Written by Editor
Kan unau Pu Sailodawla’n hetianga vanduaina a tawh thu kan hriatin a lainatawm na meuh mai a. Kan hruaitute hnenah tanpui dilna anka meuh a thlen takah chuan kan zingah lainattu leh tanpui thei te kan awm mial takin tiin kan han auchhuahpui a ni e. Kan zingah Samari Mitha, tanpui ngaite tanpui kawnga mi inpezo tak te kan awm tih kan hriatin thla a muang hle a, chutiang mite hnen atang chuan sum te pawh theih ang ang thawn a nih tawh thu te kan dawng lehzel a a ropui tak zet a ni. Pu Saia puala tanpuina pe thei tur kan awm a nih chuan kan Huiva hruaitute hnenah emaw amah Pu Saia hnenah emaw hriattir theih ni se a lawmawm hle ang. Kan Secretary Pu Lalnunmawia (Valtea) hnen atang kan thu dawn, Pu Saia vanduai tawh dan leh dinhmun tlangpui chu hetiang hi a ni.
Khawngaih dilna
Thupui: Chetsualna (accident) tawh avanga tanpui dilna
Hming : Pu Sailodawla
Kum : 40
Contact :(91) 9612 079 261
Khua : Tahan
Chenna : C 26, Saron Veng, Aizawl
Enkawltu: James Lalhriatrenga (Kum 13)
Accident : Laitui leh Mit-thi-la inkara Jeep accident-ah chesual(2001)
Hliamna : Hngawngruh tawp ber (Cervical spine injury)
Advocacy
A chunga kan han tarlan ang hian, Pu Saia hian beiseina thar nen mi rawn be pawp hlawl mai a. Vawi khat emaw chauh inhmu tawh pawh ni ila, ka mitthlain ka la hmu ruai ruai a. A dinhmun hi a ngaihtuahawmin a lainatawm riau mai a. Tawngtai sak tur leh theih ang tawka khawngaihtu ten an tanpui theih nan a aiawhin ka han ziak ta a ni.
Khawsak dan
Mahni tawka fel leh taima ve tak thin kha engmah tithei tawh lovin a let ta reng mai chu a nia le. A fapa kum 13 mi lek chuan a enkawl a. Thenawm khawveng leh lainattute thilpek chu an nun ve theihna hnar chu a ni mai a. In luah man pawh pe mumal lova khawsak chang pawh an nei ta nual.
Nilengin thut-awnna khumah a awm tlawk tlawk mai chu a nia. Zanah khumpuiah a fapain a chawi sawn leh tawp thin a. Khua a har duh hle ang le. Ngaihtuah ngai ringawt a ngaihtuah nawn awn awnin a rinawm.
Riahrun vai
Ramtuileilo awmna leh mitdelte awmna te han bel dawn se, lut turin a tling zo si lo. Lehlamah enkawltu ngai ngawih ngawih a ni lawi si. Saia tan chuan tihngaihna vak a awm lo a ni. Inawhhlum? Hnai lo ve, Pathian a awm alawm. Pathian ringtu tan chuan beidawnna tawpah beiseina zam a eng tan dawn chauh zawk thin a ni.
Beiseina zungzam
Beiseina thar a rawn thleng a, Delhi-a India Spinal Cord Injury Centre chuan, “ kan lo enchhin ang a, a enkawl dam theih a nih a rinawm” an ti a. Saia pawhin “Ka nerve tak hi a la nung a, a that chhuah leh theih ngei ka beisei,” a ti hnge hnge.
“Phai lamah inzaipui nei tur chuan,……a ngaihna a awm lo a ni. Kutah sum leh pai…. a lungchhiat thlak a ni. Min khawngaiha eiin min pe thintute lah an hmaizahawm tawh si. Beiseina hlimawm tak chu buaina chhum zing karah chuan a de ve ve chauh tawh a. Tawngtaina chauh lo chu beiseina dang reng a awm ta lo.”
Chanchin Thar
Vanlalsailova foreign kal haw interview chu TV- ah a rawn lang hlauh mai a. Mizote khawvel hmun dang dangah an lo awm ve nual tih a rawn sawi chuan beiseina a rawn lang zauh a, hmelhriat phone number ka han zawng kual a, ka kawl ran a. Mahse, phone ta lo chuan kar 2 a liam ta. A tawpah tawngtai chungin ka han ko ta ringawt che a ni.
Tlipna
Kha zawng kha, kan inbiakna chu a ni a. Rinnain tanpuitu a rawn zawng tawp mai a. A hmu ang em? Lehhawi a, Tidamtu kut chu a va ngaihawm dawn em. A mah awm tawh lo mahse, a zirtirte, Samari mitha chanchin a lo hrilh tawh te kan ngawi reng dawn em le? Nge ni, tui takin kan mut san mai dawn?
I tiropui thin hle mai. A hun takah Pathianin rem a ruat a ni ngei ang. Pu Saia chu a phinga lung kuhva rah tiat lai hi an phawrh sak a, tanpuina a dawn te hian a phuhru mai thei tih a sawi. A lawm khawp mai.
