Fiamthu lawrkhawm Part-2

By: Lawma Fanai, New Zealand

Mi bo zawn
Super market-ah a nupui a bo a, paber chuan dawr nghaktu nula hmeltha tak mai chu:
Paber: Kan nu a bo va, khawngaihin kan inbelawk thei ang em?
Nula : In nu bo avangin keinen inbiak a tulna a awm em ni?
Paber: Nangmah ang nula hmeltha tak ka biak a piang hian rin loh takin kan nu hi a rawn lang hlawl thin a, kan inbiak chuan a rawn lang lehhlawl mai ang.

Nuber thikthuchhia leh paber tihtam

Pa: Bawihi hei ka office kal hian sana ka mamawh thei si a, ka hlawh hmasaber hian sana ka rawn lei tawp mai a nia.

Nu: A van tul lo tak, thil dang mahmawh kan ngah teh lul nen, sana kher kher i rawn lei a!!!

An nu’n a an-khum berh berh mai chu a thinur deuh nen a lenchhuahsan a, pawn a chhuak chu:

Naupang: Ka pu dar eng zat nge?

Pa: Naupang!! He sana ka lei lai hian chengkhat mah i thawh lo, tun chauh ka hrilh ang che Dar-5!

Paber office rawn haw hian nuberin a kawr hi  a lo en dik thin a, nikhat chu sam tawi ve deuh hi a hmu a:

Nu: I va han zahpuiawm, i va’n tenawm!

Pa: Engvang chuan maw?

Nu: Office-ah nula sam tawi nen in inkawp a ni maw??

Pa: Ka kawp lo, kan office hi dawrtu kan ngah a, ka lo kai palh a niang.

Nidang lehah chuan sam sei deuh mai a hmu fuh leh a:
Nu: I va lerh zozai ve, i va tenawm ve!!
Pa: Eng vang maw?
Nu: I kawrah hmeichhe samsei deuh ka hmu a, nula samsei nen in inkawp a ni maw?
Pa: Bawihi tumah ka kawp lo, min dawrtute sam tla palh ka kai a niang, nang lo chu tumah ka rilruah an awm lo.

Ni dang lehah chuan an pa kawr chu a en dik leh a, engmah a hmu lova, mahse nidang aiin a thin a ur a, a ang nasa:
Nu: I va han rap thlak i va han tenawm, i lerh herh dan em em hi!!
Pa: Engvang maw?
Nu: I kawr ka en dik a, engmah sam ka hmu lo, lukawlh lehzel pawh i kawp duh a ni maw???
Paber chu a lungni vak lo va, a tuk hna atanga a rawn haw  chu, ”Eng chawhmeh nge i siam?”, a ti a, an nu chuan,”Artui ka kang” a ti a. “Ngahnge i chhum loh!!” a ti vin khur khur mai a.  Ni dang lehah chuan, “Eng chawhmeh nge i siam ?”, a ti leh a, nuber chuan, “Artui ka chhum “, a ti a, Ngahnge i kan loh!!!” a ti vin leh khur khur a. A tuklehah chuan nuber chuan ,”Chuti em em a artui duh chu”, tiin a chhum bawka a kang bawk a, a sawisel tawh miah lovang a ti rilru a. Paber rawn haw chuan, “Eng chawhmeh nge i siam ?” a ti leh a, “Artui ka kang bawk a, ka chhum bawk”, a ti a. Paber chuan, ” Ngahnge chhum tur zawk hi i kan a, kan tur zawk hi i chhum a” a la ti talh.

Ding chunga muhil
Rawlthar-1 pawh kha a zinna a, a thlen In te nupa kha zanah a bihthla a, paber zung turin a rawn chhuak thut mai a, a insaseng hman si lova, Pindan bang ngheng chunga dingin  a hnar vel thlawh thlawh.

Sikul naupang
Puia leh Liana hi inkawmngeih tak mai sikulah pawh thu thlang an ni a. An hotuin Bawng chanchin essay a ziah tir a, Liana hian a ziak ve thiam si lova, Puia ta a entawn tawp mai a. A tukah chuan an hotu chuan a en dik a, Puia ziah chu a en hmasa a, Liana ziah a en leh chu a inang chiah chiah mai si a. “Liana i bawng chanchi ziah chu Puia ta nen a ingang vek mai a, engtiziange ni ngai?” a’n ti a.
Liana chuan, ” Sir ! Puia bawng leh ka bawng kha pakhat a ni a, chuvangin an chanchin pawh a inang vek a nih kha”, a ti ve thauh.
Zirtirtu: Sangha-3 hi a awm a, pa-1 hi zawhtein a ei a, engzatnge la bang ang?
Puia: Pa-3 tho a la bang ang.
Zirtirtu: Zawhtein pa-1 a ei chuan engtinnge pa-3 a la ban theih ang?
Puia: Zawhte pum chhungah pa-1 a awm, a pawna pa-2 a awm a, pa-3 tho a la awm.

Zu in thei
A thianpa zu in ngai lo kha zu inah a sawm a, hrai ruih a tum a, an in tlak tlak mai a, um-10 chuang an in tawh a, amah chu a rui hle tawh a, a thianpa chu a zawt a,”Thiana i rui em?”, a ti chu, ”Umhh ka puar”, a la ti cheu mai nia.

