-Dika
Zofate’n Kutnivangthla urhsun taka kan 
lawm(h) nikhua a, kan hmeichhiate incheina pawimawh tak zinga pakhat hi engnge tiin inzawt ta ila, CHAWILUKHUM kan ti thei awm e. A ni, kan hmeichhiate’n hnam thuam kimchang tak nen induang zarh a, mipui hmaa phei an han khai heih heih thin hi chu a hmuhnawm chiang a lom le.
Tun dinhmunah chuan Zofate pawh chhan chi hrang hrang avangin mahni khua-leh-tuiah thangkhat lian zet atang tawhin kan tawm-im reng ta bik lo a. Kan awmna hmun apiangah mahni hnam nunphung ngaipawihin leh a remchan ang anga ropuiin kan kut thin a, a hlimawm thinin kan hnam thuam zinga a haka hak chi te, a ven/bih-a venchi/bih-chi te hi chu Dawrah lei tur a tam vang a ni chek ang, a pui-a-pangin kan nei hlawm a. Mahse, Chawilukhum nei lo erawh kan hmeichhe zingah an la tam hle. Engvangnge ni ber ang? Engdangvang ni lovin, Chawilukhum hi dawrah awlsam taka lei tur an hmuh lo vang niin a lang.
Tunah chuan mi themthiamte zarah Chawilukhum mawi tak, ze chi hrang hrang hmanga cheibawl, hmalai atang tawha Chawilukumin
a kentel…1) Pingpih 2) Sakuh hmul 3) Vaki Chang 4) Tlengtle 5) Khuaihnun kaihpawlh ngata siam chu a hnuaia contact person tarlan hnen atang hian lei theih a ni ta. Tin, Vaki changte chu sakuh hmul 35 – 40 chuang theuha phun a ni a. Tlengtle thla hlir 40-50 chu Chawilukhum pakhatah khai tel zel bawk a ni.
Awle, mahni duhdan ang anga ze nei pawhin a chah (siam tir) theih a, duhdan sawi tur nei lem lo tan pawh siamsa zing atanga mahni duhzawng thlana lei thei a ni. A lei duh leh chah duh te chuan mahni address fel tak nen, khawi ram atang pawhin chah theih a ni. Inthawn dan tur thuah pawh buaina awm miah lo tura ruanhmanna fel tak nen engkim peih a ni. Tin, A man leh mual erawh inbiak dana sawi fel mai tur a ni’ tia thudawn a ni. Mahni hnam thuam kimgchang taka nei duh hmeichhe tan chauh ni lo, Pawl kaihruaitute tan phei chuan mahni pawl a changtlun lehzualna atan Chawilukhum hi lei ngei chi niin a lang.
Contact Person:
C. Thara
Tahan-Kalaymyo, Sagaing Div., Burma
Email: c.thara03@gmail.com
Ph: 0095-73-22398
PS: Nikum lama kan tlangzarh tawh a ni a, mahse hnam thuam hawi a nih avangin mamawhtu thar te kan awm takin tia han tih nawn leh a ni..Ed
Khi a siamna hmanrua (material) ho khi han sawi ve ta mai mai ila:
Pingpih khi chu thil dangah hlutna tehchiam a nei tam lovang “a hmanna awm reng” kan ti thei ang.
Khawihnun pawh khi khawizu lak apiang a bi-product ve a ni a, a that phawt chuan hman a pawina ka hre lo bawk.
Vaki chang khi vaki khawi chang an pawhsak nge an that a an pawt tih hriat a ni lo.
Sakuh khi chu that lovin a kuh(a hmul) a lak theih em ka hre lo, mahse vulh chu an awm ka ring miah lo. Sakuh tihlum a hnua akuh(hmul0 lak thei chauh a ni.
Tlengtle pawh khi a thla kan laksak chuan a hmaiin tihlum lo mah ila thi tluk an ni. Mahse dam rei lo chi an nih avang te chuan an uihawm nep deuh mahna.
Lukhum te khi an mawi khap mai -mahse environmental firendly deuh a siam dan pawh zir ta zel ila ka ti ve mai mai. Tu huatthu mah ka sawi lovang chu maw!
In titha ee.
Chawilukhum hi a mawi dangdai khawp mai
A pawl deuh lampang awm hi a nalh dangdai khawp mai.
Delhi lam a tang pawn kan lo en a,a nalh a ni.
A pawl rawng nen siam hi hmuh than a nih loh vang nge mit a la hle mai.
Chawilukhum chu hetiang ngei tur hi a ni. Tunlai kan chawilukhum ho hi chu, mangan thil thu a hman a tan chuan a tha. Mahse, a hlutna reng reng a awm lo. Tuna in rawn tar chhuah chawilukhum ngei hi hmanlai kan mizo te chawilukhum tik tak, Original a ni in kha hria. Tumlaia kan hman ho hi hmang tawh lovin, tun a min ngei hi hman i tum hram ang u hmiang. Mahse, Sakuh kap thei leh Sava perh thiam pasal tha kan mamawh hle dawn a nih hi.
A va han mawi hlawm ve le! Hetiang chawi lukhum hi nakin ah chuan, inneih nikhuaah te kan hmang mai lawng mo? :roll: