HRIAT ZAUNA (General Knowledge)

By: Nl. Lalhlimpuii
1)Khampat Khawpui:
Kum 2003 a chhiarpui angin Khampat ah mi 12551 an awm a, Khampat I ah 3345, Khampat II ah 3702, Khampat III ah 1289, Khampat IV ah 3330 leh Khampat V ah 815 an awm. Chutahchuan mipa 6212, hmeichhia 6339 an awm a. Mipa 100 awmna ah hmeichhia 102 an awm ang a ni. Khampat khawpui huam chin hi 8200 acres (12.8 Sq.miles) a ni a. Sq.mile 1 ah mi 981 an cheng.

Ami cheng te:
Chin mi 11361 an awm a, kawl(Burmar) 1180 an awm. Kachhin, Kayin leh Rakhine tlem an awm bawk. Sakhuana lam ah chuan 2003-2004 a chhiar dan chuan Buddists 1171 an awm a, Christian 11380 an awm a. Buddist Temple (Monastery) 2, a awm. Pathian Biak In 34 leh Pagoda 3 a awm.

Zirna lam(Education):
Primary school 4 leh High school 1 a awm. School zirtirtu 48 an ni a, zirtu 2478 an ni. Zirtirtu pakhat in naupang 50 zet zirtir ang a ni.

Khawpui huap chhung:
Khampat Township ah hian khawlian zual 8 a awm a, thingtlang khua 17(Village) a awm. Kum 2003-2004 chhiarpui ang chuan Khampat Township ah mi 32664 an awm.

Sakhuana lamah chuan he township ah hian Buddist puithiam chenna (Monasteries)14 a awm a, Christian kohhran Biak In 87 a awm bawk.Pagoda 17 din a ni. (Source: U Rohuliana: Regional geography of Khampat Town:2004)

2)Tamu Township:
Tamu Township hi Sagaing Division a Township 38-na a ni a. Kum 1801-a din nia sawi a ni. Town huap hi 14359 acres (22.43 Sq.miles) a ni a, mi 30764 an cheng a, mipa 15389 leh Hmeichhia 15375 an ni. Kawl (Burmar) 22742, an awm a, Chin 7249 leh hman dang tlem an awm bawk.

Sakhua-na lamah Buddists 22790 an awm a, Christian 7299 an awm, Hindu 550, leh Muslim 125 an awm a.
Zirna leh hna thawh lamah Primary school 11, Middle school 1 leh High school 1 a awm a. A mi cheng tam ber nitin hna chu leileh an ni. (Source: Rohuliana: Geographical Study of Agricultural Activities – Tamu Town:2006)

CHANCHIN THAR
1)Buhfaiman 2008-ah:
Thildang man a san angin Buhfai man hi a thang chak lova. Leilet mite sum lak luhna ber Buhfai a nih avangin sum dawng leh dawr kai mite aiin leilet miten harsatna an tawk zual zawk a ngaih ani.

Khawvel pumpui din hmun en in kum 2008 ah hian Buhfai man a san (that) rin a ni a. A chhan chu China ram te, Bangladesh ram te, Nepal ram te, Irag te, Philippiness ram leh Turkey ramte chuan 2007 aiin 2008 ah Buhfai an mamawh tam dawm a hriat a ni a. Heng ramah te hian Myanmar, Thailand, Vitename, leh India ram atangin Buhfai an lei thin. (Weeekly News:Nov 28,2007)

8)Myanmar-India Kawngpui:
Myanmar leh India inkalpawhna kawngpui Kalaymyo- atanga Kalaywa panna kawng chu a chhe lai siam that tura ruahman mek a ni a. Chu tih laiin Tamu atangin Alkatra thuah khat a siam that tum a ni bawk. Kawng siam tute hi hmun 2-ah an in then anga, Group khatin Kyi Kong atanga Kalaywa an siam ang a, Group dangin Tamu atangin an tan ang. He kawng siamtute hi India lam a kawng siamtu BRTF an ni(Ibid).

9)Mobile Handset (Phone):
Tun hnaiah “Mobile Handset”(Phone) Yangon ah Nuai 1 ½ vela lei tur a awm thu dawn a ni. Singapore atang lo kal ‘Moderm’ hmangin “Nokia Handset” leh “Sony Erisson Handset” te chu Nuai 2 atanga Nuai 5 thleng lei tur a awm. He Mobile Handset hi thalai ten an hmang nasa hle(Ibid).

“ZOIN palai Mahlimi tia kan koh duat, Nl. Lalhlimpuii’n a pa (Rev. Dr. Dengthuama) chanchinbu buatsaih, thlakip chhuak “Kabaw Makedonia” late December chhuaka thu-leh-hla zoin nena inkungkaih a tih atanga a rawn lakchhawn a ni. ZOIN kaltlanga Chanchin thar puanga rawngbawlna kawngah na sa lehzuala tan lak a tum thu te nen he chanchin hi rawn hlanchhawng a ni a. A chungah lawmthu kan sawi e”. Eds/