Nulain a bialpa tana hriat a duhte

By: Puibawiha, ZOIN-Editor,
Min hrethiamtute bula awm hi tute pawhin nuam kan ti a. Mi dangte kan beisei ang leh duh anga an awm lohvin hriatthiam har tih chang nei thin mah ila, kan bialpate emaw kan bialnute emaw, chhungte leh thian thate hi chuan kan chak lohna lai te, tlin lohna te hi min hmuhsit phah nan hmang lovin min hriatthiampui zel sela kan duh thin. Chutiang chuan kan hmangaih leh duh takte chungah hian phutna leh beiseina pawh kan nei sang em em thin a. Nula pakhat chuan, a hmangaih leh a duh tak, a bialpa lo hriat atana a duh em em thu thenkhat chu hetiang hian a ziak a.

Hmangaih leh duh tak, he’ng ka thuziakte hi uluk takin min chhiar sak la, i thinlung chhungah vawng reng ang che aw!!!
Tin, he’ng ka thu ziak i chhanletna hi hmuh ka chak ber fo a ni tih hi theihnghilh lo la, min tiriang lul suh ang che. Chhiar la, i chhiar nawn lehthin dawn a nia aw tiin.
1. Nula dang hmel tha zawk leh zei zawk leh fel zawk i ti a nih pawhin min hrilh duh suh.
2. Tlem te chauhvin i thikthu chu chhia sela, a hlei a hluatin min ta hauh bur suh ang che.
3. Ka ngaihtuah reng thin che.
4. I tlai chu phal a nih loh laiin, kei (hmeichhia) erawh min phal sak la.
5. Hman lo chung chung pawha phone-in emaw, i remchan anganga min rawn biakpawh hi ka lawmna a ni.

6. Hmeichhia zawkina nghah ngai rengin awm lo la.
7. I hnathawhna hmunah te hian nui thin ang che.
8. Rilru dik leh nun nem hi hmeichhe awm nem zawkte hian kan ngaina em em a sin.
9. Hmeichhia chu lo tawng tam deuh mahse tawng tam ve kher lo la aw.
10. I hlawhtling dawn lo tiin a hnual zawngin min tawng khum loh hram ka beisei em em a ni.

11. I farnute chungah tlangvalin hetiang hian tise i duh a ngem tih ngaihtuah chungin ka tan i hun hmang thin la, ka phut sang lutuk em aw… Duhlai.
12. Thuhnuairawlh taka i zawhna zawng zawng chu thu hnuairawlh tak bawka chhanlet a ni ang.
13. Nulate hian thawmhnaw leh pheikhawkah duh tawk kan nei lo. Sawi nuam chiah lo mahse i lo hriat atan ka duh bawk si.
14. Khawihmunah pawh nise ka tan inhawng reng ang che. A harsa i ti viau ang em? Mahse i lo hriat ngei ka duh bawk si, ka hmangaiha chu ka ta ni sela, keipawh a ta ka ni si a.
15. Ka thiltih te takte pawh min hriatpui hian ka tan chu chu “a ber” a lo nih phah thin.

16. Kan inhmuh hmain i ha nawt fai hmasa thin ang che.
17. In inah leng tura min sawm dawn a nih chuan lo tithianghlimin lo cheimawi thin la.
18. Ka rilru i tihnat chang pawhin ka nihna zawng zawng nen ka la hmangaih reng che, tih hi ringhlel lo la.
19. I thiante rilru tina suh.
20. Thuro anga nun nem leh ti ka nih a vangin rum tak chuan min melh lo la, seih min hlan zawk ang che.

21. I sam hi uluk takin vawng thin la.
22. Ka nu leh pa, ka chhungte aipawha ka la rinchhan zawk tur i ni tih hi min hriatpui reng ang che aw.
23. Ngawirenga i mi zilhna chu hmeichhe thinlung chuan a ngaihtuah let rauh rauh thin.
24. Ka ti ve thiam lo tih ngawt ai chuan tumchhinna mawl mang tak nena beitu tlangvalte hi nulate hian kan ngaisang zawk.
25. I rilru tak zeta i sawi a nih loh chuan hmangaihna anka der mai chu min hlan lo la.

26. Thil reng reng hi hriatchhuah hun a awm chawk.
27. Ka zawhna chu mawlmang tak pawh nise tawngkam khat lek tala i chhan loh chuan ka thin a rim thin.
28. Nula nimah ila, i bulah chuan naupang chhia ang maia lan chang ka nei thin.
29. Bazarnaah ka bula lo ding ve mai mai tur pawhin min kalpui hreh lo la.
30. A hun taka i fakna leh comment-na hi ka tan a thlum.

31. Hmeichhia chu thiante nen kan awm hovin engkim kan sawi thin. A awmzia chu ka thian tha tak takte hian i chanchin hi an hre ve vek zel a ni.
32. Ka chhungte nel taka i kawm hian; kan chhungte lakah ka ngaih a ngam phah huai huai thin.
33. Present man tlawmte pawh nise min pek hian ka hlim thin.
34. I mi duhthiamna leh duatna hi ka thlakhlelh ber a ni fo.
Hmangaihna duhawm ber ka hlan a che.

Thulakna: www.CZZ.info