By; CT Vunga, Maryland
Dan tlaktlai lo leh mawl tak, mahse ni tina ka hman ve fo thin chu “ka ngaihve dan” hi a ni a. Ka hriat leh hmuh phak tawk tawngchham tak hmang hian tehna ki ka lo siam ve thuai thuai thin hi ka buaina chu a ni. Khawtlai tawh takah thu mu hnu kai tho lehin antam tumtel tlak thingin zut vel mai mai teh ang.
Mizoram Youth Icon MSi chungchangah hian mifing zawkte an ngawih mai mai laiin mi a ten kan kam kan veng zo leh dawn lo a nih ni. Youth Icon atana thlan anih lai a, MSi zai thiamzia leh a hmelah pawh Van ram lam hmel a a duhawm zia khan Mizo khawvel min deng chhuak hle a, chuvangin Youth Icon nih pawh phu hliah hlilahin a inhmeh a. Mi tute pawhin i-he lovin kha chawimawina parthi kha a tan kan hlan theuh a ni. Amaherawhchu hun inher liam fe tawh hnuah kha chawimawina parthi kan phihthlak sak leh ta mai erawh kha chu lung a kim thei meuh lo a ni.
Kan chenna Khawvel hi leilung ngawt anih lai leh tun inkar hi Mizo pa hlama teh chhuah zawh rual a ni si lo. Same sex-ten “tiam tlat e” an tih theih tawhna dan atang chuan saruak thla leh inpawl lai thla hi a mak hran tawh lova, Mawngkaw hur pawh Pastor atana an nemhngehna ram atang chuan Hmeichhe Pastor neih leh Upa atana Hmeichhe thlan chu thil mak a ni nahek lo. AIDS, Sars leh Cancer natna te a lo chhuah tawhna khawvelah hian Malaria PF avang chuan lu inhloh kan awm tawh lo chu a nih hi. Tin, chutiang deuh zel chuan kan Mizo putar ho ten an vanglai a an Nula theih hnem dan an insawisiakna Mizo khawvel tan pawh hian tun tuma kan thil tawn pawh hi thil mak a ni hran lo.
Nulain a hmangih tak tana a inhlan hi amahah zalenna a nei a ni. Chu kan zalenna hmang theuh chuan a ni nupui pasal kan inneiha chhugkua kan din theih ni. MSi hian mi tih loh ti bik kan an tir a ni. Youth Icon inthlanna ropui leh hlu tak mai hi kei ang duang lo sep rawtui ve chiam phak chu a ni lo tih ka inhre ngei mai a. Chuvangin hetianga mi bikte inthlanna leh inchawimawina ropui tak hi hnampui nunzia a ni a, tun aia nasa zawk pawh a la uar sauh tur a ni tih pawh hi sawi loh law law tur nge ni ang?
Youth Icon lawmman hian a dawngtu zawm tur engang dante nge a kentel ni ang tih zawhna hi lian takin keimahah a awm a. Youth Icon-te hian kan dan zam an tlin loh huna kan phih thlak sak lehzel dawn chuan inchawimawina hlu tak anih rualin mualphona thang valh ang lek kan chantir mai a ni ang em? MSi sex video a lo tlangthan tan lai khan Youth Icon hlantu zahawm takte khan amah MSi biang ngei biain thil awmzia zawt chiang ta sela. Mizoram Youth Icon meuh ama mimal nunah thuk taka inrawlha tih mualpho tumtute chu dap chhuakin an chungah thiamlohna rit tak phurh tir ni zawk sela chuan hetiang mualphona hi a thleng lo ang a, Youth Icon nih hi thil thlakhlelh awm tak a nih zel a rinawm.