RD,
Intitha lutuk, Saitea hi ka thian pa a nia. phone-in ka inbia thin a, a lainatawm thin khawp mai.
Tanpui ngai dik tak tanpui hi Pathian duh zawng pawh a ni ngei ang tih hi kei chuan ka ring tlat.
Pu RD, hmalakna kaltlanga hetianga U Saitea’n tanpuina a dawng hi chu ka va han lawmpui tak em, mimala tanpuina petu zawng zawng te leh Indiana Mizo Christian Fellowship(IMCF) te Pathianin a let tam takin malsawmna nen umzui mawlh rawh se.
A bik takin han ti mai ila, tuna tanpuina petu te hming khi ka en vang vang a, amah U Saitea nene mimal taka inhre tur awm an awm der lo, mahni hmelhriat leh thiantha pawh ni hran lo, Krista rilru (hmangaihna, Lainatna) put avanga tanpuina han pek hi a ropui dan a dang a ni, entawn tlak in ni e.
RD tha hnemngaihna a ropui ka ti hle mai.
Melbourne lam chu a huho zawng ni lem
loin mahni rem chan dan zawkin tan kan la
ve theuh niin ka hria. Hei lo pawh mahni mi
mala tanpui tu te pawh an awm nual a nih
thu Pusaia hnen atang hriat a ni a a lawm
awm hle mai.
Tawngtaina leh suma tanpui tu zawng zawng
Pathianin a let tam takin malsawm che u rawh
se tih hi ka han sawi ve duh a ni e. Pusaitea
tak hi a nia lawm leh zual tura ka rin chuuu…
Pu Sailodawla (Saia) damlo tranpuina helama mitlawmngaite leh amah khawngaihtute thawhsum chu vawiin ah Western Union in kan thawn ta e.
Amah Pu Saia hi niminah ama cell phone ah ka bia a, tunah mai pawh kha ka bia leh a, amah chu operation room ah an hruai tawh a, a zunkawnga lung awm an zai meka, amah awmpuitute leh sum ka thawnna-te nen kan inbia a, tranpuina sum an lo dawng hngal mai ang. Pu Saia hian a lawmthu leh a thlamuanpui thu hi amah tranpuitute hnenah min lo hrilh sak ngei ngei rawh , ka lawm lutuk a ti a, heta thuziak atrang hian a lawmthu ka han sawi hngal a ni e.
Pu Saia tranpuina petute leh an pek zat chu:
Indiana Mizo Christian Fellowship(IMCF)- $200
Pu Chalchhunga Sailo (Maryland)- $100
Pu Lathanglana, Indianapolis- $5
Pu Tlangrosuia, Indianapolis- $40
Pu Zonunmawia, Indianapolis- $20
Pu Rikhuma, Indianapolis- $20
Pu Lalsawichhunga, Indianapolis- $40
Pu Ro Dinga, Indianapolis- $50
Avaiin $475 a ni a, thawnman ah $15 ka senga, Pu Saia hnenah $460 (India Rupee 20,049.67, Exchange rate $1=Rs.43.586) ka tawnhngal a ni e.
Pathianin Pu Saia awmpuiin veng zel rawh se.
Uii aw.. an van khawingih thlak pafa ve aw… tanpui theih ngei a that hi..
Ka awmna lamah Pu Saia tranpuina tur kan khawn in kan zawng mek a, tunhnu chawlhkar 1 velah chuan kan tlangkawm in kan thawn theih ka beisei. Tranpuina pe pawh an awm nual tawh a, pek tum mek, la pe remchang lo an awm rih avangin chawlhkar 1 vel kan inhngak anga, kan thawn thuai ang.
Pu Saia tanpuii duh tan Than Par Khumi tih hi a zin dawn a, amah Pu Sailodawla hming hian Western Union atangin a thawn theih reng e.
Valtea
U Saitea hi a lainat awm tak a sin. Aizawl, Tiau leh Tahan ah ka hmu fo thina ka u te nen inkawmho pawh an ni a he tianga vanduaina a tawk hi a pawi tak zet a ni.
Zawma,
Ka lawm e.
Helaman tranpui theihdan ka lo zawng ve anga, midang tranpui thei tur pawh ka lo zawng ve ange.
RD# thurawn tha tak mai i rawn ziaka a lawmawm hle mai. Zoin editor hian “Pu Saia puala tanpuina pe thei tur kan awm a nih chuan kan Huiva hruaitute hnenah emaw amah Pu Saia hnenah emaw hriattir theih ni se a lawmawm hle ang” tiin a rawn ziak mai taka tanpuina pe duh tan a bangbo duh deuh mai thei a nih hi. Pu Saia phone number chu a chungah khian tar lan a ni a, a mah pawh biak a nuamin a tawngkam a zang khawp mai. Tanpuina pe thei tur chuan Western Union Bank atanga thawn mai theih a ni.
