Hitlera Lung Inah

By: Mg. Hlua, Norway
Tun hma chuan Western ramah hian , mi hlawhtling leh mipa khawsa thei deuh te nawmchenna ni a an sawi thin chu, ” sakawr, hmeichhia , silai , zu”, hengte hi nideuh ber in an sawi thin. Hitlera pawh kha heng thilah te hian a in hnamhnawih lo hran bik lo va, tuntuma a thil tihah pawh hian hlawhtling se chuan hapta thum lai chu chawlhhahdam a tum a. Mahse tuntum a sawrkarna lak tum a tih fuh loh naah hian a mah leh mah inkahhlum hial pawh a tum nghe nghe a ni awm e.

Hitlera hian ram leh hnam a hmangaih nge? a ma tanghma a sial tih mipui ten an buaipui lai in, President ni mek Vonkahra sawrkar chu suttluk tum in helna a rawn siam ta bur mai a nih kha. Mahse he mitumah hian a body guard ngeite pawh in an phat san leh tak a vangin kum eng emaw chen lungin tang tura a chungthu rel tur a ni ta der mai.

Kum 1924, Feb 26 kha helna a siam a vanga a chungthu an rel ni a ni. Thubuai an sawina hmun hi Blutenburgstrasse-ah a ni a, a mah leh midang pakhua te chu rorelna court hmaah chuan an ding ta a ni. An zingah chuan Ludendorffa leh Rohm-a pawh an tel ve a. Hemi tum hian Ludendorff-a chu a sipai General inthuam in a ding a, a zahawmin a ropui hle a ni. Hitlera ve thung chu tuktina a hak inchawih loh deuh mai hi a ha thung a, Iron Cross First class a dawn kha a inbel bawk a, khabehmul a zuah deuh thar bawk a. Fiamthu thawh thiam thingtlang pamawl tak ang mai hian a lang a. Mahse mipui mit fukna ber a ni thung. Mi hip theihna eng emaw tak a neih chu a thubuai relsaktute pawh hian an hre chiang hle a ni.

Thubuai sawi an tan hnu reiloteah chuan Hitlera tan hun tha a rawn in her chhuak ta a. Chutih laia Nazi ho chibai inbuk dan in a kut ding lam chu a phar chhuak a, helna chawkchhuaktuber leh a mah chauh chu rorelna hmaa ding tur a nih thu a puang ta a . Keimah chauh hi mawhphurtu ka ni a, mahse helna chawkchhuaktu ka nih avang chuan misual ka ni chuang lo. “Vawiinah hian helna chu helna laka helna a ni ang” tiin a sawi a. Rorelna hmun chu Socialism sawimawina hmun a tan a hmang ta a ni ber mai. Chutia thubuai an sawi zawh hnu chuan Hitlera chu Lech lui kama Landsberg kulh a tang tura hruai a ni nghal bawk. Zalen taka tantir a ni a, pawnlam a tanga rawn kan tute pawh lo kawm leh dawnsawn phal a ni. Chutiang chuan duat tak leh zalen taka enkawl nimahse manganna nasa tak a nei ta a ni ang tumhnih lai chu intihhlum a tum a. Hei hi intihhlum a tumna hmasa ber erawh a ni lo, helna tawphnu khan tlangah a tlanchhia a, police hovin an uma chumi tum chuan inkahhlum a lo tum tawh bawk, mahse a silai a thalo hlauhva a inkaphlum thei ta lo a ni.

Fur tawp lam a lo nihin an tanna kulhah chuan a thian Rudolf Hess-a a lo tang ve hlauh mai a, a ni hi a lo thlamuan phah hle, mahse May,1941-ah khan German sipaite chu chak dawn lova a hriat a vang in Rudolf Hess-a chuan Churchill-a lam kawp tum in Britain lamah a thlawh thlaksan ta daih a ni. Chutiang chuan a thiantha ber in phatsan mahse Hitlera chu a thinrim duh chuang lo va, a thianpa tlin lohna chu a ngaidam hmiah mai a ni. Tan-ina a awm lai hian Hitlera chuan chibaibukna leh thilpek a dawng tam hle a, Pangpar te, thei rah te, zu te a dawng nual a ni.

Kum 1924 thlasik lai khan Hitlera chu Governor office-ah koh a ni a. ” Tan in a tang a chhuahna thupek a lo thleng a, intiamkamna neia chhuah tir i ni ang, intiamkamna chu kum hnih chhung tan a ni ang, naktuk zingah he hmun hi i chhuah san tur a ni,” tiin governor chuan a lo hrilh a. Kum nga chhung tang tur a ngaih a nih lai in ni 265 chiah a tang a, tichuan kum 1924, December 30-ah khan a tanna kulh a tang chuan a chhuak ta a ni. An tanna kulh kawngkharpui a tanga an chhuah hnu rei lote ah Mercedes Car lo nghak rengtu chuan a la ta thuai a. Chu Car nen chuan chhun lai takah Munich khawpui chu an va thleng a. A thian hluite chuan Luisentrasse Beer dawrah an hruai a. Chumi zan chuan Hitlera pawhin rui khawpin zu a in ve a. Hei hi zu a ruih vawikhatna leh a tawpna a ni nghe nghe awm e.

Chanchin lakna te : C.Lianzuala, leh ka hmuh hmuh na a mi.