By: Muantea
Awle, kan nghahfak T. Melody 
Album chu a lem entheihin VCD-ah an rawn siamchhuak ta. Tahan-a ka awm laiin TSO Music Production CEO, Pu Ni Lian Sanga nen kan inkawm a; kan inhmuh ve leh thudang sawi set set lovin, VCD thar chungchang ka han zawt nghal chawt a. A ni pawhin VCD puitlin a nih tawh thute leh an lo inpuahchhah dante hahipin min lo hrilh ve bawk a.
He VCD an inbuatsaih nan Burma cheng Nuai 30 chuang an sen thute ka’n hre leh zel chuan ngaihtuahna nasa tak min pe a. Tunlai Burma ram eiin harsat ziate ka han ngaihtuah puiin an inpekzawhna hi ropui ka ti lo thei lova. Musician-te pawhin mahni hlawkna em miah lova, Zoram rimawi khawvel tihhmasawmna rilru chohva an
hun hlu tak leh an thiamna ui miah lova an han vawrhchhuak phal hi a hlu ka ti hle a. An chhuanawm ka ti hle.
Kan titi choh zelnaah, An Album hmasa sale record-te ka han zawt phah zel a- tlemazawng kan lo zawrhsak ve avangin tlangnel takin ka titi pui a- rinloh taka engual an an loh thu min hrilh chu mak ka ti hle a. “Vawi Khat Talin” Album hi in tin deuh thawah hmuh tur a awm laia, a siamtuten engmah lakluh an nei lo chu mak ka ti hle bawk a. Engvang nge ni ang tiin ka han zawtzau zel a, mi chhannaah chuan misual kut an tuar a ni tih ka hre chhuak ta a, a pawi ka tihpui hle. A ni lah taka, keini zofate zingah hian, Hla phuahtu emaw, music producer hriatna leh phalna la lova, mahni hlawk nana kut lek duh kan awm leh mai thin hi, kan changkan lohzia tilangtu a ni a. Heng thuah hian khawvela Zaithiam hmingthanghote pawh pakhat leh pakhat Court-ah an inkhin phah hial thin a ni a; music khawvel kal phung chu a ni lo ngei a. Music khawvel choh ni lo, mihring nih phungah pawh thil mawi lo a tling a, zahthlak tak a ni bawk. Heng boruak vel avang hian tuntuma an VCD thar hi uluk lehzuala siam a nih thute min hrilh bawk a, tha ka tihpui hle. An VCD zawrh chhuah reng reng hi duh duha Copy chhawn theih tawh loh tura “Modified” vek a ni a, VCD lei duh tan, a original ngei lei a tul tawh dawn a ni.
Chuvangin, he VCD thar hi khawvel hmun hrang hranga zofate chhenna hmunah tum khata zawrhchhuah tum a nih avangin keini North America tan chuan June 30, 2008-a release tura ruahman a ni. Zawrh chhuahna hmun leh Contact person-te erawh chiang zawka tarlan leh a ni ang.
Tuntuma an VCD thar hian danglamna riau a nei a. A hmasa anga Model (nula) hmang chiam tawh lovin, T. Melody band ngei maiin lem an chang a, mit an titlai hle. Guitar Chord zir duh tan pawh awlsam tea zir mai theih nan, Musician-te Guitar khawih lai chiang taka tihlan a ni bawk a. Hla 11 mai bakah Accoustic Live show (bonus track) a tel bawk. Audio leh Visual reng reng hi Studio 8 (24 Track) Digital HD-a record vek a ni a, a ri a fiah thain en a hahdam hle. A VCD Original ngei tlawmngai taka leisak i tum theuh ang u!!!!
zairemmawia leh salai joseph te hi an dik ve ve
rampawna awm tan parcel-a chah tawp loh te chuan hnam dang kan nei a nga kan generation a…….
tahanval tan pawh a pawi thui viau, (“Eng ram a tang tak ka bawihi rawn parcel ang maw” ti in ka phu zek zek a ni ber mai )kha a ni leh deih si
zairemmawia, in thlahrung duh lek lovin comment zel rawh
tahanval titi vel i comment mai kha a nia lawm
Pu.Chhura comment kan chhiar chu, ka in thlahrung khawp mai. Keima thiamloh liau liau a nia. Ka ngaihdan chiah pawh a ni bik lova. Tahan leh a chhenvel a ka thiante titi leh tawngkam a tang comment ka rawn thawh ve mai a nia. Tin Pu.Muantea nupui Pi.Zovi hi kan thian nu a lo ni ve bawk nen, tlangnel tak leh inthlahrung lo tak in comment ka rawn ziak ve thruai mai a. In rilu a lo hliam a nih chuan ngaihdam ka ngai tak zet a ni. Tin Chairman meuh in “Mi huat thu sawi a mi rilru ti na tu nih ai chuan ngawih mai mai hi a fin thlak zawk awm e.” a rawn ti phei chu, finglo ta riau in ka in hria, a in thlahrung awm duh hle mai. Ka comment thawh ve chu comment arthlak tak a lo ni reng mai a. A zia lo hle mai. Comment thawh pawh a in thlahrung awm takzet a ni.
