By: Ela Khiangte, Australia
Israel leh
Hamas-ho inremna kha ni tam pawh a la ni lo va. Mak ve tak chu Israel ten Gaza an chhuahsan atang khan Palestians ho hian Egypt – Gaza tunnels chhia te chu siam that zai an rel leh hmiah hmiah mai hi a ni.
Tunhnaia an indonaah khan Israel chuan Hams-ho ralthuam lakluhna ber, leihnuai puk, tunels 300 chuang zet an tichhia a. Remna an siamna pawh ni sawm tha chauh a la ni a, nilai ni khan Israel leh Gaza ramriah Palestine-ho chuan remote control hmangin bomb an ti puak leh a, Israel sipai pakhat a thi a. Chumi thungrulh nan Israel chuan thlawhna hmangin Gaza tunnel ah bomb a thlak leh a, palestines mi pathum chuan hliam an tuar bawk.
Palestines te chu hetianga an chet zel chuan Israel hian a tul dan dana do let leh turin an inpeih leh tawh a. Thla kalta lawka chawlhkar thum an indo chhung khan Palestines mi 1,300 zet an thi a, Israel mi 13 an thi bawk a.
Tin, indonaa thil chhia zawng zawng hi $2 billion ngawt a tling a ni. “Gaza siamthatlehna leh tundin nan hian khawvel tanpuina hi kan zawng lo va, kan mamawh hek lo, kan mipui te chhawkzangkhaina turin hma kan la mek a ni” tiin Hamas Primenister lah chuan a la puang fan mai bawk a. Middle east buaina hian eng chen nge kua a hreuh zel dawn tih pawh hriat a ni ta lo.
Source : CNN
