By: DRRD
Tun truma USA President inthlannaah Obama (Democrat)-in hnehna a channa chhan hi chhan tam tak a awm ang a, chung zingah chuan heng 3 te hi a langsar zual niin, an sawi.
1. President Bush-a’n kum 8 dawnlai USA a lo hruai hian amah leh Republican ho duh lo hi an tam tawh lutuk a, tunah chiah phei hi chuan “President Bush-a min kaihhruaina hi a thra tawk/ka ring tawk a ni” tia ‘approval’ vote pe USA mipui 30% chauh an awma, heihi USA history ah an president an ‘rintawkna’ a hniam lai ber a ni, an ti. John McCain hi a tlin chuan Pu Bush-a tling lehang a ni ang, tiin min tam takin an ring a ni.
2. USA hosakna (Economics) hi tun kum 10 chhung hian namen lovin a tlahniam a, kan hnung Sept. thla atrang phei kha chuan kum 30 chhunga ‘Stock market’ a tlak hniam ber trum a ni a. Heti a nih zel chuan tunhnu kum 1-2 ah ‘Chhiatrupna (Great Depression)’ hial kan thlen an ring a ni. Hei avang hian Obama hi (mi hang ani emaw mingo a ni emaw) ram economics chawikang leh theitu-ah an ngai/beisei a, Obama a campaign auhla “Change, We Can Do It” hi an vote ta chur chur a ni.
3. USA mi kum 45 aia naupang ho hian Obama hi ‘New Generation’ anga hmu in “cool” an ti riau a. Mi hang 80% in an vote a(USA ah mi hang 13% vel an awm), Hispanic ho (Spanish trong hmang ho, USA pem thar ho, USA mipum million 300 ah 14% vel an awm)tam zawk in an vote bawk vang a ni.
