By: F. Lalrammawia, Tahan-Pyinkhone Lay
Pa tih ringawt 
hi hawrawp pahnih inbelhbawm chauh mah nise nihna sang tak a nei nghal nawlh. Pathianin lei leh van a siam, thil zawng zawng hi Ama siam, A siam loh a awm lo. Chung zawng zawng enkawla awp tura mihring a siam hmasat ber chu Mipa a ni. Mihring zawng zawngte PA Adama kan ti a. Pa kan tih ber nia lang chu nupui fanau nei tawh chin hi an ni awm e. Pa nih mai chu thil harsa lo tak a ni. Nupui han neiha fa han neih mai hian Pa chu kan ni ta mai a. Kan fate pawhin “Ka Pa†min ti. Nu ber pawhin “I Paâ€, kan Pa tih hming chungnung min pe. A dik phawt.
“Patling†nih erawh awlai lo tak a ni thung. Kan tlawmtlak tawngkam lar takah-“Pa theuh theuh, Buhfai no khat ei theuh theu†kan ti fo. Pa theuh theuh hi kan inang lo. Phak loh leh tluk hlawl loh kan ngah. Patling in ti theuh karah kan thiam a inchen lo thluah. Kan tih theih a tam hlei. Kan hmuh leh hriat chin lam hlam chen chein a inthlau, Tehna key atanga patling ni hlawl loten “Patling†an inti ve fo mai. An zak si lo. Patling tak nia lang hmuh tur an awm zauh zauh. Patling lo fe fe hmuh tur erawh chhiar sen loh. Nu ber tana rinchhan tlak loh, thlanmuanna tlak thawt loh, chhungkaw harsatna su kiang thei hlawl lo inti-Patling ve ringawt hi engzat tak awm ang imaw? Fate tana Pa rinawm nih tling lo, fate kaihruaitu ni lova ti beidawngtu Pa, patlinga inngai kan va tam em!!!
Aw.. chhiartu: Keima tehna key mai a nia ka sawi. I tehna key hmang ve rawh. Patling tih hi engang mite nge ni le? Nupui nei, fa nei duah, chhungkua din ve, mahni chhungkuaa Pa dinhmun sang tak hauh ve bur, chhungkaw innghahna tlak tling hauh si lo chu a nupui fanaute tan Pa ani ve ringawt. “Pa†kan nia lawm le, tia tawng thum char char fote hi patlingah kan ngai thei dawn em ni? Patling ni lova ka ngaih vete chanchin, sawi tul lo lo ka sawi ta duah a. Ka thupui ka hloh hman thelh a ni. Min ngaidam phawt mai teh.
Ka thupui zawk chu “Patling†tih a ni lawmni kha? Mahni phak tawk leh ka mawl ang angin Patling tehna key chu ka nei ve a lom. Nupui fanau nei duah a piang te hi Patling tih tlak an ni mai lo. Tlangval, nupui la nei lo pawh Patling tih mai loh theih loh an awm thei bawk. Patling ka lo tih ve thin chu maw…..
A nupui tan: Evi’n a pasal Adama a thlem thluk mai theih ang ni lo, mahni nupuite awmdan, tawngkam, thiltih, a tha emaw tha lo emaw hre fuh chat chat thei chu Patling ka ti. Adama khan a hre lawk lo em ni? Evi’n Pathian phal reng reng loh a chhia leh a tha hriatna thing rah a lo ei fel hman der. Adama khan a nupui Evi thil tha lo tih a khap lo. Chutiang Pa chu tunah kan awm em? Hminglamin “AWM LO†tih zel tur ni sela, Nupuite awmdan hre lo lutuk leh tihdera hruai kawi dur dur theih a piangte chuan “AWM” ti rawh u. He hming lamnah hian “AWM†ti nge tam ang a, “Ngawi Hmak?â€
Pastor pakhat chuan hetin min hrilh: “Mawia, nupuite awi theih khawpa thuswi hi har tak a ni,†a ti. Pastor Patling lo hul hualah ka ngai. Patling ngat chu maw—A nupuuiin a rinchhan tak tak a nia. A nupuiin a pasal chu an chhungkaw tan rinchhan tlakah a ngai hmiah. In leh lo dinna chungchangah, fanau enkawlna chungchangah, sum leh pai, ei leh bar ngaihtuahna chungchangah patling ngat chu a nupuiin a rinchhan tak tak. A nupuiin fing a ti. Fel a ti. Thil ti thei a ti. A hre tak tak, a thiam tak tak. Innghahna tlak, pasal thu anga tih chu dik leh tha ngei ngei niin a hria. A nupuiin a pasal rawn lova thiltih chu tih sual palh a hlau, a pasal a rawn erawh chuan ti dik tur leh ti tha turah a inngai tlat. A pasal chu patling tak tak niin a hria.
A pasal Patling tak chu a nupuiin a mitmei a veng dek chu a ni lo. A hlau pawh a ni hek lo. A zah thiam chawp pawh nilovin a zah tlat. A pasal Patling takah chuan a rilru leh nun a innghat thlap. A nupuiin a pasal thu lova thiltih reng reng duh lovin pasal chu Patling a lo ni duh khawp mai.
Mahni nupuite awm ang anga en liam, thaa neih mai mai te, an tuizawng leh duh zawng, a sawi tlawr lam a piang pawmsak thluam Pa chu Patling a ni duh lo viau. A nupuiin rinchhan tlakah a ngai tak tak ngai lo. Pa, a nupui kaihruai thei leh thiam, a nupuiin a pasal thu chu dik leh tha, tling tia a innghah ngam thlap phawt chuan patling aia hnuai deuh chauh niin a hmu mai thin.
“A mipat pui te, pa nih tling ni thei theuh tura duhsak tak leh kawng tha tak khawhhmuh tum tlattu, Pu F. Lalrammawia hi Kawlram zofate zinga lehkha lama sulhnu nei hraw ber zinga mi a ni”.
He thuziak hi, Hruaitu Arsi, Vol. 1, No. 2, 2004 atanga purchawk a ni. Thlalak hrilhfiahna: Tv. K. Lalrammawia & Nl. Lalnunnghaki. Ed.
