Mizoram-in Burma mi 100 Rual Haw Turin Ti
Published on: Jun 21st, 2009 | Posted by: zoin | 212 views
Aizawl: Burma chanchinthar ziahna website lar tak Mizzima News chuan Mizorama Burma mi 100 rual zette chu ni 15 chhunga Mizoram chhuahsan tura tih an nih thu a tarlang.
Mizoram orders Burmese to leave in 15 days tih thupui hmang hian Nem Davies chuan he chanchinthar hi New Delhi atangin a rawn ziak a, “Mizoram police-te chuan Inrinni kalta khan Burma mi 100 chuang zet an man a, Aizawl-ah court-ah an hruai a, cheng 500 chawitir niin ni 15 chhunga Mizoram chhuahsan turin an ti,” tiin an ziak.
Mizzima tarlan dan chuan police hnenah hruai an ni a, puantahtu pakhat chuan lock-up-ah zan khat an riak tih a sawi a, cheng 500 an chawi theih loh chuan Burma-ah thawn an nih tur thu a sawi a, Burma mi 15-te chu Indo-Burma ramriah pawisa an chawi theih loh avangin thawnhaw an nih thu an tarlang bawk.
“Kan thawnhaw ngei a, mahse 15 chauh kan thawn haw, Pathianni khan kan thawnhaw,” tiin Rozara, Aizawl police station-a police officer chuan Mizzima a hrilh thu tarlan a ni bawk.
Chin Human Rights Organisation (CHRO) sawi dan chuan police hian Burma lam mi zu leh drugs zuarte an veh bik niin Mizzima-ah hian tarlan a ni bawk a, “State sawrkar hian hetianga hma la tur hian police-te hi a nawr niin a lang,” tiin Tehra, CHRO chuan a sawi thu media report-ah hian tarlan a ni.
Mizoramah hian Burma lam mi hi 60,000 lai an awm tawh niin an sawi a, puantaha eizawng hi 2500 vel an awm niin an tarlang.
Tun lai hian Burma mi Mizoram chhunga awmte hming chhinchhiah vek tum a ni a, Young Mizo Association (YMA) chuan hemi ti tur hian hma an la mek a ni. Hetihlai hian Burma lam mi an hruaitute chuan an hming hi chhinchhiah fel vek a har thu an sawi a, tun hma pawhin an lo ti tawh thina mahse an hlawhtling hleithei lo niin an sawi.
Source : e-Mizoram
A lem khi mizo ram a mi? Ramri a pawi sa chawi theih loh vang a thawn hawng chu burma mi pawh hi an sawi danin an neihreng pawh hian nei lo angin in insawi zel an tia. kawlho hi puantah an awm bik. mizoram lam mi pawh burma ah phalna lova an kal chuan an man thin a. a man theih bawk a. mahse kan thenawmah burma mi tha tak tak an awm nual a, an buai thu an sawi ngai ve lo khawp mai. A ngaihna hriat ka hria lo. dan ang ve ve a awm kan in zir tir ni ber lom mi le.
Zokhawthar-a permit lak mai a la theih chuan, a thawn hawtute Aizawl an thlen khalh leh thei tho dawn chu!
Burma-ah ei-bar-zawn a awl lo lutuk, thuneitute sualzia lah hi khawvel hriat ni bawk si.
Mizoram sorkar hian Thailand angin work permit ang reng, passport ngai chuang si lo, ‘labour card’ an ti e maw ni? ang chi ngaihtuah thei se a fel ber ang ka ring. Ti chuan, Mizoram industry ten thawktu tlawm te te in an chhawr thei ang a, an hlawkpui phian ang. Burma ho tan lah ei hmuhna leh ‘himna’ a lo ni ang. Win-win solution a ni ber ang chu.