A lawm awm, Chief Editor. Duh sak tak a, ka rawn comment kha huat thil ah in lo ngaih loh avang leh rilru zau taka in in hawng a vang in Zoin Website thawktu te hi in puitling ka ti hle in ka fak hle cheu a ni.
Pu. Dawldanga (Nickname) ziah pawh chu ka lo chhiar ve chuang law: ka lo hriat ve loh vang a nia. Engpawhnise, Zoin Website vang in beng a var phah in thil ka hriat tam phah khawp mai a, in chung ah private tak pawn ka lawm em em a ni.
Lalpan kaihruai cheu rawh se!!
Dear all,
Pu Chhura thu rawn ziak hi a dik hle a ni. Comment huang hi mahni ngaihdan leh hmuh dan tlang taka sawina hmun tura kan buatsaih a nih angin inthlahrung hlek lova mahni ngaihdan ziak a thiang a, Pu Chhura anga thurawn pe duh tan pawh zau takin kan inhawng reng a ni. Nimahsela, hmanni lawk khan Pu Dawldanga (Nickname a ni) thuziakah khan thupawi a awm theih kan hlauh avangin kan lo delete a, midang thu ziak erawh engmah kan tih danglam leh delete a la awm ngai lova. Nimahsela, kan website hi midang pawi sawina hmun atan te, inhek nan te leh mimal inauhna hmuna siam kan hlau em em a; hminghmer neia indeusawhna hmun atana kan buatsaih a nih loh angin a kaihhnawih thil ang chi reng reng kawngah hian fimkhur kan tum a, chumi kawnga min tawiawm turin tlawhtute kan ngen duh a ni.
To whom it may concern,
Zoin website hi a thra ka ti hle a. Mahse, comment hi ka lo chhiar ve ngai lo va. Hman ni lawk a tang khan, chhiar ka ching ve a. A thra ka ti khawp mai.
Mahse, Zoin website hian chhiar tu te hi, an mah ni duh zawng ang in comment ziah tir an tum e maw chu aw? te ka ti rum rum a. Mize hrang hrang, rilru in ang lo tak tak in an chhiar a. Chuvang chuan, comments pawh a in ang lo reng bawk a ni. Comment ah hian zahmawh, thil thra lo, thil ten awm, private (a thra lo zawng) a inhnial na te an rawn ziah loh chuan, ngah nge Chairman or Editor hian a rawn kam khat? tih zawh na lian tak min siam a.
For instance: Zairemmawia rawn ziah hi a ni ngei in ka ring a, Chairman in indirect a a rawn kam khat hi.
Chairman leh Zairemmawia in kar thu kan va hriat pui lo ang bawk in, Chairman leh Chief Editor pawh eng tin nge an in kungkaih pawh ka hre chuang law.
Chairman meuh in rawlh nan chuan a ho ka ti hle a ni.
Zoin Website hian in ti thra or in fak awm! tih hlir hi comment ta vek se la, eng nge comment hian in tan hlawk na a siam ang cheu?
Chief Editor te pawh chuan duh le T.Melody a tang lo in hre se! eng nge pawi? An in hmangaiha, an in nei a ni mai lom. Mahse, ho te ah Chairman leh Editor in in rawh hi, a tul lo hle bakah, website puitling leh changkang ni tur chuan, dawh theih te hi a ngai a nia.
Ka duhsak na a vanga, heng comment hi rawn ziak ka nia.
Pathian in veng in kaihruai tlat zel cheu rawh se.
E, khei, kan lo lei ve ang chu a va nghahhlel awm tawh ve!..
