Engnge An Sawi?

1. Mahni indah lian a, mi dangte hnuaichhiah tum thinte aiin mi hmaa inphah hnuai thiamte hian zahtu an ngah zawk.
—George Washington

2. Dawhtheihna nei lo mi singhnih chuang hmaa thusawi ai chuan dawhtheihna nena nghak fan fan peih mi tlemte hmaa thusawi hi ka duh zawk a ni.
—Mark Twain

3.Thil SUAL titu sual veka thungrulh hi ramsa rilru a ni a, thil tha titu suala thungrulh hi ramhuai rilru a ni. Thil tha titu thil thaa thungrulh hi mihring rilru a ni a, thil sual titu thil thaa thungrulh hi Pathian rilru a ni.
—Billy Graham

4. Chenna in tha leh nuam hi a sakna hmanraw tha leh in chhung bungruaah ni lovin, a chengho inhmangaihtawnna leh inremnaah a innghat zawk.
—Lord William

5. Mihring hlutna hi an zir thiamnaah kan en mai tur a ni lo; an thiamna an hman tangkai danah en zawk tur a ni.
—Cherron

6. Hmel mawina tura hnawihsen, powder leh thil dang tam tak hmangtute hian an ngaihthatna bak chu an mawi belh meuh loh laiin, siam that tul zawk an nungchang erawh siam that an harsat thin.
—Anon

7.Pathian thu hlimpui tumtute aiin Pathian thu ineiraltir ngam te hi mi hman tlak an ni zawk zel.
— George A Maloney

8.Miretheite khawngaiha pe chuan LALPA a puktir a ni a, A thiltih that chu a rul ang.
—Thufingte 19:17

9.Theia i inhriat chuan i thei ang a, chak tawka i inngaih chuan i nunah chu chu a lo thleng dik ngei ang.
—Charley Paddock

10.Pawisa hmang thiam lote tlakchhiattir vek dan tha ber chu pawisa pek belh a ni.
—George Bernard Shaw

11. Dam chhung nun hi kum tam taka belhchhah ai chuan, dam chhung hun hi tangkai taka hman a pawimawh zawk.
—Alexis Carrel

12. Thlanlung hi a tangkai lo ka ti. A chhunga mite an lo chhuak thei azeng a ni si lo a, a pawna mite lah hi kan lut chak der bawk si lo.
—Anthur Brisbane

13. Hringnun hi hlimawm lutuk mai a ni a, mi dangte tana nun a nih phei chuan a hlimawm zual ber nghe nghe.
—Hellen Keller

14. Hawh u, mi tha leh mi dikte u, tun hnua khawvelin a la sawi zel tur thilte chu vawinah hian i thawk ang u.
—Admiral Collingwood

15.Thil ropui zawng zawng deuhthaw hi thalaite tih vek a ni.
—Benjamin Disrael