Zoram khawvela a hming dai tawh ngai lo tur, thu leh hla lama mi hratkhawkheng leh kan mi hmasa, India leh Burma ram ri depa cheng zofa zawng zawngte tana pa nih tling tak, Pu Lalronghaka @ Rihlipui Nghaka (Vulmawi) rin loh taka kan chan ta mai hi, zoin enkawltuten kan uiin kan sun hle a, amah Pu Nghaka kan zahna leh kan sun zia lantir nan, mi thrahnemngaiten a chanchin tawi tlangpui an ziahna hi zoinah kan rawn dah chhuak ve a ni e. Pu Nghaka, i hniakhnung zui phak lo mah ila, i kut hnu leh i ir-awm chhuak thu leh hlate hi thrangtharten kan vawng reng ang. Heng thu leh hla ril tak tak min hnutchhiahte avangin lawmthu kan hrilh che a ni. RIP. by ZOIN.
Dr. Ro Dinga, Indianapolis, USA: Kum 58 vel leka upa, ram leh hnam hmangaihtu leh a ram leh hnam in kan chhuan em em, kan beiseina in-hngahna pakhat Pu Nghaka’n min boral san thut mai chu hril a hai hle mai. Rih lipui bela Rih khua 1942 a din tu Pu Hranghmunga leh Pi Chhunkungi te fapa a ni a, Khuangleng khua atrangin Rih khua hi Pu Hranghmunga-te uanuza in an satin, an din a ni. A u, Pu Lalzahngaia’n February 6, 2010 ah min boralsan kha kan chan ropui tawh tehlul nen!!!!!
Amah hi B.A (Burmese) degree Mandalay University ah zirzo in Burmese Literature chu a ching hneh mai nilovin, thu thuk leh thu ril a zir treuh a, hlathu (Poem) te, thuziak (Essay & writting) a hneh hle a, Kawl trong pangngai mai ni lo “Pali” (Kawl trong lo pianchhuahna trobul, Buddhist pathian Gautama hun laia an hman) pawh a zirin a thiam hle a ni.
Mandalay University a zirlai khan Kawl trong in hlathu (Poem) a phuah nual a, a hlathu threnkhat chu Chin Magazing-ah te chhuah a ni hial a, khatih lai khan a hmingah (Pen name) “Rih Kan Daw-Nah” tiin kawl hming a insak a, a hming hi Mizo trong chuan “Rih Dil Parmawi” tihna a ni anga “Daw-Nah” tih hi thing/pangpar chikhat tlang a tro thrin, ram pangpar chikhat a ni a, Mizo in engtinnge kan tih ka hre mai lova, Karen ram tlangdungah khuan a atam mai a, Karen ram tlangdung khu “Daw-Nah Hills” an ti hial.
1975-76 bawr vel a ni ang, Mandalay University a, a kallai hian Chin National Day an buatsaih trumah Pu Nghaka leh a thriante Music Group kha an “Entertainment group” an ni a, khatih laia an “Stage Show” thlalak kha ka mitthlaah a la chuang reng a, Drummer ah Burma ram zaithiam hmingthang Sai Htee Saing a ni a (Mandalay University ah Sai Htee Saing a zirlai a ni a, Pu Nghakate nen zir ho an ni), Bass tumtu Bassist chu Burma ram zaithiam hmingthang Salai Sun Ceu a ni a, an Lead Guiterist chu Pu Butta (Vulmawi) a ni. Pu Butta hi Mandalay Fine Arts College ah Arts a zilai kha a ni. Pu Nghaka kha an Rythmn guiterist leh Vocalist a ni. Mipuiin an lawm a, Mandalay University ah a hunlai kha chuan an lar ber a ni.
