A then chuan in ngaithla tawhin in lo en tawh pawh a ni mai thei. Kei chuan, tun hi ka tum khat enna leh ngaihthlakna a ni a,
hei zet chu aw tiin tun kar hlathlan atan ka rawn vawrhchhuak tawp mai a ni.
He hla hi tuna hma atanga ka hla duh em em, a thu ka hriatchian loh leh hriat dan kawng ka ngaihtuah mek, ka la hriat hleih theih loh hla a ni fan a. Tunah zet chuan ka hre ta a, ka lawm hle. He hla phuahtu ka hre mai lo hi pawi ka ti a, hriat pawh ka chakin ka ngaisang hle mai. Tin, he hla satu naupang pahnih pawh hi duai lo tak an ni e.
Awle, tukin (Monday) chu ka tho tha ni fah hmiang, ZOIN tana song of the WEEK tur enthlithlaia Youtube ka leng lut chu “Samari Mitha” tiin ka zai veng veng mai maw le. A hla hi a lar a, i thiam ve ngei ka ring. Ed.
Samari—Cecilia & Ruth Infimate
Source: Youtube.com
E khai!! ka lung a va ti leng em ve le. Tahan dung leh vang leh a chhehvel khuaah te rawngbawlna hmun a piangah thalai rual hovin kan han sa a. Lalpa kohna chang Samaritha rilru pu chunga ban phar suau suau va kan sak ho lai kha rilruah a tharin mitthlaah a lang uar uar mai a lawm.
Kum 10 lai a liam ta, Lalpa faka zai ka vawrpui thenkhatte chuan mual min liam san nual tawh a. A thente erawh suam hmang tawka hnung tawlh leh te pawh an awm, mi engemaw zat chu kohhran rawngbawlnaah a kul a taiah an tang chhunzawma, a thente chu Pastorte an ni a, a lawmawm hle.
“Lalpa, Tahan leh a chhehvel khuaah te thalaite zingah i hnathawh tiharh leh zel ang che aw”