Mizoram lama fiamthu thiam hmingthang leh Zoram khawvela an 
hming dai ngai tawh lo tur khawp a, talent nei tha—Pu Mathana(Tuarpuii) leh Pu Lalnunsiama (Suntea) te pawh; Tahan khawpuia Hall lian ber, EFC Hall ah, zan thum (Feb 7-9, 2012) awh, fiamthu kutpuiah an tel thu dawn a niin, he Fiamthu Kutpui buatsaihtute leh Tahan mipui beisei ang ngei a, hlawhtling taka an hman thu dawn a ni.
Tin, “A zan khatnah chuan triket (Ks.3000/Ks. 2000/Ks1000) man a to deuh vang ni maw, Hall kan khat lo tlat. A zan hnihna atangin triket man an ti tlawm a, hall chhung kan khat ta thap thap ta a. Tuarpuii chet dan hrim hrim, a hawi, a nui, a zuang, a lam……. an engkim kha kan lawm a ni ber e” tiin kan thudawnna hian a sawi zauh bawk a, “an rawn tel ve dawn tia mipuiin kan lo thlir huai huai, tunlaia fiamthu thiam hmingthang Mapuia te group erawh an tel remchang lo hlauh a, a pawi kan ti hle” tiin kan thudawnna, Sayama Hmingtei’n a sawilang zauh bawkin an thlalak thenkhatte ZOIN tan a rawn thlawn bawk a, a chungah lawmthu zoin hmingin kan sawi e. Eds.
Awle, hetianga Fiamthu Kutpui hial te han buatsaih hi engvang pawh ni se a ropuiin, Tahan khawtlang hmasawnna kawng khat a ni, kan ti lo thei lo ang. A buatsaihtu TCYF leh Sympathy Helping Centre te an fak awm a ni.
THUBELH: Nizan (Feb 9, 2012)-a online atanga kan inbiak laiin Internet Connetion (Power) a that loh thut thin avangin hmawrmuhna angrengin a chunga mi khi rawn post hmasat a ni a, vawinah a hnuaia mi ang hian kimchang takin report dawn nawn leh a ni e. Ed.
Zan khatah hian Tuarpuii te hian show tawi te te, tum thum an nei thin. A karah zai thiamte an zai a, TCYF Icon top-10 te an zai deuh ber. Tin, hip-hop leh Chheih lam te pawhin entu mipui min awi a, beng leh mit a tlei ngei e. Zan dar 7-ah show hi tan a ni a, zan dar 10 velah hun khar a ni tlangpui. A tawp zan erawh neuh neuh a tam avangin zan dar 11 kan thleng tep a ni.
Tuarpuii te show hi Drama anga kalpui a ni lo va, Tuari leh Suntea inngaizawng inbiak dan leh inchhawnchhaih dan hmuhnawm titakin kan thlir a ni ber mai. Mipui zinga hmeichhe tam takin an comment danah chuan “Tuarpuii zei zia saw…” tih hi a ni. Tuarpuii zei zia hriaa thiam ti em emtute hian an bialpate emaw an pasalte emaw lakah Tuarpuii angin zei chhuah ve se an bialpate/an pasalte an lawm awm mang e.
Tahan mipuiin Tuarpuii kan lawm dan chu:- Stage-a a rawn lang phat, mipui lam a rawn melhno nghal kan hmuhin kan rihluah hluah nghal mai a ni. Ding lam a melhin kan nuih a za a, vei lam a melh leh ringawt a, kan nui leh hluah hluah a, a aw mawi tak, zei tak nena mipui a biain min tihlim em em a, Suntea nen zei taka Vai hla, Kawl hla, Mizo hla nena min awi kan ngaihthlakin kut kan beng hluah hluah ringawt mai a ni.
Tahan mipui min hmangaih zia min hrilh bang thei lo va, Tahan mipui hnen atang zirtur tam tak an chharchhuah thu min hrilh bawk a. Mizoram mipuite anga ei ru ve lo kan nih thu min hrilh bakah sorkar zem zen lova mahni intodelh kan nih zia min hrilh hre bawk a, Mizoram mipuiten Tahan mipui lak atang zir tur an neih tam zia thu min fah bawk.