1976 ah Vulmawi Music Group in Mizo hla Cassette hmasa ber an siam khan Pu Nghaka hian hla 2 a sa a, a ma phuah vek a ni. “Nuchhimi Mittui” leh “Hmel Thra Dumdang Biangno te” tih kha a ni. Kha Cassette kha Mizo khawvelah Music Band anga cassette hmasa ber a ni a, Mizo Music khawvel sawinghingtu a ni. Pu Nghaka hlaphuah thiamzia leh “Poetic Spirit” nei tak “Poet” a nihzia chu a hlathu kha han chik vang vang ula in hre mai ang.
Khami hnuah khan hla a phuahnual a, chumi zingah hla a phuahthiamzia tilangtu leh ka hla duh em em “Rihlipui” hla phei kha chu mawi ka tiin a thu kha a phuah thiam ka ti hle a ni. Zaithiam C. Luri’n a cassette ah a sa a, A thunawnah chuan “Chhingkhual ka chan hian ka ngai zual thrin, Sen nau ang min chawia min awm tu; Dar ang tawn leh ni thlir chung reng hian, Ngai chunga thren lai a trul leh thrin” a han ti hnap mai hian a pian leh murna ram a ngaihzia leh a hmangaih zia a ti lang chiang hle a ni.
Chang tawp lamah “Hmanah Fam Rih sang an lo tih kha, Tunah e, a thar hmangaihna tiin; Tleitir chhingmit ianga meng pawl riai, Tlang karah nuih zai a rel ve ta” a han ti hi a mawi tak meuh a ni. He hla hi tun thleng hian ka duh reng a, ka hnathawh laite hian a chhumbung te te hian ka han zai (phun/chik) chhuah zauh thrin.
Rihlipui tih hla C.Luri sak chu tah hian ngaithla rawh le. A5 – Rihlipui
Pu Nghaka hlaphuah, a ma sak ngei “Nuchiami Mitui” tih chu tah hian ngaithla rawh le. NUCHHIMI_MITTUI
VUINA PROGRAMME
Vuihun : October 8, 2001, 1:00pm (local time)
Vuitu : Rev. Singthankhuma
Chhungkaw aiawh a thusawi : Pi Zairemthangi leh Pu C.Lalthanzauva
Thlahna hla : Vanhmun ropui hmangaih ram khi
PU LALRONGHAKA (Rihlipui Nghaka) Chanchin tlangpui
Pu Lalronghaka hi Pu Hranghmunga leh Pi Chhunkungi te fa naupang ber niin October 10, 1953 ah Rihkhawdar khua ah a lo piang a. Zirnalamah Mandalay University a tangin Graduat (B.A-Myanmar) a zova. Kum 1978 ah Zairemthangi d/o Zakhuma nen innei in fapa (3) leh fanu (2) an nei.
A PIANPUI TE: 1. Pu Lalzahngaia 2. Pi Khualhnuni 3. Sangthangpuii 4. Rokimi 5. Pi Rochhari 6. Pi Lawmthangi
A mah hi mi inzir mi tak niin thu leh hla thiam tak a nih bakah rimawi khawvelah pawh sulhnu a nei nual a, hla phuah, zai leh rimawi tum pawh a thiam hle a ni. Zofate khawvela Stereo record hmasa ber siamtu Vulmawi Band bultantu zingah a tel a. Kum 1976 khan an record hmasa ber chu tih chhuah niin he albumah hian hla 2 a sa a, Guitarist leh Drummer part a la bawk.
Pu Ronghaka hi Pathianin talent a pe tha hle a, a hna pangngai bakah damdawi lam luhchilhin a in zirchho zel a, training hrang hrang a lo neih tawhte hmang tangkai in damlo enkawl hna hi kum 20 chuang hlawhtling takin a thawk chhova, tuna mi tam zawkin an hmel hriatna ber pawh a lo ni ta a ni a tih theih awm e. Amah kaltlangin Pathianin mi tamtak damna a lo chan tir tawh thin a ni.
