By: B. Lalpekthara, Letpanchaung, Chhim Veng, Burma
Tun hnaiah Mizo thalaite zingah pianthar hnua Love Song sak a pawi leh pawi loh thuah ngaih dan inang lo tak tak a awm ni awmin ka lo ralkhat hriat ve viai viai a. Mahni ngaih dan na na na chu inthlahrung lo takin han sawi lang ve mai mai ta ila. Pathian Thu atanga thlira ngaih dan ka lo neih ve mai maite chu;
1. Piangthar tan Love Song sak hi a thiang a; mahse, sak a tha kher lo.(II Kor.6:12)
2. Kan Mizo Love Song tam takte hi hla riang tak tak, beidawnthlak fe fe, van Lal fate tana sak chi loh tam tak a awm.
3.Piangtharte beih nana setana hmanraw pawimawh ber pakhat chu ‘Tha ve tho’ hi a ni. Thil pawi lem lo nia lang; mahse, han tih chiah chuan zawi zawia kan thlarau nun min tisawngnawitu ni thei tam tak a awm. Setana hian piangtharte hi a titlu leh thei lo rau rau a nih chuan Pathian tana hman tlak loh tala siam a tum thin.
4. Thlarau Thianghlim hian chawhpawlh nun hi a luah khat thei lo. Chuvangin, ringtu dik tak, bungbel thianghlim Lalpa hmantlak nih tum tan chuan Love Song sak tih vel hi chu Agenda-ah a lang pha lo hrim hrim.
5.Lal Isua hmangaihna lam hla phuah sen loh leh sak sen loh a awm laia khawvel love song ning nel te te lo buaipui ve sekho hi chu an pianthar danah thar kim lo a awm a nih pawhin a mak lo vang.
6.”Pianthar hnuah meizial zuk a pawi em?” titu chuan a nghei hreh vang a ni chawk; “Cinema en a pawi em?” titu pawhin a en chak vang a ni fo bawk. Zu hrim hrim hi sual a ni lo angin, love song hrim hrim hi sual a ni lo. Mahse, mahni leh mi dangte tana harsatna eng emaw thlen thei reng reng hi ringtu tan chuan tih kher loh a him fo.
7. Piangthar tawhte chu kan thiltih apiangah Pathian ropuina tur hlira ti turin Pathian thuin min hrilh (IKor. 10:31). Pathian fakna hla kan sak hian nge Pathian a ropui a, khawvel love song kan sak hian?
Chuvangin, love song hi chu a duh chuan sak mai tur a ni a, sa ve duh lo chuan sak loh mai tur. Mi dangte pawhin sa duh lo na na na chu sa tura nawr nawr a tul bawk lo. Vanramah mahni lawmman theuh kan la dawng mai dawn a lawm!
A tawp berah chuan unaute u, a dik apiang te, a zahawm apiang te, a fel apiang te, a thianghlim apiang te, a duhawm apiang te, a thang mawi apiangte; chung chu ngaihtuah rawh u(Phil.4:8).
Source: HRB AUG.2010
“Uai-in” kantih hi sap tawng in “wine” hi ani a, chu chu “zu” tihnamai ani. Sap ho khan tribal ho hi kan mawl lutuk a,thil dang niawmtakin wine(uaiin) tiin Bible ah anlo ziak a, chutilo chuan, “zu” tih bur mai kha chuan “zu” in hi kan ngainep lutukang a, a thalo ang tih an hlauh vang niin a lang. Chumirual chuan inlo thei kannih chuan a sual hmiahlo ang. In chuan ruih theih a ni lehzel a, chuvang chuan inlo chu a thatzawk a rinawm. Mahse an in hla hla in meidil ah tla lut nghal maitur niawm taka “sualna” anga kan ngaih hi a dik kimlo ang. Kan pi leh pu te kha chuan sualna turin an inlo va, Isua zuitu te pawhin chutiang bawk chuan sualna turin an inlo niin a lang. Amaherawh chu thangthar te hian sualnan kan hmang thung a. Sualna leh kawhmawh bawlna leh mi cho duhna te leh rilru a insual chakna te leh tisa chakna te neih phahnan kan hmang a, chutianga hman chu sual ani thung. Chutiang vel chu ani.