W/U Bank atanga thawn duh tan
Receiver name: Thanpar Khumi
Destination: India
Cheng thawn a nih ve leh amah Pu Sailodawna hi (+91) 9612 079 261 ah hian SMS or phone in sender name, amount leh MTCN hrilh hriat leh mai tur a ni. Vawinah tlem ka thawna a lo dawng ve nghal mai a, ka thawn tlem teh lul nen lungche takin lawmthu a rawn sawia a lainat awm khawp mai.
Huiva hruaitute hian a hranpa takin tumah mawhpurhna inpek kan nei lem lova mahni hnai vaia tanpuina pe thei turte an awm a nih chuan thahnemngai taka khawnkhawm sak mai a that ka ring. Gmail ID te chu a nei ve nain a mahin a check thei chuang lova phone atanga chanchin hrilh mai hi a awlsam ber turah ka ngai. An mamawh ber chu Cheng/Pawisa a ni tawp mai. Tunah pawh a KAL leh a zun kawng na avangin a mu hlei thei lova Doctorin civil damdawiinah kal tura a tih pawhin sum engmah nei si lo chu a kal thei ta chuang lo a ni. Ei chawp pawh mi pek chawp vek an ring a, chaw chu an la nghei bik em lo a ni awm e.
A mah Saitea duhthusam leh beisei ber chu Cheng awm se Delhi lama zu inenkawl chu a rilruah a lang lian em em mai a ni.
Kei hi November thla chhung chu hlate khaw lamah ka zin dawna phone ka dawng thei dawn lova mail pawh ka check khat deuh dawn a, nimahsela, mahnia Pu Sailodawla dawr rem chang lote leh a chanchin hriat chian duh dang neite chuan a hnuaia mail ID leh phone ah hian min rawn contact ula, chiangkung takin ka lo hrilh thei ang che u. Pawl 10 fail dun kan ni a, kum 2-na pawh kan thutlang leh tho bawk a, kan inhre chiang khawp mai. Tun hnaiah pawh kan inbe ngun tawh a, chanchin inhriat duh awm chu ka hrilh thei ang che u. Tin, tanpuina pe duh si mahnia thawn mai remchang lo leh amah Saitea contact remchang lote inawm a nih pawhin min rawn contact zel mai dawn nia. Ka lawm e.
Vanlal Zawma
Mobile: (+971) 2808713
Email: lian.dova@gmail.com
Tanpuina pe duh tan a pek awlsam dan relfel/siamfel a ngaih hmel ka ti,ka chunga mi sawi ang khian.pe duh tamtak tan pawh a pek ngaihna hriat loh leh kal theih loh/rem chanloh te hi a tam si a….
Pu Sailodawla chu a khawngaih thlak hle mai. Amah chauh nilovin a fapa fel tak James Lalhriatrenga pawh a lainat awm khawp mai. Kum 2001 atranga lo tuar tawh a ni a, a rei pawh a rei tawh hle a nih hi!!!!!
Tuna a chanchin in tarlan ah hian kim lo a awm tlat mai a, tranpui duhna nei ten an tranpui theihdan tur, tranpuina an pekna tur in ziak tel lo hi a ni. Entirna, Burma ramchhung ami ten tranpui an duh chuan engtia pek tur nge? Tu hnena pek tur nge? Tin, Burma ram pawna tranpui duhtuten engtin nge an pek ang? Tu hnenah nge an pek ang?
An mamawh ber eng nge? Engtia tranpui nge an tan a thra leh fuh ber ni ang? tih vel hi chiang zawka tarlang thei kan awm chuan a lawmawm vio ang.
Hetiang spinal cord injury (abiktakin, Cervical Cord injury) avanga damlo hi an vanduai hle in ka hria a, enkawl pawh an hautak hle ngei a, ka lainat khawp mai.
Cinema hmingthang tak “SUPERMAN” a changtu ‘Christopher Reeve (Sept. 1952- Oct. 2004) pawh kha cinema a superman tak mai, thlawk zuaizuai, leilung pawh herlet tir thei kha a ni a, film chanah a ropui tehreng nen, May 27, 1995 ah sakawr(Horse) a chuang a chesual a, a hngawngruh a tliak a, cervical spinal injury antih hngawngruh 1-na leh 2-na (1st and 2nd vertibrae) a tliak avangin a hngawng a chin hnuailam a chethei lo, engmah a hre ta lo a, USA ah doctor thiam tak tak in an enkawl hnu in 2004 ah a boral ta kha a ni a.
Hetiang hngawngruh tliak hi a enkawl dan tur mithiam ten an sawi leh hmuh dan chuan thluak atranga hnungzangruh chhunga inthlung, Thling (Spinal Cord) hi thlakthleng tur a ni a. Hetia thlathleng tur hian “Stem Cell” atranga siam tur a ni a, hei hi a duh leh duh lo anla inhnial vut vut a nih hi. Ka ziak sei ta, tawk rih rawh se.