A HNA CHELH TAWHTE: Kum 1981 atangin 1983 thleng Circle clerk hna a thawk a, 1987 kumah Rihkhawdar khua in Private Middle School an din a, chutah chuan tlawmngaih chhuahin Headmaster hna kum 7 chuang zet a thawk a, Rihkhawdar School sorkara hlan kai an nih hnu atangin tun tlengin High School Zirtirtu hna a chelh chho a ni.
Ama mimal hna bakah khawtlang leh ram leh hnam tan a in hmang nasa hle a. ramri depa harsatna hrang hrang tawkte tanpuitu, mi rinchhan tlak tak a ni. Ramri a Sorkar pahnih India leh Burma palai te inbiakna ah tawnglettu leh palai hna pawimawh tak a thih ni thlengin a thawk a ni.
KOHHRANA RAWNGBAWLNA: Tuna a awmna Kohhran Evangelical Methodist Kohhran an hian a hnar kaitu pawimawh zingah a tel a. Heng nihna hrang hrang te hi a chelh mek. Preacher Puitling , Puitling Sunday School Zirtirtu , Local Cuoncil Member , District Minister Relation’s Board Membar, District Building Committee Member
A HUN HNUHNUNG : Pu Ronghaka hian Rihkhawdar High School a zirtirtu hna a thawh mek chu kum 30 thawk tawhin pension a dil mek a, June thla a atang khan thla hlawh pawh la duh tawh lovin tlawmngaih chhuahin a thawk chhun zawm zel a ni. Ni 7.10.2011 chu nidang ang bawkin a school kal ban hnu chuan ramvak turin a thawk chhuak a, Rihkhaw hlui thlen hma deuhah kawnglaihna hmunah van duai thlak takin kawng chhak ko chimin a rawn chhilh a, 4:00pm (local time) khan chatuan ram min pansan ta a ni.
NB: Rem chang hmasa berah a thlalak leh a hla thenkhatte rawn tar chhuah leh theih kan tum ang.
Zoin enkawl tute ka lawm lutuk.Ka dilna mi ngaih pawimawh sak a vangin lalpan vengin malsawm che rawh se.
chelotei # Pu Nghaka hlaphuah a ma sak ngei NUCHIAMI MITTUI tih chu a chungah khian dah belh a ni e. music leh a ri velte pawh a hman lai ruih mai. A hla thu hi Nuchiami thawnthu hriat sa loh chuan a chhan hriat a har khawp mai. A hla thu chu a hnua mi ang deuh hi a ni… lo ngaithla chiang ve teh u.
“NUCHHIMI MITTUI”
Ngai rawh thilhlui zawng an thar leh ta,
Tahna muala nui thawm chu bengtharin ngai la,
ngai la zan mang ni si lo,
Chhingmit hawngin en vel teh, I hnunglama thil awm hi,
Hriat phak loh ram a zau ngei e,,, ti lo maw ?
Mitdawivaih khuang a lo rik chuan,
I hnawl i paih hnu i ngai ta maw !
Hmana mittui nena liam hnu khan,
I manganna ban ka kai ang che,
Mahse a sawt tawh lo mittui chauh i nul tawh ang.
I hlimna leh i thlan di ngei chuan,
Thisen leh thluak hippuarin, nuchhimi run dai’an,
Phuarin thlungin ram tuan a, liam san ni che kha…………
ZOIN ENKAWL TUTE
Punghaka hla phuah NUCHHIMI MITTUI tih hla kha in neih chuan khawngaih in rawm upload leh u la a lawm awm ngawt ang.
@liandova,haha i fiamthu ni tih chu ka hre tho a,mahse ka’n sawi ve leh hram teh ang.ka lo chhut sual palh a ni e.ka comment zawh khan a dik lo tih ka hmu nghal a,mahse a edit theih tawh si loh avangin ka rawn ring tlang a ni e.I sawi ang khian T hi a hnuai chhuthan kan dah thei lo a nih pawhin mizo chuan a hmanna kan hre vek thoa tawng dik lo hman ai chuan T anga ziah pawh kha tha ka la ti fan.@ dika,tlangval laia han in pu chu chi dawn mi maw le!PU BUTA hming ziah danah chuan ama’n a tih tlat chuan BUTTA chu a ni mai a.mahse mizotawng pangngai ang chuan BUTA ni awm zawk tak a ni.entirna’n:FELA tih tur hi FELLA ti ila chutiang vel chu a ni.
