PU LALZAHNGAIA KUM 79

Pu Ngaia hi khawchhak zofate zinga lehkha thiam hmasa a nih angin kan ram leh hnam tan kawng chi hrang hrangah pa nih a tling em em mai a, he ti maia kan chan ta hi kan ui em em a, khawchhak zofate tan channa namen lovah kan ngai a, a chanchin kan dawn ang angte chu amah sun nan kan han tar lang ve a ni. (zoin)
A pian leh murna:
Pu Lalzahngaia hi 1932 November 12-ah Khuangleng khua Keifang tlangah a piang a. A nu leh a pate chu Pu Hranghmunga leh Pi Chhunkungi te an ni. Pu Hranghmunga pianpuite chu:
1) Pu Hranghmunga (fam)
2) Pu Ngaihdailova (fam)
3) Pu Kamthiauva (fam)
4) Pu Piangthula (fam)
5) Pi Sapzingi (fam)
6) Pu Selruma (fam)
7) Pi Thuamkipchuaii (fam)
8) Pu Hrangchhunga (fam)
9) Pu Hualhrima (fam)
Pu Hranghmunga te unau leh mi tlem tein 1942 kumah Rihkhawdar khua an sat (din) a. Rih dil hi huai neia an hriat avangin tuman leiletah an siam ngam lova, an ni hian leiletah an siam ta a ni. Pu Lalzahngaia pianpui te chu:
1) Pu Lalzahngaia h/o Daw Yin Yin
2) Pi Khualhnuni w/o Pu Lalringa (fam), Rihkhawdar
3) Pi Sangthangpuii w/o Pu Khuangmura (fam), Rihkhawdar
4) Pi Rokimi
5) Pi Lalrochhari w/o Pu Zothuama (fam), Rihkhawdar
6) Pi Lallawmthangi w/o Pu Laltanpuia, Rihkhawdar
7) Pu Lalronghaka (SAT) h/o Pi Zairemthangi, Rihkhawdar
Pu Lalzahngaia hian fapa 3 leh fanu 3 a nei a. Chungte chu:
1) Hrangthanchhungi (Mah Lay) w/o Pu Zaikunga, Tahan B
2) Vanlalmawia h/o Lalthlamuani, Tahan A
3) Rihtawnenga (Valtea) (fam)
4) Laltanpuia h/o Pi Liannghilhlovi, Tahan A
5) Laithansangi (Nutei), Tahan A
6) Lalhmuliani w/o C Thanga, Sanmyo
Tu 12, mipa 4 leh hmeichhia 8 a nei

Zirna lam:
1947 kumah Primary pawl khat Tuichirh khuaah a zir.
1948 kumah Primary pawl 2 Chawnghoih khuaah a zir a, a thiam theih avangin pawl 3 pawh kum khat chhungin a zir zo thei.
1949 kumah Middle pawl 4 Tedim Private High School-ah a zir
1950 kumah Middle pawl 5 Falamah a zir
1951-53 kumah Middle pawl 6 leh High School pawl 8 chu State High School, Kalaymyo-ah a zir
1956 kumah High School pawl 10 chu Central High School Yangon-ah a zir
1956 kum vekah BA (Part A) chu Hledan College, Yangon-ah a zir.

Sawrkar hna:
Health Assistant hna thawkin hmun hrang hrangah a awm tawh thin a. A awm tawhna khuate chu:
Manata, Mindat Myone – 1959 – 1966
Hmunli, Falam Myone – 1966 – 1969
Tibual, Falam Myone – 1969 – 1975
Saek, Falam Myone – 1975 – 1978
1982 kumah a hna hi a pension a, a nupui Daw Yin Yin pawhin LHV hna atangin pension a la ve bawk a, Tahan A groupah an pem.
Politics-a a hna chelhte leh a hnathawh that thenkhatte:
• 1974-1978 – Chin State Peoples’ Counchil member (parttime)
• 1978-1982 – Falam Township Peoples’ Council EC member
• Sawrkar hna a thawhnaah hian in leh lo thar dintu a ni thin a. A bik takin Tuibual Regional Health Center building saknaah a theihna leh chakna nasa takin a hmang
• State Peoples’ Council member a thawh laiin, Mindat biala a thawh laia a pu hlui Dr Khup chu Chin State Health Department hotu lian ber a ni a. “Pu Khup, i thu neih lai hian Tuibual Regional Health center min pe rawh,” tiin a dil a. A hlawhtling ta a ni.
• Falam Peoples’ Council EC member a thawh laiin MCH din that lehnaah theih tawp chhuahin hma a la a. Mipui ten a zar an zo hle a ni.
• Falam Peoples’ Council EC member a thawh laiin a tupa, Pu Kamlianbuaia (fam) Chin State Regional Party Secretary nen Rih dilah sangha no an thlah a. Sangha tam tak, lian pui pui an inthlah punga vawiin ni thlengin mipuiten a zar an zo em em a ni.
Kohhran leh Khawtlanga a rawngbawlna:
• A awm tawhna kohhran Upper Myanmar Methodist Church, Wesleyan Church leh Evangelical Methodist Church-ah te rorelna khawl sang ber berah te member niin taima tak leh thahnemngai takin rawng a bawl thin.
• Wesley Clinics leh Bethani Clinics bul tanna leh building sakna chungchangah a hnarkaitute zinga mi a ni.
• No. 2 State High School, Taungphila Break Building-a sak chungchangah hma latu niin a bul tumte zinga mi a ni

A natna:
• 1988 kumah thisen dawt zim natna avangin Yangon-ah hun rei fe a inenkawl
• Thisen sang, Thisen thlum leh Zum thlum te a nei a. Heng natnate hi ama hriatna leh Doctor te rawn phah chung zelin a inenkawl thin a. Thatpui angin lang thin mahse a sawtpui tak tak thei lo
• 2009 December thla thar vel atang khan a zunah thisen a tel thin a. A reh tak tak thei lo va. A rilru a thlaphang deuh thin tih a tawngkam leh a chetziaah a lang a. 31 January 2010 Pathian niah Evangelical Methodist Church, Myanmar Mission Conference Headquarters hawnnaah hruaituten kohhran hminga lawmthu sawi tura an kar deuh bur avangin chak lo tak chungin, Sap mikhual mi 10 leh Tlang ram leh phai ram atanga palai, mikhualte hmaah a ding chhuak hram a, “He Biak in thar ka hmu hi ka lawm em em a, he Biak ina ka thu sawi hnu hnun ber pawh a ni mai thei. Tunah chuan thi mah ila ka pawi ti tawh lo,” a ti kher a. A sawi ang takin a lo thleng ta a ni
• 6 February 2010 niah tukthuan hlim tak leh puar taka a ei kham hnuah chaw eia a sawm mikhualte nen kohhran chanchin te hlim taka a sawi mek laiin 11:30-ah lungphu chawlin min thihsan ta a ni

Lawmthu:
• Pu Zosangliana te nupa, Tahan B group ten kuang min tum sak avangin an chungah lawm thu kan sawi
• A thih nia min tawiawmtute, a ruang men zanah khawhar lova min thutpui a, vawiin a vuinaa min sunpuia hun leh sum senga min hnemtu zawng zawngte chungah lawmthu kan sawi bawk