A: Thiana zu hi engzat chiah nge vawikhat inah i in thei le?
B: Ka thutna nghenchhan a zir a ni mai, ka nghenchhan a that a ka tluk loh chuan ka tluk hma chu ka in thei.

Nu dawihzep
Nupa indang thar hlim hi an awm a, zan an mu chu an in kha sazu leh zawhte thawm vel kha a ri nawk nawk thin a, nuber chuan, an pa chu a kai thaw sek mai a:
Nu: Paa tho rawh! tho rawh chu a ri ruk ruk mai, rukrukhmang a niang?
Pa: Mu mai mai rawh sazu leh zawhte ri vel mai mai a nih chu, rukrukhmangin thawm an nei ngai lo, thawm an neih chuan mi an harh ang a, thil an ru thei nang.
Nu: Paa tho rawh tho rawh!!
Pa: Enge ni leh ta?
Nu: Engmah a ri lo, rukrukhmang a niang?

Eng tak ngaituah ang maw?
Nula leh tlangval kha zin kawngah rel an chuang tlang a, an inmelh an inmelh a, a tawpah chuan:
Nula : Thiana enge i ngaihtuah a?
Tlangval: I ngaihtuah ang maw le, ka ngaituah a.
Nula: I va zak thei lo, i va tenawm, i hur rauh e a. (Eng tak ngaituah ang maw?)

A nawi a nei lo
Kuhva dawr neitu: VL i kuhva man ba te hi min pe ve tawh la?
VL : A nawi ka nei rih lo.
Kuhva dawr neitu: Khawi ka lo thleng nawi a nge.
VL : A tlang pawh ka nei reng reng hleinem!

Kein kal ila ka hahdam zawk ang!
Pitar-1 feh haw kha, truck khalhtu khan, ‘ Ka pi i rawn chuang duh em?, a ti a, pitar chu lawm takin a chuang a, kalkawng kha a chhiain a khawkrawk nasa mai si a. Khua an thlen meuh chuan pitar chu thaw hlawp hlawpin a rawn chhuk a, “Kein kal ila ka hahdam zawk ang”,a ti a, an zawt chiang chu Barrel a phurh kha a lo tlu a, barrel lum vel nen khan an lo inum kual zak zak niin.

Khawtepa khawpui zin.
A thiante khawpui zin thang ho khan ,”Thingpui dawr i luh dawn chuan mi tamna apiangah luh rawh an thingpui a tui duh ngei ngei”, an tih kha hre ran a. Thingpui dawr mi tamna ber chu a melh kual vel a, hmunkhatah hian mi an lo tam hle a, a lut ta a ni. Thingpui leh chhangte chu a chah a, a ei zo pawisa pek an tum chu,”Engzat nge ka sen dawn?”, a ti a, “Eee, ka pu pawisa pek a ngai lo, mo lawmna a ni a, a thlawn vek a ni e”, an lo ti. Chinese chawdawrah a lut a, tissue an rawn chhawp hmasa a, ei tur dang a la rawn thlen hma chuan phek-3 chu a lo ei zo tawh a, “A va tui lo e”, te a ti vel. Eitur an rawn chhawp a, chopstick an rawn chhawp tel a, E he an harkherna chu an va bei lian em em ve”, a ti vel.

Ha doctor
Damlo : Ka pu khilaia ha doctor hnenah khian ka kala kahhitna a nei lova,  ha a phawi ngam lova, i phawi ngam ang em?
Dr : Eh EH EE in dawh ngam phawt chuan a vuak pawh ka vawbal vek ngam ang chu!!
Damlo: Ka pu ha phawi man eng zat nge?
Dr: $50.00
Damlo: A phawi chhung a rei loh tehlul nen i va la tam ve?
Dr: Reitawk phawi i duh em ni, muangchangin nilinga-lai rein  ka phawi sak dawn che em ni?

John & Marry Restaurant
John leh Marry te restaurant chu a lian vak lova, Marry-in choka lamah eiin a siam a, John-an khual a lo chhawn a, Nikhat chu an khuaah midel thil rim hre thei tak hi a rawn thleng a, an restaurantah chuan ei tur a rawn  chah dawn a.
John: Ka pu e nge i ei dawn?
Mitdel: Ka hmu thei si lova, mi eina hnu thleng kha rawn la la, a rim atang ka chah dawn a nia.
John-a chuan mi eina hnu thleng a pe a, an dah ho zawng zawng hming kha kim thlapin a rim atang chuan a sawi chhuak thei vek a, a chah ta a ni. Nitin a rawn kal a, a hriat loh tura a rin pawh kha a hre zel si a, a hnar a fing hle mai a. Tihbuai a duh deuh a, John chuan an nu hnenah chuan,”Marry, i englo kha han kawm la thleng faiah hian han tat teh,  a sawi dik kher  tawhin ka ring lo,“a ti a. Mitdelpa chu an hnim tir ta a.
Mitdelpa: Ehee Marry-i chu hetah hna a thawk a ni maw?