By: Lawma Fanai
Zathawng tih hi Chin/Mizo naute Kachin or Jingpho tawng a ni a, nausen piang thar hming an phuah ni a malsawmna an hlana; chutia malsawmna an hlan paha sarep,purunvar & sawhthing chirawtlunga an den pah a thu an chham hi ani ber mai. New Zealand 2010 Chin National Day-ah pawh kan naute Kachin ho hian ,”Kan ute inni a, chibai buknan”, tiin an hnam chem, darkhuang leh eiin te an rawn hlan nghe nghe a ni.
31/1/2010 khan kan thian Kachin-pa Dokhawng-a fanu Khawngno-i hming saknaah ka kal ve a, Kachin or Jingpho ho hian min tiunau em em a, an mahni Kachin chauh nilo Chin/Mizo ho zawng zawng pawh min sawm a. Pathian hnena hlanna an neih hma hian an mahni hnam kalphungin an zinga upaberin sarep, sawhthing leh purunvar te chu chirawtlungah dengin malsawmna thu a chham a, naute hming thar chu nemnghitin mal a sawm a ni. Zathawng an zawh chuan Chin pastor-in nausen chu Pathian hnenah tawngtainain a hla a. Pathian thu thianghlim an mahni Kachin tawngin an chhiar a, Pathian fakna hla Kachin hla-in kan sa a, an hawrawp hi Mizo hawrawp nen a inang bawk a, an hla-bu en chung chuan a sak ve theih mai. Pathian thu chah Karen-nuin English leh Kawl tawngin a sawi a, an Kachin Naupang Sunday School hovin nausen lawmna hla an rem a, naupang zinga mimal pawhin pathian fakna hla Kawl hlain an sa bawk a, nausen lawm leh hlanna hunserh chu Pastor malsawmnain an ti tawp a.
Hunserh hman zawh chuan, an Kachin chaw arsa sin tete a pawh sawm, purunvar kan hmui te nen a buh an awm hmin chu kan ei a, arsa tui hang tui tak leh sarep changel hnaha fun min chhawp bawk a, a tuiin ei a manhla hle a ni.
An Kachin tawng leh Mizo/Chin tawng pawh hi inang a awm nual a, an history ka zawt vel nasa a, upa benghlai chin an awm lem lo bawk a, a kip a kawia sawi thei chu an awm lova, ka hriat ngai loh tam tak erawh ka hriat phah a, ka hlawkpui hle.
Kachin or Jingpho hnam hi chipeng hrang hrang an awm a Jingpo, Lisu, Trone, Dalaung, Gauri, Hkahku, Duleng, Maru (Lawgore), Rawang, Lashi (La Chid), Atsi, and Taron te an ni. An tawng hman hi Jingpo, Zaiwa(Tsaiwa/Atsi), Maru, Rawang, Lashi (La Chid), & Azi te hi a ni a, Burma ramah chuan an tawngpuibera an hman chu Jingpo tawng hi a ni. Jingpo tawng hi Burma ramah mi-425,000 leh China ramah mi-40,000 velin an hmang a, Zaiwa tawng hi Burma ramah mi-80,000 leh China ramah mi-30,000 velin an tawng a ni. Arunachal Pradesh & Tinsukia District Assam a awm ho hi Singpho an inti a, an tawng hi Jingpo tawng an hmanga mi-7,200 vel bawr awm anga ngaih an ni
Kachin/Jingpho hi China ramah khian 130,000 vel bawr la awm anga ngaih an ni a, Yunnan Province-ah cheng an tam ber. Burma ram chhungah hian mi 1,00o,000(Nuaisawm) a tang 1,500,000(Nuaisawmpanga) vel bawr awm ang ngaih a ni a, India ramah hian mi-7,200 vel bawr awm anga ngaih an ni.
Mizo zinga kan historian ho hian Mizo history kan chhui hian Zohnathlak unau chanchin hi a lang tel vak ngai lo va, kan unaute a tang hian chhui sela, an tawng te zirin an history te zir chiang ila, Burma leh China a awm Kachin/Jingpho atang khian chhui chiang ila chuan kan tobul kan history hi tun ai hian kan hriat thui phah ka ring khawp mai. Mizo history tam zawkah hi chuan Sailo lal chanchin Tiau thlang lam kan awm hnu chanchin hi kan ziak nasa ber zel a, a ai a thui deuh chhui theihna kan unau Kachin leh Burma & China ram Shan/Tai/Dai, & Kawl ho history atang te hian zir chiang ila a tha lawm ni aw?
Kan post thei vek lovang. Thuziak ka endik vel laiin, ka lo daha, ka dah ta sa sa ka tia ka delete ta lo mai a ni hi.
Lawma & Saia,
Ka tan chuan insawi ang chi hi pai a tul ve hlei nem.
Nula-hovin ka ei turah leh ka in turah lo pawlh phet an tum zawk thin.
Ka inveng seng lo tep zawk.
I thu ziak chu Lung i va ti leng tak ve!!Pa Lom @Kachin unaute hian Chin hi min ngaina hle a,Unau kan ni tiin kan zirna runsangah pawh min duhsak thei hle tak asin!!
Nau hming delh(Child dedication) leh inneihnaah chiangtakin ka tel ve a,an la urhsun khp mai. An kalchar an vawngnung hi ropui ka ti tops a,a hnahchawi erawh a tam ani.
Upuitea chu Tahan-ah la awm se chuan Pk leh Sweet englohna chi khi pian nalh lo khawpin a pai deuh trun reng ang chu. :D
A van bengvarthlak ve aw…..!
Unaupa Lawma i rawn titha ngei mai,……
A ni tak e, Kachin nen hi chuan kalchar inhnaih tak pawh kan nih a rinawm a, tichuan Mizovin tap chhak zawl kan neih ang chi hi an nei ve vek a,thil dang pawh a awm nualin ka ring…inhnaih tak zawng kan lo nih hi…..
@ Pa lawm pk le sweet chu Upuitea tan a nia kan tih deuh chu !!! Ziak tha e,hriat zauna tha tak a ni. Hetiang lo pawh hi ‘sangha te hring bawl’ an nei a a hming an koh dan chu ka hria tawh lo. An eng ‘puai’ ah ni maw an ei thin, Delhi-a ka awm lai khan ka kawmchar pa hi Kachin mi a nia chutiang ‘sanghate hring bawl’ cu min temtir vea ei har ka ti khawp mai an ni chuan tui an ti hle, an eng ‘puai’ ah nge an siam thin kha ka hria tawh lo. Tun anga zoin comment naah ka la ziak ang ti chu lo hria ila han by-heart ve pawh a tha tur.