By: J.D. Thanga, Tahan
Nau hmeh thlak chungchangah ngaihdan leh pawmdan hrang hrang a awm. Mi thenkhatin an pawm a, mi thenkhat chuan an pawm lo. Ringtute zingah pawh kohhran emaw, mimal azirin emaw, pawmdan a inang lo vang. Ngun taka ngaihtuah ngai, thu pawimawh tak a ni. Chuvangin, keini Kristiante hian engtinnge kan pawm ang? tiin Bible thu tanchhanin heti hian i ngaihtuah ang u.
I Samuela 4:19 thu kan enin Phinehasa nupui chuan nau a vei a, na a ti hle tih kan hmu. Hmeichhe thenkhat chuan nau vei na tawrh peih lovin nau hmeh thlak an chin phah ta a ni. Hei hi, Pathianin mihring a siam chhan leh a thiltih tum nen an inmil lo vang. “Khawvel luah khat rawh u,” tih a ni si a (Gen 1:28). Pathian thupek tihhlawhtlin a tum ang hian hmeichhia hian nauvei na tawrh hi an huam tur a ni.
Genesis 3:16 thu en leh ta ila, thlahtu bulten Pathian thu an bawhchhiat hnu khan hmeichhe hnenah, “I hrehawmna leh i nau paina chu nasa takin ka tipung ang a, hrehawm takin fa i hring thin ang,” tiin Pathianin thu a pe. Chi inthlah pung turin mipaah leh hmeichhiaah a siam (Gen 1:27). Khawvel luah khattir a tum leh
chi inthlahpuntir a tum kha bawhchhiatna sual avangin Pathianin a tidanglam lo; nauhrinna na erawh an tuar ang. Hei hi hmeichhe tana Pathian anchhia a ni.
Mipa chi nung (sperm) leh hmeichhe tui (ovum) an intawh fuh chiah hian hmeichhia chuan nau a pai a, mihring la ni lo mahse mi nung a ni tawh. “Tisa nunna chu thisenah a awm” (Lev 17:11). Nu chhula nau a insiam atang hian nunna an nei tawh. Chu chu a thanglian zel a, thla 4 vel an nih chuan aw an nei thei. Pawn lam atanga ri hriat theihna pawh an nei tawh tih a ni. Hrin hun pangngaia a hrin a, nausen a lo chhuah chauh hian mihring a ni lo, nu pum chhunga a awm lai atangin thisen a nei a, nu chaw tha ei kha lai hrui atangin a lut a, a taksaah thisen a insiam tawh a ni. Nunna nei a ni.
Tuilet hnuah pawh khawvel luah khat tur thupek hi Pathianin a sut lo. Chu chauh ni lovin, thisen chhuah a awih lo, phuba lak tur tih a belhchhah zawk a ni (Gen 9:1-7). Ram changkang thenkhatah chuan nau neih duh si, nau hrin peih loh avangin naupang ruk ching an awm phah tih a awm.Thisen hi Pathian tan a hlu. Ran thisen chu inthawina atan a ni a, Mihring thisen chu a nunna a ni. Nau an hmeh thlak hian nausen nunna an la a ni a, nupa lungruala tih a nih pawhin Pathian hmaah chhuanlam siam tur an nei lo vang. Thiam an chang dawn lo, tualthat an ni si a.
A tawpna atan Sam 127:3 thu hi en leh tai la. “Fanaute hi Lalpa laka rochhun an ni a, rila rah hi a lawmman min pek a ni,” tih kan hmu ang. Kan rochan atana min pek a ni a, nu leh pate lawmman a ni. Ro chan leh lawmman duh lova hmeh thlak hian Pathian rilru a ti na hle lovang maw? Miin lawmman 8 min pek hi dawng duh lovin; nu leh paten rochan min pek hi la duh ta lo ila, eng tlukin nge an rilru a nat dawn? Pathian rilru tihnat chu mahni tan a pawi a ni (Gen 6:5-7). Johana chuan, “Tualthattu tumah chatuanna nunna pai reng reng an awm lo,” tih min hrilh (1 Joh 3:13). Pum chhunga nausen, nunna nei tawh, hmeh thlak hi Bible chuan tualthat ziangah a chhiar tel a ni lawm ni?