Rihlipui Pu Nghaka thlafam chan thu Zoin atangin ka lo hria chu min barakhaih nasa hle mai a.Rihlipui a ngainatzia leh rimawi khawvela a thawhhlawkzia rilru=ah a lo lang nghal a, Rihkhawdar khua tan nu leh pa nih a tling hle a,Indo Myanmar border trade inbiakna a bul atanga tel ve ziah a nih thu mi hrilh laite kha ka hrechhuak. Mi rilru nghet ,ram va chal a ni. A fate naupan laia rih ar a han kap a, an chhungkua a hlim taka an eiho lai a ngaih thin thu min hrilh laite ka mitthlaah a cham reng mai!A nupui leh a fate Pathianin awmpuiin thlamuan zel mawlh rawh se!
Nia, zaih zawm tur leh tur lovah hian chian hi keini ang duang tan chuan a har a ni.
HMELTHA tih hi ziah zawm tur a ni mai thei. Mizo tawngah hian a tam zawkah noun hi ziah zawm tur, an ti thin a. Hmel hi noun(face) lo ni ta se, THA hi adjective lo ni leh ang se, Mizo tawng kalphungah noun leh adjective hi ziah zawm tur nge maw ni. A hrechiang ten khawngaihin han sawifiah thei ula, a lawmawm tak zet ang.
Tin, Hmeltha tih hi Adjective a ni ve lehlawi tho a. A thu kalphungin a hril thei mai ang em? Tuna an hmanna khi hla thulu atana an hmanna a ni a.
Tin, Pu Butta hming ziak dan thuah erawh, Buta tia ziah tur pawh a ni mai thei bawk. Mahse, amah, Pu Butta erawh chuan BUTTA tiin a hmang thung a nia. @@@ Album Cover ah a lang kiau mai…@@http://www.zoin.info/february-20-denchhanna-hla-mawi/
Engpawhnise, Pu Chhuanmawia thahnemngai taka i rawn sawi te khian hmasawnna tam tak a kengtel a ni. A lawmawm lutuk.
#chhuanmawia
I thahnemngaihna a ropui hle mai. Ziak zawm leh zawm loh chungchangah hi chuan zoin enkawltute fel loh/thiam loh a nih ka ring a, a dang i rawn sawi lante khi tlem ka han chhang a nge.
Internet ah hian “T” hnuaia chhuthan awm hi a la hman theih meuh lo va, mahni laptop ah chuan kan nei fur mai thei. Kan thuziakte mi tam zawk tan, a bik takin Mizo tawng zir chawp (mahni tapchhak tawnga hman ve lo) te tan chhiar a awl zawk nan tiin me then khat ten “Tri” T-hnuaia chhut han awm hmanna turah “Tr” or “Thr” an hmang thin mai niin ka hria. Mizo tawng thiam tha vak lo tan chuan chhiar pawh a awl phah viau niin ka hriaa tha ka lo ti ve viau thin a sin. Kei pawhin ka hmang ve zauh zauh.
Mahse tih aia Magse tia i rawn ziak pawh khi Mizo tawng chu ang lo ve in ka hria…hehehee
Pu Nghaka leh a chhungte thinlungtakin ka tawrhpui a.Pa angchhung nuamah a chawlh ngei ka beisei.A kalsan tak a chhungte Lalpa’n vengin awmpui zel rawh se.
Mi chhiatna chung chang ni mah se hemi post-a in thuziah danah hian helh deuh mai ka nei a,ka’n sawi ve lawk teh ang.