Fiamthu Kutpui huaihawttu Sympathy Helping Centre leh TCYF chungah Tahan mipuiin lawmthu kan sawi a, Tuarpuii leh Suntea chungah hrilselna leh dam reina Pathianin thlen mawlh rawh se’ tih hi an tana kan tawngtaina a ni.
hria in awm mial em pawisa thleng a chhe viau anti a myanmar poisa india poisa aiin asang zawkte anti a kolram poisa 100 kyats thlengin india rupee 762 he thu hi hria in awm em??????? chiang zawk a hria in awm chuan ????
A va ropui tak ve le. Tahana FiamThu Kutpui hmang thei ta chu, ka lo rin phak bak deih a ni.
Ka awm ve lo chu, lenlai chan ang ka ni e… Tuarpuite leh fiamthu puipate hi Ka uar tawp!!!
“Champhai leh Tahan te chu nula inrimtawnin kan la lehlang zak zak ang”, tia Pu L. Kei Vom sawi te pawh min ti hrechhuak. Inpawhtawnna hi nei tha em em ila, inhriatthiamtawnna hi chu a awm deuh nge nge, inhriatthiamtawnna tha a awm tawh phei chuan engkim hi a nih thluam zel hi maw. Hetiang function siamtute hi an fakawm tawp a ni e.
Va’n nawm hmel ve aw… helam atangin kan lo hre thin a chanchin ngaihnawm tak a ni e
Thutna man toah ka thut theih loh avangin thlalak pawh a fiah hlei thei lo va, zoin web lo thlirtute hnenah ngaihdam ka dil nghal e. Hmanhmawh lutuka thu ka rawn ziah avangin ka ziak kim lo nuai bawk a, comment-naah hian ka rawn belh mai ang e.
Burmese zaithiam band “Examplez” te hla lar “Mummy-ye-shia-pe-kuai…” tih hla kha Tuarpuii te chuan an rawn sa thin a, an thiam khawp mai. _A-the-hna-lone-haa-chauh-tha-loe-ba-be” tih pawh Tuarpuii’n thiam takin a rawn sa bawk.
“Thlafam chan hma loh chuan, in tawng leh ngei ang aw…” tih hla khan mipui min awi a, vai hla lar tak tak nen min awi zeuh zeuh a, slow motion nen, a movie ang thlapa an rawn che thin chu mipuiten kan lawm tak zet.
Tin, Tuarpuii hian a rawn cham chhung (?) hian Kawl tawng thumal a zir teuh hman bawk niin a lang; phan, thingpui sen hi Tuari chuan “phan” ka ti phal lo, “khualchhawn thingpui” ti ngatin a hming ka vuah dawn a ti. lan-shiauk, a-sin-pyi, a-sein-kyaw, tha-min-auh, ngan-pia-yi,si-pian, etc. an thaim tam hman khawp mai.
Mizoram lam aia kan changkanna pakhat an rawn tar lan chu hei hi a ni: Mizoramah chuan fiamthu thiamte hian pawn lamah chheih nawmnah leh mi nuihzat an hlawh thin. Tahanah erawh chuan chutiang kan tawng ngai lo va,an sawi dan takin, “Tahanah chuan, kan mawng hawlh tum in awm lo va, lunga vawm pawh kan tawk lo, mi pangngai angin min lo en a, min lo hlut a, min lo lawm a, hei hian min tilawm tak zet” tiin Tahan mipuite min fak mawlh mawlh mai a ni.
Tuarpuii chuan “Nangni hi pangpar mawi tak ang in ni. Khawi hmunah pawh awm i la, kan chenna ram a dang a ni thei e, kan thinlung erawh a inunau tlat a ni, kan awmna theuhvah mawi takin kan par vul zel dawn…” tiin mipui min chawk phur bawk.
Ka lawm e.
Aw…..tahan mipuite u in van duai bik tawh lo chiang vele, a chanin Pathian thu tha tak tak in dawng a, achangin Fiamthu, achangin Concert, achangin Camping Crusade, in duh duhin in ngaithla thei hi Pathian khawngiahna a ni tak meuh mai, ramdanga awm tan chuan e chil thli far nguau nguau chungin kan rawn kuk a ni ber e, ka lawmpui lutuk che u, he mi zana in nuihna thangkhawk ri vel kha a niang he lamah pawh a rawn tham riar riar mai, engpawh ni se in hman leh dawn hunah chuan min rawn sawm ve tawh ang che u aw ha ha…dam takin le
tel ve a van chak awm. eng lam pang nge an sawi le, an sawi a piang kha nui pui tur a ni leh mai awm si a. MCF te hian chah ve se la a tha ang.