By: RD
Tunlai kan ram (Burma) politics lam boruak chu thu thar leh thil thleng thar a awm reng mai a, “thrat lam kan pan mai awm mangnge” titute tan beisei awm vio in a lang a, mahse, chik tak leh ngun taka thlir erawha ngai niin a lang. CNF/A leh sipai sorkar inkahhai mai te hian ngaihtuah chu a tithui duh hle a nih hi!!!
Burma politics thlir leh ngaihven mi tam takin an hmuhdan leh ngaihdanah chuan tuna USDA sorkar (Thein Sein-a sorkar) ah khian ngaihdan inang miah lo—group 2 chiang takin an awm a, a thren chuan group 4 lai awmin an hmu a, khi groupte khian “tu nge chak chak” tiin lalna an inchuh mek niin an hmu a.
Burma rama dictator (tuna sipai lal ho pu ber) Ne Win-a khan a lalna a bansan (1988)-ah group mi pakhat chauh hnena lalna a pekchhawn mai kha fuh lo riau niin general Than Shwe khan a hmu ni ngei tur a ni a. Achhan chu khatia Ne Win-a’n Gen. Saw Maung ho (SLORC) hnenah lalna a pekchhawn mai takah chuan kum 2-3 lekah “Kan lel ve reng reng a ni, Burma ram lal ber kan ni) tiin an trangrual ta a, a pu ber Ne Win pawh zah leh a thu ngai tawh lovin an lu an ling ta a, Ne Win-a tufa te jail an tan tir hmiah mai a, Ne Win thih pawh khan a ruang kha kuang ah pawh thun lovin, puan a tuam mai in, mi 5 lek vuitu nei turin an ti ta a nih kha!!!
Than Shwe hian a pu Ne Win thil tihsual hrereng in, amah lah hi sipai officer a nih tirh atrangin “Psychological warfare” a thawk a ni bawk a, Ne Win anga tisual ve lo turin, nikumah lalna a chawlhsan khan group 2 ( or 4) ah lalna a semdarh ta a, heng group te hian lalna an inchuh chhung chuan amah Than Shwe hian thu a nei reng anga, an dodal dawn lo tih a hmufuh reng mai si a.
Tuna alan dan chuan President Thein Sein, Parliament chairman Shwe Man, U Zaw Min (Tuna CNF nena inkahhaina siam a kal, Railway minister) ho hi “Khawvel hmuh ah pawh a mawi tawh love, Burma hi zawi zawi in democracy ah i siam ang u” ti pawl niin an langa, politics jail tang pawh chhuahtir vek duh ho, NLD leh ka ni Aung San Suu Kyii biakrawn duh ho an nih hmel a.
Sipai lalber (Commander of Chiefs) general Min Aung Hlaing leh vice president Thiha Thura Tin Aung Myint Oo (Shit Lone), U Kyaw San etc.. ho hi sipai chunga ro nei ber, Than Shwe a mi rin ber te an ni thung a. Than Shwe an direct in command a pe renga ngaih an ni.
Than Shwe a sipai officer training kalpui (same batch in DSA) U Aung Thaung leh midang USDA minister ho hi Than Swe an Burma economics chelh tura a thlan leh ruat an ni hlawm bawka, thu nei tak group an ni ve bawk a..
President Thein Sein leh a hote hian ram siamthratna tur hma an lak hi kan lo lawm in kan lo “Amen” dial diala, a lawmawm reng bawka. Mahse, an duh dan angin an thu hi a tlang thei bik lo tih hi a lang tran zel a, a pawi khawp in ka hria. Entirnan, Shwe Man-a khan USA secretary of States Hillary Clinton-i hnenah khan “Politics jail tang ho kan chhuah thuai ang” tiin a lo tiam a, U Aung Min pawh in November khan Thailand ah “politics jail tang ho hi kum thar ah kan chhuah vek ang, trum 2 in kan chhuah ang” a ti a, mahse, tunah Burma independent ni (Jan 4) khan jail tang kan chhuah an tih chu sualna avanga tang ho an tan hun tih tlem sak kha a ni ta mai a, politics avanga tang mi 30 vel (chhuah hun ve reng) an lo chhuah ve lek a nih kha!!
A awmzia chu, Thein Sein ram thratna tura an thil tih tum hi sipai lam leh group dangin an “Khap” thei tlat a, an duh angin an ti thei lo tih hi a chiang em em a ni.
Nimin piahah ka ni ASSK pawhin AP (Associat Press news)-ah “Thein Sein sorkar thiltih tum hi sipaiin en chen nge an phal sak, tih chungah a innghat a ni” a tih tak hi le!!!
