Chiahpuam Hotu Muanpuii An Man TA (Video clip)
Published: Nov 11th, 2008 | Posted by: Pui-bawiha | 411 Views
Chiahpuam avang hian 
Police-te chuan mi 26 an man tawh a; Rs. 2,53,85,840/- an man tawh a. Pass Book/Cheque/ATM Card an manah Rs. 2,46,18,573.46/- a awm a; motor 20 man tawhin, FIR 276 thehluh a ni tawh bawk.
Pawisaa inbumna lian tak, Chiahpuam tia hriat lara an hotu ber nia sawi, Pi C. Lalmuanpuii (34) d/o Lalruata, Hnahlan Khawchhuak chu man a nit a. Chhinga Venga khawsa mek Muanpuii hi Nov. 8, Inrinni zan dar 11:30 khan Dualia khua, Hailakandi road, Karimganj district-ah Aizawl South SDPO Pu David H. Lalthangliana leh a hote’n an man a. Pathianni chawhma dar 11 khan Aizawl thlenpuiin, nimin khan camp Court-ah a inlan.
Chiahpuam chungchangah hian Nov. 30 khan Aizawl Police Station chuan FIR thehluh bawhzuiin, Aizawl P/S Case No. 365/08 dated 30.10.08 U/S 420 IPC an ziak lut a. Police-te chuan an bawhzui nghal in, Aizawl PS O/C Pu PC Lianhmingthanga kaihhruaiin Special Investigation Team din a ni a; SP, Addl. SP leh CID SP lamin hma an la bawk a. Pi Muanpuii hi Oct. 29 khan a tlanbo tak avangin Police-te chuan zawngin an man ta a ni.
A video clip en duh tan hei hi click mai tur-Muanpuii
Chiahpuam avang hian Police-te chuan mi 26 an man tawh a; Rs. 2,53,85,840/- an man tawh a. Pass Book/Cheque/ATM Card an manah Rs. 2,46,18,573.46/- a awm a; motor 20 man tawhin, FIR 276 thehluh a ni tawh bawk. Pi Muanpuii hnen atang hian Electric Veng leh Maubawka a in leh a pass (LSC) pakhat v eve man a ni tawh a; alto Car 1 leh Getz car 2 an lak tawh bakah, a account an laksakah cheng nuai 120 vel a awm bawk a ni.
Pi C. Lalmuanpuii hi nimin vek khan Aizawl Police Station O/C room-ah First Class Magistrate Pi R. Vanlalchami Court-ah a inlan a. Magistrate chuan ni nga chhung police-ten thu an zawhfiah theih nan remand a phalsak.
Pi Muanpuii hi kum 2004-2005 atang khan thawmhnaw leh second hand bale a hawnna atanga pawisa a hmuh chu mi pakhatin a puksak a, a rulh leh theih loh avangin tuna Chiahpuam avanga Police-in an man tak, Pi Gospeljubilee Thangi @ Mathangi hnen atang hian cheng nuai hnih a puk a; mahse a peipung tha thei vak lo thung. Chu thil kal zelah chuan tlem tlemin midang pawisa tipung turin a laksak ta a, Mathangi pawh hian a hnenah hian a pawisa pawh a dah ve nghe nghe a ni.
Chutianga pawisa pung sang tak chu a kalpui zel a. Pi Muanpuii hnuaiah hian mi pakua awmin, anni chuan downline an nei pung zel a. A tawpah chuan a hminga pawisa khawnkhawm a tam tak lutuk avang leh, a hnena lut tih tham a awm tak loh avangin a hlauthawngin a tlanbo ta mai niin police-te a hrilh niin police-te chuan an sawi.
Police-te chuan ngawrh taka he thil an chhui mek lai hian harsatna siam lo turin mipui an ngen a. Collector/agent-te bakah pawisa dahtute dah zat hria leh, pawisa awmna hria chuan hrilh zel turin an ngen bawk a ni.
Nimina thuthar lakhawmtute an kawmnaah hian Chiahpuam case IO, Pu Lianhmingthanga chuan, chiahpuama pawisa dahte’n an hmuh let leh theih nan theihtawp an chhuah a, an thawkrim hle tih a sawi a. Collector-te chu anmahni thua che ngawt lo tura ngenin, mi in lo dap ve ngawt lo tur leh, mi pawisa lo laksak ve ngawt tawh lo turin a hriattir a ni.
source: emizoram.com
Tunlai hian Aizawl lamah pawh pawisa a vang hle niin an sawi.
chiahpuam hi thiltha tak tia sawi tur chu ani lo na a, mizote bungthar min kai puitu niin ka hria, engmah zir chiang hmasa lo a kan thil tih chinte kan in enfiah phah anga, chu chuan thil dang pawh lo awm leh se fimkhur takin kan tihphah dawn a, a pawi viau na a thil pakhat chu ani e
Sum ngainat hi sual tin reng bul a ni, a tia kan bible chuan. Kan Mizo upa ho pawh’n eng tin nge an sawi tih chuan mi duham chuan a tawpah an chan vek duh, mi duham lo chuan a tawpah an nei trawk duh an lo ti. Depositor leh collector, an vaiin an duham a, an ti tik lo vel vek. He tianga sum dawn hi illegal a nia, sorkar pawh’n a man har lutuk, sual hi an zuah renga, an ti dik bik chuang lo. A tir atangin pawisa dah tute leh a khawntute hi man nghal vek se, a nghawng lian hman lutuk lo tur. Keipawh ka chhungte’n pawisa chiahpuam ve turin min rawn hrilha, a percent a sang lutuka, thil dik lo a nih ka ring nghala, ka ti duh lo,mi pangngai tan chuan in bumna a ni tih hai rual a ni lo.