
Hei le! June thla kan thleng leh ta. Pi-Pute chuan ‘Thitin thla’ an lo ti a, engvanga chuti anga ti nge an nih le? An taimak em avangin thal ni sa kian lovin hna an thawk a, ruah tui a lo tla leh a, a sur an kian thei bawk si lo. Chungte avang chuan June thla hian an thi chur chur ang a. Chuvang chuan Thitin thla an lo ti a ni thei ang em? Kan chhenvela Kawl-ho lah hian June thla hi (Chin-ti-nih) an lo ti ve bawk si.
Eng pawh ni raw sek sek, eng le khaw le keini WY-te tan chuan thil chhinchhiahtlak Hnehtu Chanchinbu kum 15 a tlin champha (15th Anniversary) a lo inherchhuahna thla a ni a, a hlu a ni. Hnehtu pawh June thla hi chuan thang khat lian a lo ni ve ta a, harsatna tawh chang nei bawk mah se, kum 15 lai hmang thei tura tanlatu, thuziak thawh tawhtu zawng zawngte, chhuah tan kum atanga Editorial Board-a tang tawh zawng zawngte leh Veng/ Local tin atanga Agent thahnemngai tak takte chungah kan lawm tak zet a ni.
He chanchinbu hian mitthahnemngaite fakselna chi hrang hrang a dawnte avang hian a thla a muang hle a, an thahnemngaihna aw mawi chu ngaichang chung zelin Kalay-Kabaw phaia cheng Zofate hriat chak zawng leh duh zawng mai ni lo, hnam leh kohhran tintena kan mamawh zawn chhuah leh phuhhruk theih hi a tum ber a ni a, literature kal siam vawng nung tura hmalak a tum reng bawk a ni.
He chanchinbu hian Silver Jubilee leh Golden Jubilee hmel a hmuh theih nan, Ram pum huama WY member zawng zawngten mawhphurhna la-in i tang ho ang u. Hnehtu chanchinbu chhiartu zawng zawngte, Happy Father’s Day (June 17) hman nuam u le!!!



Hnehtu chanchin bu chu van ngaihawm ve….!
Thu leh hla tha tak tak ka purchawkna chanchin bu a ni thin a, rilru leh thinlung takin ka ngai a ni ber mai…… kan hruaitute kaltlanga Zoin lama in rawn tichhuak hi a lawmawm tak meuh meuh a ni e.