Tuna CNF/A leh sorkar inkahhaina thuthlung pawh hi a lawm awm rual rual in “Dar benthek ri mai mai ang” hi a ni mai mai ang tih hi ka hlau a ni e.
source: zoin comment huang atanga lakchhawn a ni. Ed/
RD sawi hi ka ngai pawimawh lutuk.( pawm pawh ka pawm). Nakruh bo zawngin haw pawh chak thin teh mah i la, palzut ngam rual a la ni lo tlat…( an ti ka thian te chuan..hahaha…).
Burma ram chungchang sawi hi chuan, :D
Beiseina a lian ve si a, beisei kan neih len pauh leh kan lo hah ve bawk sia, a buai thlak a nih hi.
“Ya-za-wut-bae-pye-ma-hloth” an tih si, Than Shwe hi chuan thlamuang tak chuan
a hun tawp lam a hman a rinawm loh hle. Tun tak phei chu, sakhua na lamah a inpe a, a tawngtai tlut tlut mi ni awm a sin. A nupui Daw Kyaing Kyaing-i lah chua engsakhua pawh sawi tawh lo vin, puithiam nazawng leh aien thian nazawng chu a ring em em mai a, a in ah an lutchhuak reng mai a! “Ya-da-yar-che” nasa ni awm a nia.
A peih peih leh thlarau mi deuh khan lo tawgtai pui ula, :D kei chu peih lo!
Kan ram chu a danglam dawn chiang. Englam herin nge a in her danglam dawn tih erawh chu hriat a har ngawt ang. John McCain-a pawh khan “I’ve puzzled over that,” a ti ve tawp a nih kha. Burma sipai lal ho thil her dan leh ngaihtuah dan hi a ram chhung mi tan pawh ni se, International community tan pawh ni se, “Puzzle” a la ni rih ah ka ngai.
RD-a rawn sawi tak Tin Aung Myint Oo te ho, General Ko Ko te ho hi an huai in, an la sipai viau mai a, General Min Aung Hlaing-a lah hi vawi khat mah ral kap ngai lo (tak tak nge chu ka hre lo) an tia, heng mite pa (3) hi an buaithlak viau hmel.
Lehlamah chuan Thein Sein-a pawh hi innghah tak tak ngam turin a la khawsa tlat bik lo. Zawhna leh chhanna inmil lo taka chhan te a ching reuh a.Tin, a atir ah tak phei chua Thein Sein-a hi Than Shwe-a thuawih ber tura ngaih a ni. Than Shwe-a tapeh diktak leh a a ruka a kaihza thlawp tu an tih kha nia.
Eeeee, Burma ram chungchang hi chu ka hre bik neih nuaih tawk lo ve.
Lung ngai rengrengsuh U, U nau te u Burma ram hi alo tthavat maiang.
@Hmartawp vur ram leh tlaungpuia,
Ka thu ziak chu beiseina awm lo tur ang zawng deuh in a lang a ni maw? Beidawng mai love a.. Ka ni Aung San Suu Kyii (ka pa leh a thriante khan ‘kan farnu’ an ti thrina, ka pa farnu chu ka ni tur ah ka ngai mai a!!!) khi Burma mipui zawng zawng (ti mai ang) in an thlawpa, NLD in hma a hruai anga, USA, Europian Union, Japan, Australia etc. hruaituten an tlawh sup sup tawha, ram dang tranpuina te nen, UNO lah kan lama trang sa reng a ni a (Russia leh China tih loh chu) Democracy chu kan ni thuai dawn a lawm!!! Lungngai reng reng suh u…
Tuna kan ziak khi chu Burma sorkar thar ah khian ngaihdan in-ang lo an awm ve nuaih thu a ni bera, sorkar hnaikaitu zingah khian ram leh mipui hmangaihtu diktak, democracy duhtu an awm treuh bawk a lawm…
Mizoram buai lai (1966- 1986) chhung khan Mizo mipui-ten Vai sipai kut an tuar nasa em em mai a, an mangang chuan khua pakhata thlarau mi, tawngtai thiam chu tawngtai turin an ti a, pitar a ni a, pitar chu a han tawngtai vang vanga, a zawh chuan “Pathian Thlarauin engtinnge a sawi, engtik ah nge Mizoram buai hi a ven ang?” tiin an lo zawka, pitar chuan “A ven hma loh chu a buai ang” a ti ta a…
Chutiang bawkin Burma ram buai khi “a ven hunah” chuan buaina a kiang vek ngei ang. Hngak hram hram ila, phun nawi lovin. Kan thawhtheihna leh trangkaina tur hun leh hmunah trangkai tum ve zel bawk ila…
Ekhai lo lawm hmantawh te lulnen pu RD ho leh zo vek lawm le.ha ha ha
Tahan lam a pem luh kan lo rawt leh hman tep tawh a sin male.( khawizu leh hnute tui luan na kha ,,,,he he he …)
Ka ngaih-tuah neuh neuh lai in ,ka suang tuah na bawng in kawngka i rawn hawng thut alom le. Pu RD a nge nge . Thlir dan chang kang tak a nih hi.