By: Ela Khiangte, Australia
Thawhleh ni
khan Thailand tuifinriat kamah Rohingya refugees lawng pakhat a rawn inhungchhuak leh nawlh mai a, chu lawngah chuan mi 78 an chuang a, a tamber chu Rohingya refugees an ni a, thenkhatte chuan an taksaah kangmei hliauna an tuar a, tin, a thente chuan Myanmar sipai te kutthlakna, vuakna vual te an pu hlawm a.
Tin, tun hnai mai a CNN palai ten an hmuh danin Thai sipaite pawh hian Rohinya refugees te hi tuifinriatah thibo mai mai turin an nawrliam lui thin bawk a ni.
Rohingya hnam hi Yakhain State, Myanmar atang sipai tihduhdahna leh nghaisakna tlan chhuahsanin kum engemawti chhung an khawsa tawh a, Bangladesh, Thai leh Malaysia ah te refugees in an inzar pharh hlawm a ni.
+++++
Global Financial Crisis Vangin Hna 90,000 Hloh Tawh
Kan khawvel sumdawnna tlahniam zel chuan that chhoh lam aiin tlak hniam lam a la pan ta cheu mai. January 27 a Australia News a an tarlan dan chuan Britain ah ngawt pawh hna 4000 chuang an khar tawh a, Corus, Britain-a steel siamchhuaktu lianber te ngawt pawhin hlawhfa 2500 chu an ban hmiah bawk a. ING Dutch banking leh insuarance group a
British mi hnathawk mek mi 1600 te pawh bang thut thei dinhmunah an ding bawk. Tin, US a compani lian tak tak panga te pawhin hnathawktu 45,000 thlawt an paih tawh bawk a, truck siamna company ringat pawhin mi 20,000 chuang an ban a ni.
Khawvel pumin sumdawnna lama harsatna a tawh nasat em avang hian company tam tak chuan hnathawktute ban ai chuan tiin hnathawh hun leh ni te pawh an pawt tawi nghe nghe a. Ulster Bank pawhin hnathawktu 750 thlawt mai an paih tur thu an puang a. Caterpillar, khawvela turk siamchhuaktu company lian ber zinga pakhat pawhin hnathawktu 20,000 ngawt an ban hmak a, Pfizer, drugs group te pawhin hna 8000 an titawp tur thu an puang ve bawk a, Home Depot, In sakna lam company “the do-it-yourself te pawhin hnathawktu 7000 an ban tawh bawk. TIn, General Motors company chuan hlawhfa 2000 an ban tawh a, Sprint Nextel, telecoms company pawhin hlawhfa 8000 an ban tawh bawk.
US ah ngawt pawh hian, hna thawktu 7.2 per cent chuan hna an hloh tawh a ni.
++++++
Egypt Rama Isua Inlarna
By David Puia, Qartar
” I Pathian tawkturin in peih rawh ” ( Amosa 4:12 )
Egypt rama chhungkua khat paber ( muslim mi ) chuan an nu Bible chhiar lai chu a vaw hluma,an fanu hnute hnelai leh an fanu kumriatmi nen chuan a phuma, Nimahsela, an fanute pahnih erawh nungchunga phum an ni thung,Tichuan,paber chuan police hnenah , ” ka puin ka fate a that e”, tiin a zualko ( Report)ta a. Tichuan, nisawmpanga hnuah chhungkua dang mi 
pakhat thi a awm a, phumtura an zu kal chu,tiau ( sand ) hnuaiah Naupang pahnih nunga la awm chu an va hmu a. Hetianga nun rawng taka thil tih an rama a thlen a vangin a ram mipuite pawh nasa takin an thinur a, mipuite ngenna angin July ( 2009 ) thla tawpa ti hlum tura a chungthu rel a ni.
An fa nu kumriatmi chu engtia thi lova dam khawchhuak thei nge a nih an zawhnaah chuan;
” mi pakhat kawrvara in thuam, a kut hliamhma a thisen chhuak hi min enkawl turin nitin a lo kal a,ka nu pawh chu a kai tho va,tichuan, ka nau chu ka nu hnute hnein a awm thin,” tiin a chhang a ni.
A nu chu muslim hmeichhia hmai khuha in khuhin Egyptian National Tv chuan Interviewna a neih hnuin public Tv-ah, ” Amah Isua lo chu tumah dang anni thei lo, Achhanchu,a mah Isua lo chuan hetiang thilmak hi an ti thei lo vang,Ka hnena rawn inlar chu Isua ngei hi a ni, tiin a puanga.
Muslim ho pawhin, Isa ( Isua ) chu thil ropui tak ti thei a ni tih an ring a. Mahse tuntum inlarnaah erawh hi chuan A kut hliamhma awm avangin zawlnei ropui pakhat ang maia an lo hmuh thin dan ang ni lovin, khenbeh Isua ngei a ni tih a en tir a. Isua chu a tho leh ani tih a chiang em em bawk. Chumainilovin, he naupang kumriatmi hian hetiang chanchin mak danglam tak hi engti kawng mahin phuahchawp chuan a sawi thei lo vang tih a chiang. Tin, he tiang Isua thilmak tih hi an chuangah thleng lo se chuan nisawmpanga chhung nun ngaihna a awm lo vang tih a chiang bawk.
Film lar tak ” Isua tawrhna ” ( The passion of Christ ) pawh Middle East Media a fan chhuaka, Ram hruaituten kharbeh tuma tan an lak mek laiin an mithmuha hnawlbo theih a ni si lo,an lu a hai hle a ni. He thilmak lo thleng hi a darhzau zel ang tih a chiang a, vawinni thlengin Krist’n he khawvelhi a thu nunin a enkawl zel a, a mah ringlotuten an rina nun an neih theih nan.
thulakna: www.mizokhawvel.blogspot.com