Kan thuziak tupa hi a van, tunlai lo em…………..
A pathian thu lak dan hi a lutuk deuh in ka hria..
Mizo ten hman ata tawh khawtlangna (Secular) leh Sakhuana (Sacred) thu ah buai na awm lo in a kal kawp thin a, mahse Sap Sa kan Phun atang in khawtlangna (Secular) leh Sakhuana (Sacred) lam tiin kan thliar hrang ta daih a, hei hi kan kal pel a hun tawh in ka hria. Saphun piah khawvel a cheng kan nisi, kan ideology te pawh kan tih saphun piah loh chuan….. TUNLAI LO, ah kan chhuak mai ang.
A thu hrim ah, kan Saphun sakhua in nghahna Bible meuh pawh hi kan en chuan, hmangaihna thu ngial ngan tak a ziahlan na Hla Thlankhawm a tel miau a….
Piangthar avanga khawvel atang kan in lak hran chuan,… eng tin nge Pathian ram kan din theih ang? Isua Krista ngei pawh Pathian ram din tur in a rawn kal ani a, chu hna chhun zawm tur in ringtute min chah sia, Pathian thu awih lo kan va tam awm em?
Kan thu kal pui dan chik ngun a tul ta………
Piangthar tawhin love song sak a dik lo, sual a ni tih hi chu zu in hi sual a ni tih nen hian a intluk velin ka hria. Zu pawh hi sual a ni lova, mahse a in tuin a in dan leh a in vanga a thiltih avangin sual tirtu a ni thei. Chutiang bawkin love song pawh hi a sa tu sak dan leh a sak avanga a rah chhuah a zir mai mai a ni mai lawm ni?
RD-a, ka sawi fiah daih tawh alawm. A mal chuan love hi hmangaih (ngaizawng nikherlo) tihna a huam tel a, mahse love song hi ram hmangaih te fa emaw nu leh pa hmngaihna te hi love song anti ngailo. In ngaihzawnna hla, nula leh tlangval in hmangaihna(ngaihzawnna) hla hi ani “LOVE SONG” chu. I hriat reng kha.
Mi pakhat sawi ka hriat reng chu ‘nulat tlangval laia hmangaihna la na bik chu Pathian hmangaihna pawh an hre thuk bik e” a tia, a dik duh hmel hlein ka hria. Tin, Love Song sak duh lo rik ngawt hi chhandamna a ni lo. Pathianah piantharna i chan ve leh vawi leh khatah thil tha zawng zawng zawm i tum chuan a tawpah i mualpho hun a awm ang. pathian nena inpawl nuam i tiha, englai pawha i hun zawng zawng hna i thawh lai leh i ei, i in lai pawha in lendun zel hunah mihring Love Song sakna hun i nei thei tawh lo anga, Pathian Love Song chauh sakna hun i nei dawn a ni. mi tam takin kan kal kan chu Pathian nen in pawhna tak tak nei mang si lovin, lan mawi duh vang ringawtin an piangthar dek deka, Love Song ka sa tawh dawn lo an ti leh nghawt thin hi ka nuih pawh an ti za pha lo. Tin, Love Song in an pian tharna a ti dal phah dawna an hria a nih chuan sawi lan kher a tul lo. Miin Love Song i sa dawn em? tia an zawh chuan hunin a la hril ang chu ti mai tur. An chetzia leh an rahah lan hun a awm dawn tho thova, hmalam hun lo sawi vak vak hi a fin thlak ber lo. Love Song sa ho zingah leh sa lo ho zingah pawh Pathian mite an awm tih hriat a tha ang.
thil sawimawi chawp ngai hi chu,eng fate tan chuan khawih loh a him ber.hmangaihna avang chuan awlsam tak in engkim hi a kalsan theih a nia.isua hi i hmangaih tak zet em?meizial emaw,music duk daklo ani emaw.kalsan i duh a i thei nganglo a nih chuan Lalpa hnen ah chakna thar dil mai rawh.engmah tih theih i neih loh kha
Cheeers!!! Lawma Fanai. Ka ngaihdan ve chiah a ni.
