Tun hnaia Aizawla rawng taka an thah tak Nula Nubawihi ruang chu an khaw lamah hawnpui a ni. Aizawl zarkawta Pu JC. Malsawma te awmpui kan Chin nula Nubawihi ruang chu Aizawl Civil Hospitalah post mortem a nih hnuin, a ruang chu vawiin June 12 khan an khaw lam (Falam)-ah thawn a ni a. Champhai atanga a ruang phurna tur hian taxi ruahman a ni a. “A ruang lakna atan hian Rs. 15,000 lai khawn ngah a ni” tiin Mr. Sui Thawn, Aizawl chuan a sawi. Tin, Lai Christian Fellowship (Falam), Aizawl member atangin a ruang hi tlawmngai mi 6 laiin an zui a ni. YMA Zarkawt Block-in a kuang an siamsak niin an sawi bawk.
Nl. Nubawihi hi Aizawlah kum 3 lai mi inah awmin a inhlawh a. A pa boral hnuah phei chuan hetia a inhlawhna atang hian a nu hi a chawm a ni. He tualthahna rapthlak tak avang hian Aizawla Burma mi, mi ina inhlawhte chu an raltit phah hle a ni tiin Miss Cheery Zahau, Coordinator of Women’s League of Chinland chuan a sawi.
By. Puibawiha,
Zofate Issue Chief Correspondent
Source: zoram.org
Enge a thih chhan ni ang???
Hria kan awm em aw???