1.paragraph hmasa berah khian’THANGTHARTE’N’ tih turah’THRANGTHARTEN’ tiin in ziak a.Chu bakah’ATANGIN’ tih mai turah’ATRANGIN’ in ti bawk.
2.paragraph hnihnaah khian’KAWL TAWNG’ tih turah’KAWL TRONG’ in ti tlat te,’TO’ tih turah’TRO’ ti a inziak ka hmuh khian chhiar nuam ka tlat lo.
3.paragraph thumnaah khian ‘TUMAH’ tih mai tura’TRUMAH’ tih te,’THIANTE’ ti a ziah turah’THRIANTE’ tih leh Buta hming ziah dan khi sawisel loh har ka ti.BUTTA ni lovin BUTA tih mai khian a dik em em a ni.
4.paragraph linaah khian’HMELTHA’ tih turah’HMEL THRA’ inla ti cheu.A reng rengin ‘HMELTHA’ tih hi ziah zawm tur a ni.’HMEL THA’ tih pawh a dik chuang lo.Sawi hmaih ka la nei,para..hnihnaah khian ‘THIN’ tih turah’THRIN’ in ti bawk.Heng ka sawi bak pawh hi tam tak a la awm mai thei.Magse hun ka ngah vak loh avangin a zual pui ka rawn chul thuak thuak a ni.Tuna in thu ziah sual tam tak hi khawvel changkanna hrin chhuah,mobile phone-a sms hmanga thu tawi inthawn kan chin vang ni berin ka hria.A pawimawh ber chu sms-ah lo hmang pawh ni ila thuziak puitlingah chuan i ching lo hram ang u.Tin, he website hi zofate chanchin inhriatpawhna tha tak a nih avangin kan mizo tawng ziak danah i fimkhur hram hram ang u.A nih loh chuan thangthar lo awm leh zel turte hian tawng diklo an rawn hmang fur mai ang.He ka thuziak hi a ni lo zawnga ngai lo hram turin chhiartute ka ngen tak meuh che u a ni e.Ka thahnem ngaih vangah min lo ngaihsak dawn nia.
Min zirtir tu ka chhuan bikte zinga mi Pu. Nghaka’n min boral san hi pawi ka tiin ka ui tak meuh meuh a ni. Pawi 8 zirlai hneh em em a min zirtir lai te leh kum 1992 a Mizoram zaithiam (a hming sawi tur ka hre mai lo) sak tur a hla thul khung record a zan tlai thleng thleng a class room chhunga a thian pa nen a an record lai te pawh chhungrilah a lang vung vung mai a.
Kan Ram leh Hnam rohlu tak kan chan leh ta maw…..
Dawt leh mumang mai ni atan a van tha dawn em….. mahse a tak a ni miau si a.
Aw….. pu Nghak, (Sir Nghak…) ka van ui tak che em….! Kan tlang tluan tan hian hnathawh tur a la tam asin, i tello chuan sera mu kan thur thei dawn em ni…..? Nang kan thiampui pa ber i tel loh chuan kan van baihvai dawn em….!
Kan Hnam rohlu pakhat kan chan leh ta mai hi channa ropui tak kan ti lo thei lo a ni. Tunah hian taksain kan hnenah awm tawh lo mahse la, kan thinlungah a cham reng tawh dawn a ni. Kan ram leh hnam tan a thahnemngaihna zawng zawng te, a hmalakna zawng zawng te hi kan theihnghilh thei tawh lo vang.
Pu Nghak,….. dam takin mangtha….!
Cham reng ang che kan thinlaiah….
Dam takin……
Tuna kan sun tak, Pu Nghaka hian a hlaphuah ho DVD a, a siam thar pawh tlei taka a awm hma a, hetianga fam khawpui min lawisan ta mai hi chu a pawi tak zet a ni. A VCD siam thar atanga a then, Youtube kaltlanga Tv. Rammuana’n a rawn dah hi; Pu Nghaka kan ngaihsan zia lantirna atan kan han la chhawng ve leh a ni…@@@
Thihna hi mihringte chuan kan inhnem zo lo, tuar thiam a har thin, a nupui leh fanaute chhung khat laina ten a thlarau awmna Van lam chauh thir hram teh u aw. Pathian chuan thlamuan che u rawh se.