In ti tasa sa, zofate hi ram dang hmun dang ah kan chuang kai zel a hma kan sawna, tuipui pawn mi a dang thei tak tak tawh dawn lo ani. Khawvel a mi hausa pui pui fanu/fapa tamtak te tihtheih loh kei ni Zofa te chuan kan tihtheih ani tlat. Engvang nge? Kan hman nungphung kan hmangaih vang leh chhawm nun zel kan lo duh vang ani. Nilo se miram ah hnamdang nula/tlangval mitam zawk te hian kan nei mai dawn asin. Chu chu upa/mifing chin chuan an lo duh hoh lo, nei tlem a zawng erawh an awm ve tho a, demkawi chuang lo in kan Culture erawh theih nghilh loh tur in fuih soh soh ang u.
Tu huat thusuhah, Mifing pakhat chuan ti hian a sawi, kan ram thran chhoh nan, kan fanu/fapa te hian ram dang fin na tam tak an zir theih nan, ramdang a awm leh ram chhung a awmte hi kan in neihtir tur ani ti in a sawi ve deih chu. Kei pawm tamtak ka pawm ve tlat zuk nia.
U thrawng chu zut pawp pawp mai a, ti sual si lo a. pui triah2 zoin zarah hetiang ka han thlir thei hi a lawmom thrin a ni. a dang pawh ron ti leh ula
T.Melody VCD thar chu Internet ah te a en tur a awm em? U Tube vel ah te en tur a om lo mo? A rang lam in Internet ah dah thei ula, kei ni tan chuan a tha viau ang. Kan nghakhlel tawh ropui sia…..
Zoin Website ah hi chuan, hei hlakhat chauh a awm sia. Kan kham lo khawp mai.
zoin.info tlawh tu zawng zawngte leh comment rawn ziak thintute in za a chungah lawmthu ka sawi. Website tlawh leh chhiar mai bak a comment in rawn ziah thin a vangin a thawktute pawh kan phur phah hle thin a ni. Ni dangah pawh rawn ziak thin turin mimal takin ka sawm mawlh mawlh che u a ni.
Comment ziaktu zawng zawngte hnena khawngaih ka han dil duh chu kan thu chhuahte hi Fak – Sel thiang nimah sela, mimal rilru na zawng leh inthlahrun theihna tur ang chi hi chuan tumahin comment i ziak lo hram ang u tiin ka han ngen duh a che u. Mi huat thu sawi a mi rilru ti na tu nih ai chuan ngawih mai mai hi a fin thlak zawk awm e.
“Aw ka di” tih vel, ” thin Lai na a dam thei lo” ti ang reng hi ka ngaithla ning tawh a, Rock Music nen an hlathu pawh in mil viauin keichuan ka lo hria. Country lo hi chu “Hla Duk dak lo” ah kan ngai vek a, kan khawhawi ti zau ve tawh ang u.
Zairemmawia chu paaaaaaaa lo ve, Tah-lala nupui zawn i tum e lo…Pa lo em mai. Nula ho tan i ngaihsan awm reuh…..hi hi hi
T melody hla CD kha ka lo ngaithla ve a, a music a thra in a recording leh sound system-te a changkang vio mai. Mahse, an hlathu (theme and lyrics) chu ‘ho’ ka ti deuh ani.
To, Salai
I ron sawi dik lutuk, T.Melody VCDa an model hmang reng reng hi, han chhut ula, Foreign lam atang an ron parcel deuh zel a ni. Chu vang in T.Melody VCD hi a hngah hlelh awm em em lai in, kei ni Tahan tlangval tan chuan a lung ngaih thlak em em ani. “Eng ram a tang tak ka bawihi rawn parcel ang maw” ti in ka phu zek zek a ni ber mai. Nang ni ang in USA, Canada ah te kan om ve thei si lova.
Foreign tlangval ho vin T.Melody VCDa nula (model) ho chu, an rawn mu ar lak hmiah hmiah zel bawk sia.
Chief Editor te pawh hi T.Melody VCDa tang a ni lom ni, …………??
Thiante ho chu lung an va ti leng thei tak e aw.
Dear thiante u
A va ropui leh dawn ve…lung an ti leng a ni…hehehhe
Saia
T.Melody band ngei maiin lem an chang a mit an titlai hlei ti Muante in a run ziak hi ka ngaidan chuan T.Melody hian nula hmeltha hi lem chan an phal tawh lo zok a ni. A chhan chu lem chang nula hmeltha ho hi ramdang awm ho hian an lak vek zel avangin an phal ta lo a ni deuh awm ee..Chu vang chuan T.Melody ah nula hmeltha lem chang tir leh tur in VCD an chhuah leh tur ah hian tlangval ho in titha a tul hlei..Chu ti lo chuan pa ho kan chehtha a tul ang..lolzzz