thulakna: EMC palai Vol. 6 No. 77 October 2009
Thianpa bawihtetea chu eng NGO ah nge i thawh a? Nia ti rawh i sawi chu a dik khawp mei. Chu nau chu rawn piang mahse a pa khawiber nge ni ang tih kha a hre awm si lo va, a khawngaih thlak awm dawn khawp mei. Mahse tual that chu kan Bible nen a in mil lo chu ania le, Bible ziah hun lai khan he tih ang social problem hi a lo awm lo em ni ang tih ka ngaihtuah reuh reuh a mahse sual tin reng hi a lo kim ve tawh tho a ang bawk si a. Chu karen nu chu a khawingaih thlak awm teh e. Tlawmngai-in a nau neih thleng lo enkawl u la, a naute pawh chu nu leh pa nei lo naupang chawmna ah in lo dah sah theih hram hram ka va bei sei tak em. Ramsa pawh in mahni note chu an ke a an din theih thleng in responsibility lak na chang an hria a, aw mihring sual dan hi a rapthlak tawh ni hi maw. 2012 chu mi sawi ang in khawvel te a chhe mei tawh lawng maw tih te ka hnget ta sawt mei, chhan chu mihring sualna hi a nasa tawh em mei.
Chuan thianpa Bushworshiper, Bush administration chu i lo ngaisang top ani maw, nau hmehthlak chung chang ah erawh chuan conservative taka a veiw point hi ka pawm pui ve tho mei. Hmehthlak theih bawk tura exception a siam pawh hi a tha. Mahse Bush-a leh a republican party an arrogant dan hi chu tha ka tih chiah lo. A chhan chu a ni hian eng legacy vak mah anei lo va term hnih lal si in, a neih a chu: humiliation of war on Iraq leh Afghanistan, leh federal reserve deficit sangber a han thlen tir a vang hian kei chuan ka lo worship thei chiah lo va. Demoratic ho in min lo hminzan pawh ani lo.
nikhat chu karen naupang kum 13 mi, rualban lo te hi kan center ah a rawn kal a. Van duai thlak tak in a lo rai pek a! Naute pa tunge tia, rei fe kan chhui hnu chuan Rail Station a duty thin Police leh Sipai lubawk leh Phungki ho vin an lo mutpui thrin ni in! Rualban lo a ni bawk si, kum 13 chauh a ni bawk si! a buai thlak duh khawp mai….chuvang in
Sam 127:3 thu “Fanaute hi Lalpa laka rochhun an ni a, rila rah hi a lawmman min pek a ni,” hi kei ni NGOs thawk tu te chuan kan pawm lo!
Tin, (1 Joh 3:13).“Tualthattu tumah chatuanna nunna pai reng reng an awm lo,” hi kan pawm lo bawk! Kan dinhmun leh kan enkawl ho naupang dinhmun atang chuan………
ka ti leh tho tho dawn, vawi 5 na, ka comment a lang thei lova…..
Nau hmeh thlak hi tawng huat theih leh, tual that a ngaih theih a ni in ka hre lo!
Child Protection a ka thawh lai in, kawng sir naupang ho kan enkawl a. Kawngsir a khawsa an nih ang in pawngsual an tawk nasa em em a, kum 10 chunglam hi chu an ni deuhvek ti ila a sual lo vang…..
Nau hmehthlak hi Bush 43 leh a pawlte chuan kan do chiang khawp mai, mahse pawngsual vanga pai emaw a paitu nunna hlauhthawnawm a nih chuan kan phal sak. Unau inpai tir (?) incest vanga pai a nih pawhin ngaihhnathiamna kan nei bawk. RCM hian keini aiin an khap chhah zawk in ka hria.
tual that in tam hmel..loz nau ti thla pa khat sawi ka hriat chuan ‘hnam dang pa sal ah ka nei a, ka pasal a that chhe sia ka chawm theih lo ka lau a a rukin ka ti tla a ti, tual that ah a in ngai chuang lo ni awm tak, nge nau tih tlak hi tual that a ni tih a hre lo zawk niaNG. In heading siam ringwat ka siar pawhin ka hlau.
:D