Zoram khawvel tan channa nasa tak a ni. Kan uiin kan sun a, lusun chhungte kan tuarpui takzet a ni. A thu leh hla kalsante chhawm nung zel ila, a thih hnuin kan hnam chawimawitu pangpar ni zui zel rawh se. Keivom (Delhi)
Pu Hngaka in rinlopi ah mual in liam san cu aw… a va poi em!
Ka ui tuk lawmmam. Mina tuamhlawm a thiam si….nat phun phun a zing thiam.
Kawl ttong hi kawl pawl hnak hmanin athiam ti tlak khop rori a si ih,
Ttong dang khal a thiam tam zet. Ca zirh khal a thiam tuk ih a tlawngta pawl in an upat bik mi a si.
Kawl ralkap thu nei pawl le sawrkar hnatuan upa bawi pawl khal in an upat cio mi a si.
Ralkap pawl ih hmuhsuam le sawr ciamco ring ring mi Laimi tamtak hrangah Pu Hngaka ruangah vei tamtak cu hnatlang le sumkhon an awl phah deuh theu kha…. Rih khawdar le a kiangkap ih um mipi tam tak run tu le bawm theu tu cu ka va ui em em.
Rihlipi ah kum mallai ka rak um dah ih mizo tong ka thiam ka ti sinan .. .. um lo nak tla a rei si… cangan nak ahcun ka hmang thiam lo ruangah si.
A chhiar chu ka thiam tho a, mahse ka ziak palh dawn ti ka hlaua …
Pu Hngaka ui tu;
Ma Mang
Pu Lalronghaka @ Rihlipui Nghaka (Vulamawi) rin loh taka kan chan ta mai hi pawi ka tihle mai.Zoram khawvela a hming dai tawh ngai lo tur, thu leh hla lama mi hratkhawkheng leh kan mi hmasa, zofa zawng zawngte tana pa nih tling tak ni thin chuam min kalsan mah se Zoram khawvel ah hian ihming adai tawh ngai lo vang. A kal tak chhungkua leh thian leh rual u leh nau te chungah Pathian khawngaihna leh thlamuanna Lal Isua hmingin lo awm zel rawh se!
Mintlan tu Lal Isua kebul ah kan intawng leh dawnnia!
Rev.Dr.Joseph Lalunghnema
ALJC.Yangon,Myanmar
Ram, khawtlang leh kohhran tana mi tlawmngai leh pasal tha kan chan tamai hi hrilh a hai ngei e! Sakei huai a thihin a thlaktu tur an awm leh thin angin amah thlaktu tur tam tak rawn awm zel thei se!!!
Ava pawi thin em kan pu Hngaka kan chan ta mai chu. Lalpa’n a chhungte chungah thlamuanna tharin thuam sela amah rinchhantu khawtlang le amah hmanngaihtute zawng zawng te chung ah thleng mawlh rawh se.
October 18, 2011 a India leh Burma sorkar palaite ram hnih tana thu pawimawh sawipui tura Falam khawpuia an thut hona turah ram hnih ten an rin tlak leh palai tura an sawm tel, kan ram leh hnam hmakhua su eng tura khuanu hual nia kan lo ngaih Pu Lalronghak an October 7 2011 tlai lam 4pm a chatuan ram min pansan khan kan beiseina leh ingnghahna sutpui a sawi tliakin hril a hai chiang hle mai.
Hualngo tlangdunga cheng zawng² te’na kan in nghahna leh kan rinchhan ber, Saya Nghaka a fam ta hi, kawng engkimah kan chann nasa hle a ni.
Kan ui in kan sun tak zet a ni.
A kalsan tak a nupui fanau te, Pathian in awmpui’n thlamuan tlat rawhse.