By: Editor
December thla kan han chuankai phat atangin rilruin Bethlehem lam a fang tan tawh a, nu lungleng thei deuh leh pa lungleng thei deuhte phei chuan kan la 
hmuh ngai miah loh Bethlehem leh a chhehvel ram te chu ngaiin, “Aw, nang Bethlehem ka va ngai tak che em!!” kan ti vawng vawng mai a. Kan chhungkaw nun theuhah pawh a vuakvet hian min chenchih a, tuk danga kan play ngai loh, Kristmas hla mawi te chu hawngin kan nilenpui thin.
He’ng boruak te hrerengin karhlaa lungduh lengrual zingah mahni hnam Kristmas hla ngei ngaihthla duh si, kawl remchang lo tam tak kan awm tih hriain kan Chairman Pu Vanlal Zawma’n Tahan Thalai Zaipawl Album (Inner Light, Millennium Chrismas Choir) Producer—Pu Lalruanga of Vulmawi te nupa hnenah ZOIN website-a dahphalna a dilna chu inhawng takin phalna an lo pe a, an nupa chungah kan lawm tak zet a ni.
PS: A file hi a rik deuh a, server speed chak lo tan chuan nghah deuh a ngai mai thei a, kan inhrethiam tlang dawn a nia. Ed.
Side: A
Side B
Awle, he hun denchhan ngeiin a law’m kan hla kungpui—amah Pu Rokunga pawhin “Kan vannei em e, lawmna ni kan tawng leh ta, lungrual takin hlim zai i vawr ang u; (Click Me) i lungngaihna te chu puang ang hlip rawh…” a lo tih ni. A ni, kan banphak maia awm tawh, REMNA LAL piancham lo thleng turah hian chungkaw tin hnenah Krista chu a takin lo piangnawn leh se la, Amaha hlimna thuruk ngei chu neiin leh remna kan neih theuhna atan “Chhanna nemin thinur a ti kiang thin” tih hi chhungkawtinten changvawna neihin, kan thenrual zawng zawngte nen pawh lawmthu inhrilh tawna lawmna chibai inbuk tawnin, hlim leh lawm takin Kristamas hun hi hman i tum theuh ang u tia insawmna nen ZOIN inlengte Kristmas Chibai kan buk a che u.
Ee, he zaipawl zet zawng lung min hnem zo ngei mai. A ropui a ni. Zofate kan duai bil lo. Khawvel ram thenkhat ka fan ve tawhna Kristian ram tam tak pawn hetiang anga zaipawl tha an din hlei thei tawh lo va. Chung ka ngaihtuah chuan heng hlamawi eltiang keini zinga mite sak ngat ka han ngaithlak meuh chuan Kristmas hi a kristmas bik a ni.
X’mas don a piang hi chuan he Inner Light choir hian ka lung min lenin X’mas choir ah chuan ka thiam tih ber pol a tling,Zoin hruaitu te chungah ka lomin X’mas chi bai u le.,
Inner Light, Millennium Chrismas zaipawl chuan Krismas min ngaihzualtir e,, nia… mi rama han awm meuh chuan mahni tawnga zai leh inkhawm a awm ve tawh si lova, he zai pawl hian lunglen a tizual ang bawkin, lunglen min hnem hle mai. ..ka tan chuan a hlu tak meuh a ni. Ka lawm tak tak a ni min rawn present chu!! He Zoin chhiartu zawng zawngte Kristia hmingin Kristmas leh Kum thar Chibai ka buk a che u.. Lalpan malsawm che u rawh se.
Lung a va ti leng ve aww!! A bik takin “Aw nang Bethlehem” tih hi carol na a ka lo au pui ve lauh2 thin a nia, tuitu haw lam ang mai a lo bass thum ve dut2 kha nuam ve thei tak a ni.
Zoin hriatute & Pu Lalruangate nupa i ti tha, in zarah Masi hla mawi tak kan lo ngaithla ve thei a, inrawngbawlna Lalpan malsawm che u rawhse.
Ka duhthu kansam ve lawk: Zaipawla telte hming & an chanvo te kimchang takin inrawn tar lang a lawmawm khawp mai.Heibak a hla hming & a phuahtu hmingte rawn tar lang thei ula lawmawm leh zawl ngawt ang. Hla phuahtu zingah Pu Lalhrilliana a tel tih chu ka hria a, a ni hi hla phuah lamah khawchak Zofate zingah duai lo tak a ni a,”AW NANG BETHLEHEM” a phuahte a fuh hi ka ti lutuk .
Ram pawna Xmas hmang turte tan ,ee!! kei a tan hlei hlei hian Ka X mas hlatur ani .Zaipawl ka hriat zawng2 ah chuan ka hmelhriatte tamna ber pawh anih hi maw!!!.
Hetianga a nachang hre em em tu…ZOIN hruaitute inchungah ka lawm lutuk .Xmas hlimtaka in hman theih nan PATHIANin malsawm ngei ngei che u rawh se….
Dear Zoin,
Inner Light, Millennium Chrismas zaipawl min rawn present avangin zoin i chungah ka lawm e..Burma a ka awmlaia theih tawp chhuaha hma ka lak na te ka hria chhuakin leh ka thawhpui thiantha te ka va han ngai tak em ve aw…he zaipawl ah hian ka nau te pahnih leh kan monu duh tak mai an tel a..ka tan chuan a hlu tak meuh a ni..zoin ka lawm e..Christmass chibai