiam tak Tv.Christian Lalmuanpuia’n hun hmang tura ruahman a ni bawk. Tin, kumin 2007-a pawlsawm pass tha(mark tha) mi pathum thlan chhuahte hnenah “Piangthuala Award” hlan a ni bawk ang.

Intihsiakna a tel tur zaithiam ho hi mahni kohhran theuhvah an thalai hruaitute nen hla enlawkna an nei mek hlawm a. Aw pek dante an zir a, tan an la hle. Zing an han tho phat a, an rilru luahkhattu ber intihsiakna hla kha an han sa lawng lawng a, tuan tul reng an dawn thei lo. A then phei chu an engtovin an zamru riau va, a hun thlen hmaa inhnukdawk tum uiah uiah lah bang bik lo! Thalaite phurnana TCYF-in a buatsaih thei hi a lawmawm ngawt mai.

Ruahmanna chuauh mihring tihtheih a ni a, hruaituten theih tawpin an umzui a, hlawhtling taka Youth Icon an thlanchhuah theihnan Pathian hnenah I hlan theuh ang u. “HAN” khawpuiah Youth Icon thlan tur hi dingdihlipin a khawchhunga leng thalai rualte ti tina luahtu ber leh nghahfak ber a ni.