Kan Mizo zaithiam zingah Lenglawng, lengzem & ramngaih-hla sa thinte’n, an pianthar avanga, “Pathian hla chauh ka sa tawh dawn”‘ tihho hi he tawngkam an chhakchhuak tih ka hriat a tang an hla thar sak ho reng reng hi ngaithlak ka tum tawh lo hrim hrim.
Pathian fakna hla chauh sa thinte(gospel singers)ho hi chu atantirh atang reng Pathian fakna hla sa an ni a, a tha, zaithiam nazawng, an piangthar tak a vanga, “Love song ka sa tawh dawn lo”, tih hi chu an intihhmuh ve mai mai niin ka hria.
Pathian tan an aw leh an zaithiamnate serh hrangho hi tha ka ti a, mi tih vang a loh tih ve ngawtte hi tul ka ti lo thung. Tin, farisaiho ang a lanmawi tumna hi ka huat zawng a ni a, kan piangthar a ni chuan kan nunah rah chhuah tir mai ila tih hi ka ngaihdan mawlte a ni.
Tin, zaithiamin Pathian fakna hla leh lengzem & lenglawng an sak vang a lo hmuh khaw lo ve ringawt hi keimahni thinlung lam leh kan ngaihdan hi a zim a ni zawk lo maw aw? ka ti deuh.
Yaar,
I chhah thra ve khawp in ka hria.
LOVE hi Mizo trong in “ngaizawng” ah i chhuah vek a ang!!!!
English thumal “Love” hi a chhan lo zirchiang ve la.
A simple ber “God is Love” (Bible a mi) hi tuna ‘Love’ Mizo tronga i hriatdan hian han ‘translate’ chiah teh!!!
“Paingthar tan Love Song sak a thra lo” tih ang chi hi a conservative lutuk in ka hria a, Muslim firfiak ‘Taliban’ ho kan ang lek lek dawna ka hriat avangin ka han sawi ve mai a ni e, kei misual hian. Ka sawisual a awm leh min lo ngaithiam mai teh u.
RD-a love song ve hi chu a mak ve ngawt mai. A nu, a pa, a farnu, a nau hmeichhia-mipa leh a U hmeichhia-mipa te nen pawh an in LOVE(ngaizawng) thin ani ngei ang.
Love Song hi do ngawt chi a ni lo, Pathianin nula leh tlangvalte hi in hmangaih turin min siama, chu kan inhmangaihna thu chu hlain kan chan tir chuan Love Song a ni mai a. A hun leh a hmun kan thliar thiam a ngai ang. Thalai tan chuan thawk khat tuipui hun lai kan nei deuh vek awm e, Love Song hi thihpui khawp hial sual a ni lo ka ti ve duh tlat. Nutling, patling pui pui ten Pathian hla aiin Love Song an buaipui viau chuan thil tha ber a ni lo ka ti ve tlat bawk. Tin, nula tlangval in hmangaihna thu thiamhlim tak ni lo, hla chham zuah zuah, thu mak sak pui pui leh Rock music lam chi hi chu Chirstian tan chuan ngaihthlak loh a him ber ang. Bible ah chuan “a ei miin a ei lo mi sawisel suh se, a ei lo mi pawhin a ei mi sawisel suh se” a tih ang deuhin Love Song sa duh lo chuan a sate hmuh piangthar loh nan hmang lo se, a sate pawhin a sa duh lote sawisel bawk lo se. Pathian in mitin hi mi mawl, mi fing, rethei leh hausa, kan phak ang tawk ang theuhin ro a rel dawna, piangthar step tam tak lo rap tawhte leh a rap tlemte kan khaikhin tur a ni lo. Love Song hi a tha ka tihna nilovin sual a ni lova, piantharna step tam tak kan rah hunah erawh chuan zawi zawiin kalsan hun erawh a mahin a rawn awm mai. Ummm..Kan sawi tak duah chu …..
