Zoin: Kan ram retheih leh harsat avangin zofate pawh khawvel ram changkang zawka inbengbel ve turin kan vak chhuak ve hlawm a. Kan kawtchhuah ber—Kula Lampur leh New Delhi ah harsatna na mem lo kan pal thlang hnuin kan beisei ram thumna chu kan thleng thei tawk hlawm a. Then khatte phei chuan ram thumna pawh thleng hman lovin an nunna hial an chan a ni. Tun tumah pawh kan thian Mama’n hun lo takah min boral san leh ta chu a ni a, ngaihtuah thiam a har hle mai. A rilru ngaihtuahna zawng zawng senga a lo nghah ve fan fan leh, nu leh pa chhung khat lainate pawhin eng tikah tak thleng ve ang maw tia an lo nghahhleh em em USA chu tluang takin a thleng a, an hlim hmel leh an nui ri te pawh a la reh hma hauhin thihna kut vawtin a man leh ta mai hi pawi kan tiin kan tawrh pui em em a ni. A bik takin a ruang pawh kil phak lo leh hmu phak lo a awm, a nu leh a pate kan laina hle a, engkim tithei kan Pathian chuan he khawvelin a pek ang ni lo thlamuanna dik tak mai chu pe mawlh rawh se; tih hi kan tawngtaina a ni. Ed#
Mama chanchin tlangpui: Tv. Malsawmtluanga (Mama), UNHCR hming David Lalzarliana chuan December 23, 2011 USA Central Time zing 8:15 ah khan he lei hreawm tak chu chhuah sanin chatuam hmumah min chawlh san ta.
Mama hi Sanmyo, Tahan, Burma a Pu Lalthlamuana leh Pi Hlunthangi-te fapa a ni a, kumin 2011 October thla ah Malaysia an USA Washington state-ah Refugee nihna in a lo lut a, November thlaah Des Moines, Iowa state ah a pem. December 17 (Inrin) zan khan high way ah truck in a su a, a hliam a natsat em avangin helicopter in Methodist Hospital ah phurh a ni a, doctor-ten theihtawp chhuah a an enkawl hnuah a hliam tuar lovin min boral san ta a ni.
Des Moines Mizo Christian Fellowship (DMCF) ruahman dan chuan Mama hi December 30 (Zirtawp ni) ah Des Moines ah vuiliam a ni ang.
Malsawmtluanga (Mama) vui hun tur hi December 31, 2011 a ni ang.
Zing dar 8:00 (Central Time, USA) ah vuina hunserh chu Des Moines Mizo Christian Fellowship (DMCF) lawina Biak In, Lutheran Church ah hman tran tur a ni a, Rev. Dr. Biakchhunga (Mizo United Methodist Fellowship pastor, Maryland, USA) leh Lutheran Church pastor-ten vuina hunserh an kaihruai ang. Zing dar 11:00 ah thlanmualah vuiliam a ni ang.
Burma ram tan chuan tuna Central Time (USA) khi December 31, 2011 zan dar 8:30 an zan dar 11:30 a ni e.
Indianapolis a Mizo-te pawh an kohhran van hmangin a tam thei ang bera vuina huna kal an tum thu kan dawng.
Ramboo, thahnemngai takin i comment a, i fak awm hle mai. thuziak reng reng hi uluk thei ila a tha ber a, mahse kan tlin lo tlang a nih ber hi. Tin, mitthi vui hun tur khi an sawn tih chiang taka i hriat chuan comment huangah khan a hun leh ni fel takin rawn ziak ta mai la, zoin inleng zawng zawng ten kan tangkai pui hlein ka ring bawk.
He thu post tu hian a dik lo lai te a chhiar ve tawh ngeiin ka ring a, a vui hun tur hi December 31 ah sawn a ni a, a tul ang ang chu han siam tha nghal thei se lawmawm hle ang.
Mama chhungte Pathian thlamuana chang mawlh rawh se…. ka han sawi duh tak chu typo tam lutuk hi ka lo ngai pawimawh ve leh tlat mai pek a. Editor ngei ziah ah pawh typo a tam hle mai. Article hi publish hma in uluk deuh hlekin en thin ila a va duhawm dawn em. Hei hi changkan na chikhat a ni.
Ka U Mama’n hmun dang min kalsan ta mai hi keini a naute leh a chhungte , a thenrualte’n kan tiam lo tak zet a ni.
Amah lo buaipui tu Des Montes Mizo unaute leh Kohhranhote chungah hian lawmthu sawi sen loh kan nei a, Kan lawm hle a ni tih hian ka rawn khaikhawm e
Thihna hi mihrng ten inhnem zawh rual loh a ni. Ngaihtuah a dingin bengin ri hre thin mahse thinlung chhung a lut mawh hle a, a kalsan tak chhungte hnenah Pathian thlamuana lo thleng thar mawlh rawh se.
Thil lungchhiatthlak tak mai kan chunga a lo thlena tihngaihna awm lo leh tihtheih engmah nei lova kan van ruai lai hian hmangaihtuin,”nang thlamuan tur che in ka la tawk reng a ni he ta hi ka awm e” a la ti reng a ni tih hi he kan unaupa chhungte hnenah a takin thleng mawlh rawh se….
Thinlung takin ka sun pui a, pawi pawh ka ti hle a ni. “Kei ni’n vanduainaah kan ruat a hmangaihna lan tirtu” tiin hla siamtu-in a lo sawi tawh ang khan, Pathian engkim titheia chuan a kal san tak a chhungte malsawmin awmpui mawlh rawh se!
A van zia lo tak em ve aw!A tan vanneihna kawl a eng ve tan dawn chauh a,hetianga an vanduai mai hi ka lainat hle mai!Khawvel hi chu hetiang vel mai2 hi a lo nih hi a,innghahna tlak a awm lo e!
Mama hming pui leh a pa hming inangin kan lo dah palh a, ngaihdam kan dil mawlh mawlh a che u. Min rawn tih dik saktu RD chungah lawmthu kan sawi nghal bawk.
pawi khop mai
A hming hi source petu in a ziak sual palh a ni.
“Malsawmtluanga(Mama) zawka ni e.
Editor-te thiam loh leh tihsual ni lovin news petu ziak sual lio lio a ni. Ngaihthiam kan dil e.
Aw …..Tv. Lalthlamuana , chungkhat Unau Nu leh Pa Lalpan thlamuanna pe mawlh rawhse ! chrismas te hneih tawh sia . A leinatu te thiantha leh Nu leh Pa tan chuan rilru a vanna dawn ve . A van pawi ve aw ……. pawi lutuk .