Ka sawi tum loh ka sawi ta phawng phawng a. Ka sawi tum tak zawk chu Mizoram sukthlek hi khawvel hmun hrang hrang a Mizote hian kan lo sukpui-in kan lo thlekpui ve bawk bawk lo thei thin si lo a. Lehkha thiam ram nih leh politics bawlhhlawh ram nihin hming kan chher a, Kristian Ram zaah za nih leh eiruk hluar ram nih kan hlawh tlang thei si hi, kan lunghlu mawi tak tak te hi vawng him zelin Aw Mizoram i pheichheh vengin chik fo thin teh.
He thil tak hi in han sawi takah chuan ti hian ka ngaihtuah mai mai a. MSi bialpa hi makpa atan an duh lo ang a, an fanu a chinlet theih zia mipui hmaah a vawrh a ni ber mai lawng maw? MSI ICon nihna an hlihsak hi thil tih awmah ka ngai. A chhan chu dan leh dun awmsa herreng chunga tawnbaw palh a ni miau a, a tawn ve tur reng a ni. MSi pawh hian hetiangin an apple eidunlai vedio hi tlangzarh a ni ang tih hre bik hek lo le. Aengapawhnise, an innei lehngei hian engkim a chingfel vek a ni mai lawm ni. Vunga i ngaihdan hi a hahdam e, i ti tha lutuk.
Kei pawh, jealous kind tih takah, hetiang lam hi ka sawi leh chhiar nuam tih zawng a ni hauh lo. Ms-i pawh ka thiam bik lo. A thehdarh mualphotute rilru hniamzia ka hmuh hian ka thiam lo mai a ni lo, ka ngainep hlawm a ni ber e. Sawi tawh lo mai ang.
Sawi tam tawh su.. in sawi tam a vangin a nihna a reh chuang lo.Heng thu hi zoin ah hian tarlan tawh lo ni se reh vangvang se a tha ber…
A ti chhuaktu chhuichhuaha hrem ngei turah ka ngai.
Nikum khan Hongkong film star&singer lar tak Edison Chan-a leh Hongkong actress lar tak tak pa 6 khumlaizawla an nuam tawl thlalak za tam tak internet-ah a darh a. Hongkong police chuan Interpol meuh ruaiin a chhui a, Edison Chan-a computer (laptop) siamtu technicine chu a theh darhtu a ni tih hmu chhuakin Hongkong court chuan thla 8 leh a chanve lungin tang turin a chhungthu a rel nghe nghe a ni.
Hongkong Actress te hian chung photo te chu hre reng chunga in lak tir nimah se, an duh thu nilova thehdarh a nihnaah lainat an hlawh em em zawk a ni.
MSI, Sex-vedio hi a lar hle a, kum in March 5 khan Zawlkhawpui lamah ka thlenchhoh ve tum ania, kha mi hun reilo te khan a lo darh ta chuai ani. Ka chamchhung March thla kha chuan mi tin hian an Mobile ah an nei emaw tih tawh tur khawp in a pung hluar hle anih kha. Kawnglehlam ah chuan a Bialpa bak lo kha chuan tu man an Lickout tir mai mai lawnge. Hremtur chu nise a Bialpa kha hremhmasak ber tur chu ani nge ang. Icon an hlih thlaksak kha kawngleh lamah chuan awm ve hliah hliah chuan kei ka lo ngai ve mitam tak in ui hlemah i la na kin huna thangthar zawkte tan fimkhurna pakhat ani nge in alang.
A pumin i sawi tum i sawi thelh duai. kha pawh kha a pawi. I ang a ni ber maiin a lang. I rilru-a awm kha kan hmu ve thei lova, Zokhawthara kan awm lai khan titi a awm nan, ka hre zui tawh lo. Mizoram-in a mamawh ber chu rilru zau, thlirna zau leh international ningkhawng hre pha, intifing lo, a taka fing a ni. Anihna leh i hmuh dan dik tak kha sawi kual duah lo khan a bul ret atangin sawi nghal mai la, a fiah mai tur. Enge a thu bul bal hre ve lo tan chuan kan buai telh telh alom le..