@Dik’s, “Love song sak avanga piangthar hi ka la hre lo a, chuvangin love song sa lo ka ni…” tia Pi Liandingpuii thukhawchang chu thupuiah nei ta vek ila, zirtirtu, leileh, mistiri, hna hirm hrim, infiamna hrim hrim,adt.. vang hian piangthar an awm hmel si lova, kan vai hian missionary, pastor, evangelist, adt.. kan thawk vek mai dawn em ni? :D
“Love song sak avanga piangthar hi ka la hre lo a, chuvangin love song sa lo ka ni…” tia Zaithiam Pi Liandingpui’n zawhna a chhan kha a fuh tawk viauin ka hria. A ziak tawifel et mai a, chhiar a hahdam ngawt mai.
Ni e,
“LOVE SONG” tih hian a huam thui/tam vio a ang.
Dictionary. com chuan : “Love Song: a song about love or expressing love for another person” tiin a sawi a.
http://en.wikipedia.org/wiki/Love_song : A love song is about falling in love and the happiness it brings.
http://lovesongslyrics.net/ – chuan “Love song lyrics have awide range of love song lyrics, some of the categories are R&B, Pop, Country and more.. a ti a.
Isua Krista’n min hmangaihna (Pathian Hmangaihna) hi hla a an siam chuan “LOVE SONG” tho a nihzia chu a hnuaia link ah hian an ziak chiang khawp mai.
http://www.one-way.org/lovesong/: In the early 70′s, during the beginnings of what became known as the “Jesus Movement,” a group of young, long-haired, bearded musicians, desiring to express their new-found faith in Jesus Christ through music, formed a band called Love Song. Using a mixture of folk, rock, pop, and country, Love Song’s music was entirely new and unique for the Christian music world…..
“Piangthar” tih leh “Love Song” tih hi kan tehdan leh hrilhfiah dan a inang lo thei vio in a lang e.
i LOVE SONG te duah chu. Ram ngaih hla hi love song anti thin emni? Nu leh pa ten an fa duh ngawih ngawih an hmangaihna hi love song an ti ngai em? Love tih thumal leh song tih thumal hi a hran ve ve in i ‘translate’ chuan hmangaihna hla (eng hmangaihna pawh a huam ang; mahse sap (English) tawng a love-song tih awmzia chu i hriat reng kha.
‘Vulmawi’ hla pakhat, Siama phuah/sak “Chun leh Zua” tih te kha ‘LOVE SONG’ ah chuan a mawi ka ti in a ropui ka ti hle mai. Ka lei pathian ‘Nu leh Pa’ hmangaihna (LOVE) kha thiam tak leh mawi takin a han phuah ani a, piangthar inti mai nilo, pastor-te pawh in sa ve reng se ka ti a!!!!!
Pu Rokunga phuah “Aw tlawmngaihna hlu” tihte pawh kha Mizo ten kan hnam nun mawi ‘Tlawmngaihna’ kan chhawmnun a trulzia min zirtirna a ni a, LOVE SONG mawi tak a nia, thilthra titura chhandam ni tawh piangthar inti te chuan a sak chi ngawihngawih in ka hria.
Dr. Tawna phuah “Rih Lipui” tih hla pawh khi, Pathian min pek kan tlang leh ram mawizia thiam tak maia phuah a ni a, LOVE SONG mawi tak niin ka hria.
Piangthar tih hi kan defination a inang thin lova buaithlak ve tak chu a ni. Thenkhatte chuan pianthar kan tih chu “tih dan thlak thleng vel mai mai te” hi kan hmu piangthar ta viau thin. Lengzem hla sa thinin kan piangthara Chanchin tha hla lo chu ka sa thei tawh lo a tih chuan kan lo ngaisang vel chiam thin a. An nun kawng dangah an piantharna engmah a lang leh chuang si lova mak ve tak a ni. Tirhkoh Paula anga ban tlang tur leh nupui/pasal nei tum lote chuan Love Song kan tih Lengzem hla hi sa duh ve miah lo mahse ka dem lo ve.
He thu hi chu ka pawm zawng a ni hauh lo mai. Ka ngaihdan kan sawi ve mai mai. Mihring kan inan loh ang bawkin kan ngaihdan pawh a inang lova, ngaihdan chu hrang hrang a awm ngei ang a, ka ngaihdan hi a dikber e ka ti hran lo.
