
Naupang rawngbawlna (children ministry) hi tlangmi Kohhrante zingah hlamchhiah a hlawh rei hle a, tun thleng hian kohhran thenkhat chuan
an la ngaipawimawh lem lo. Hmun danga naupang chu sawi loh, mahni kohhran chhung ngeia naupangte pawh kanl a ngaihsak thiam meuh lo niin a lang.
Hetianga kan ngaihthahna chhan bulpui ni theia lang chu naupangte hi puitlingte anga kan dah pawimawh tawk loh vang te, Chanchin Tha hrilnaa kan thiltum ber thlarau bo chhan chhuah hnaah hian naupangte aia puitlingte kan ngaihpawimawh zawk vang te niin a lang.
Bible zirtirna atanga thlir chuan naupangte thlarau leh puitlingte thlarau hi a inhlut hleih hran lo va, naupangte pawhin puitlingte thlarau ang chiah an nei ve a ni. Naupangte mamawh tihsak hi puitlingte mamawh tihsak aiin hun leh sum a hautak lo zawk a, kan duhna hmuna koh khawm thu-ah pawh puitling kohkhawm aiin naupang hip khawm a awlsam zawk fe bawk. Puitling chuan thil a hriatthiam hnu-ah chauh thutlukna a siam a, naupang erawh chuan a hriatthiam hmain a takin a nun chilh thei tlat a ni.
Ram hrang hrangah naupangte tana rawngbawlna hmanga Chanchin Tha hril hna beihpuithlaktu pawl an awm nuk tawh a, sakhaw dang bia naupang thahnem tak Krista hnenah an hruaihaw mek a ni. An taksa mamawh thil hmang te, intihhlimna hote tete, infiamna leh naupangte phur zawng thil hrang hranghmangtein rawng an bawl a, an hlawhtling hle zel a ni. Kan naupangte hi Pathian thua nghet turin buatsaih hmasa ila, naupangte hnena Chanchin Tha hril hlawkzia hre turin a takin luhchilh ila. Tichuan, kohhran hian kan Lal Isua thupek a tihlawhtling zel dawn a ni.


A va lawmawm ve. Naupangte hi hmangaihna dik tak nen, an tana hna thawhin awmzia a neih thukzia hriatna nen chuan an tana rawngbawlsak dan kan thiam lo zel thin. Lehkha chhiar leh training kai tam pawh a pawimawh hle.
Kei pawh kan local churhah children ministry leader ka ni a,naupang kaihhruai dan leh hlimawm leh hlawk zawka rawng an bawl theih nan thurawn min pe zel teh u. ka mamawh tak zet ani.