Khawvela mi sang ber (Chhunzawmna)

By: Puibawiha
ZOIN News Correspondent.
Thianpa Pianga thu rawn post hi tlem han chhunzawm ve lawk ila. Bao Xishun (56yrs. old) hi Jan.15, 2007 atang khan khawvel mi sang ber (tallest living man) ah Guiness world records official-a puan a ni. Tunisia mi, Radhouane Charbib khawvel mi sangber ni mek chu 2mm (0.2cm) lekin a pel / khum a ni. World record zinga mihring sang ber chu Robert P. Wadlow a ni.
Bao hi kum 1951 ah a pianga, kum 15 a nih thleng chuan mi pangai ang ve maia sang a ni a. Mahse kum 20 a nih meuh chuan 2.1 metres a sang a rawn ni chho a. Kum thum chhung People’s Liberation Army ah tangin basket ball a khel thin. March 24,2007 khan tuna a nupui nen hian an innei a, Zirtawp ni (July 12, 07) khan an inneih lawmna anmahni Mongolian traditional wedding ceremony chu lawm puitu mi 2000 lai te nen an hmang a ni.
Bao hi 7′.9” a sang a ni a, a nupui hi 5′.6″ a sang a ni. An kum erawh a letin a inthlau a ni. An nupa hian Basketball team din an tum a ni awm e.
Bao hian a ban sei tak inches 41 laia sei hmangin Dolphin pahnih nunna a chhan chhuak a ni. Heng Dolphin te hian plastic an ei a, chu chu Surgical instrument hmanga an lak chhuah theih loh hnuin Bao chu an ko ta a, Bao chuan an ka atanga zenin an pumpuia plastic chu a phawrh chhuah sak ta a ni.
An inneih a tuk lawk hian khawvel misang ber (Bao-a) leh mitawi ber (He Pingping) chu an inchibai ta a ni. Pingping hi 2′.4″ leka sang a ni. An ni pahnih hi region khata awm, inner mongolia ve ve an ni awm e.
Bao hian tuna a hmuh chak pakhat chu khawvela ui sang ber (dane)a ni. He ui hi a dinin 7′.3″ a sang a ni a, Bao ai hian 6″ in a hniam hret a nih chu. He ui hi a rih zawng chu 240 lbs a ni a, sakawr sa nikhatah 4.4 lbs a ei thin. Bao hian keimah ni ang bawkin uisa a ei ve.