Mihring kan nih chhung chu, tui zawng, ngainat zawng leh eibarzawnna te hi kan nei theuh awm e. Kan pianthar avanga, Zaithiam/zaimi-in an eizawnan a lo hman thin Love song saa a eizawnna thin chu, Pathian hla chauh a eizawn a tum chuan a market chu zim sawt hle a rinawm.
Zaimite/zaithiamte an pianthar a vanga love song sa tawh lova Pathian hla sa tura kan beisei chuan, mistiriin In, sikul,adt.. sa thin pawh an pianthar hnu chuan Biak- In chauh sa turin kan beisei ve dawn lawm ni? Zirtirtu tang thin pawh an pianthar hnuchuan Bible zirtirtu, Sunday Sikul zirtirtu chauh tang thin tawh se a tha ang chu. Dawrkaia eizawngho pawh an pianthar hnu chuan Kohhran dawr emaw, Book room emaw nghak kher turin kan phut ve dawn em ni?
Kan tuizawng infiamna lam chite hi kan pianthar avang a thlahthlam mai lovin, Pathian ropuina tih lannan an hman theih a, Christian mi chhuanawm tam tak infiamna lama khawvel langphate pawn Pathian ropuina tih lannan an hmang a. Chutiang bawk chuan zai lama tuimi.zaithiamte pawh khawvel hmingthang chin love song saho pawn khawvelah hriat an hlawh a entu leh ngaithlatu an ngaha chutiang hunah chuan Pathian hla an rawn sak hian Pathian fakna chu Christian ni ve lote leh la piangthar lote pawn an lo ngaithla a rawngbawlna zau takah a lo chang thei a ni. Keini Mizo zaithiamte pawh hi han en ila, Love song sa thin ho an han piangthara Pathian hla chauh ka sa tawh dawn lo ti ho te hi zawi zawiin an chuai tual tual zel a nih hi. Love song sak hunah love song an sa ang a, Pathian hla sak a tulna hmunah Pathian hla an sa ang a, keini lo sawisel ve sek hi tulin ka hre lo. Anmahni leh Pathian inkar kha a pawimawh zawk a, chitiang bawkin nangmah leh Pathian inkar kha a pawimawh a, kan thinglung hi a ni PATHIANIN A DUH NI.
Rawngbawlna, eizawnna leh kan tuizawng(Hobby)te hi thliarhran thiam a tha, a pa-3 hian dik tak leh fel taka kalpuiin Pathian duh zawnga nun hi a theih tho a ni.
Zaimite/zaithiamte Pathian fakna hla chauh sa tur a kan duh a, Pathian hla leh love song sate kan ngai khawlo a nih chuan, a nihleh piangthar intite hian kan ka atang Pathian duh zawng chauh kan sawi thin em? Kan thinglungah sual tel miah lo Pathian duh zawng chauh kan ngaihtuah thin em? Kan awmin ka ring hauh lo, khawvela awm kan ni a, khawvel thil nen hian kan indaidan tak tak thei lo, taksaa nung kan la ni tlat a ni. Nakinah Vanah chuan kan famkim tawh ngei ang a, leia kan awm chhung hi chuan kan famkim thei lo a ni tih hria i la, kan duhdana mi an awm loh vang a lo hmuh khaw lo mai lovin an rah chhuak zawk hi en i la, zau zawkin rilru pawh pu ila, keini Zofa Kristiante hi hma kan sawn zawk ka va ring e.
“GOD IS LOVE” tih a ni a, Kan Pathianin Bible ah pakhat leh pakhat in “LOVE” turin min hrilh/zirtir.
“LOVE SONG” han tih mai hian a huam tam vio anga, Kristian Hlabu pumpui deuh thaw hi Pathian “LOVE SONG” a ni a, “Kan Zo Tlang Ram Nuam Hi Chhawrpial Run I Iange” tih hla te hi Ram “LOVE SONG” a ni ngei in ka hria.
Love song zinga ka duh ber pakhat chu “Isuan min hmangaih ka hria, Bible in min hrilh si a” tih hi a ni a, ka fapa kum 3 mi nen kan sadun fo.