By: Editor
Burma ram, Rangoon khawpuia khawsa Mizo Thalai zinga kan Zaithiam mi 4 leh Mizo zinga lemchang thiam mi 5 te telna–Gospel VCD, Hla 13 zet buatsaihah hian 
Kawl zaithiam leh lemchang thiam lar tak takte pawh an tel ve thu te leh December thla chhung ngeia tlangzarh an tum tawh thu chu; an Director Tv. Lianthangpuia’n online-a kan inkawmnaah a sawi zauh a. Tichuan, dilchhut taka ka belhchian hnuah hmawrhmuhna atana a siam Video Clip leh a Cover thlalak te min thawn a, ZOIN ah kan rawn vawrchhuak nghal a ni.
“Chanchin tha hi tun-aia Kawl ho hnenah a darhzau lehzual kan beisei avangin kawl hla hian kan siam a ni”, tia ka zawhna min chhan hnuah, “Musician lam pawh Rangoon khawpuia Mizo Band lar tak, Creation Band hman an ni a, he Band-ah hian Lead Lawmkima, Bassis Thar Gyi (Lalrinawma), Drummer Papuia leh Keyboard U Dara, te an ni” tiin a tuihnih a.
Tin, Mizo zaithiamte chu Edeni, Pantei, Lalremruata (Sawbwa), leh Samson-a an nih thu a sawilang zuai bawk a ni. Kan ti ti a tui dun hlein kan chhunzawm zel a. “Kan VCD hralhchhuahna tlingkhawm Sum leh Pai atang hian Missionary thenkhatte bakah Bible Zirlai thenkhatte tanpuina pek kan tum a, VCD kan zawrhchhuahna turah te leh VCD hmanga rawngbawl kan tum zelna kawngah te, mite thinlunga Pathianin hna a thawh theih nan khawngaih takin min lo tawngtaipui thin dawn nia” tia a han sawi lehzauh phei kha chuan ka rilru a hneh hlein; tunlai Zo hnah thlak thangthar tam tak zingah Kawlho zinga rawngbawlna veimi; Tv. Lianthangpuia—Tahan-Sanmyo Pu Kapthuama Fapa leh a thiante hi an fakawm hle a ni.
Awle, Pathian rawngbawl zelna atan an hming invuah tum chu ZO ICON a nih hmel thu te a sawi bawk a. Engpawhnise, keini, ZOIN inlengte pawh hian an rawngbawl tumna hi hrerengin Pathian hnenah hlanpui ila. Tuntuma, an VCD te hi hlawk taka an hralhchhuah theihna atan te i tawngtaipui mawlh mawlh ang u tiin leh a remchang apiangin tlawmngai takin an VCD chhuak tur hi i leisak bawk ang u tiin kan insawm a. Tin, he thu kan ziah lai hian VCD lei theihna tur contact person tur te leh an tlangzarhna hmun/hun tur hi kan la thailang thei lo a, pawi kan ti hle, ngaihthiam kan dil e. Remchang hmasa berah thailan tum a ni.
U thangpuia chu a titha hle mai.ANi hi ka Sanmyo khawpui leh thian ang maia ka nel ani a….tlangval fel tak pawh ani.Tin , hetianga ana chang hre em em tu ZOIN hruaitute chungah pawh U thangpuia tlukin .. ka lawm hle ani.