Huivalenthiam: Burma rama Zofaten Kalay—Kabaw kuam kan tih mai, Zo phai kuama khaw lar tak—HMUNTHA khuain, April 09, 2010 chawhnu dar 3:00 atanga dar 4:30 thlenga kangmei rapthlak a tawrh thu kha, Zofate groupmail hrang hranga tarlan anih bakah ZOIN ah pawh tarlan a ni a. An vanduaina kha a hria apiangin an lainat a, tawrhpuina pawh a remchan ang angin an thawnchhuak hlawm a, vawin thleng hian tawngtaimite chuan Hmuntha khua ulehnauten chhawmdawltu tha an neih theih zelna atan tawngtai an la bang lo.
Kan tarlan tawh angin Hmuntha Khua kangpui tuarte puala chhawmdawlna Committee pawh din a ni a, committee chuan theih ang angin hma a la, hmun hrang hranga Zofaten an tawrhpuina te hriain leh lawmthusawina te pawh ZOIN kaltlanga an rawn neih tawh bakah tuna Video Clip kan en te pawh hi hmun hrang hranga Zofaten mit ngeia kan hmuh ve atan Singapore lama kan sangawizawnpui tlangval hnenah an thawn a, tichuan anin ZOIN-a chhuah tur atan tiin HuivalenthiamGroupmail lamah a rawn chhuah hmasa a, tichuan ZOIN ah kan han hlanglut leh ta a ni. Ed.
Ka van lainat hlawm tak em….ka en kim ngam lo, an rethei leh zual dawn a nih hi. Tanpuina an dawng thra em le?? an chanchin hriat a chakawm mang e.