ZOIN: In thawmthang vel kan hria a, in zinga tel ve kan chak. In thlalak hrang hrang kan thlir a, in zinga tel ve kan chak lehzual. In video erawh kan la hmu a, khawngaihin remchang hmasa berah ZOIN kaltlanga en theih turin video clips min rawn thawn hram a ni ang chu’ tia, ngenna chu Malaysia lama kan hotupa Pu Mama tia kan kohduat, Pu Khalhliana chuan a hnuaia mi ang hian khawvel hmun hrang hranga zofate entheih turin a rawn hleh ta, kan lawm tak zet a ni.

Tin, CCK video clip chauh ni lo, Malaysia rama hmun pawimawh leh langsar, zofate’n tual an lenvelnaa building sang tak tak ngir khupna Video clip pawh a rawn hleh tel bawk hian ngaihtuahna tam tak min nei tir a, chu chu thil dang ni lovin, hetianga website-a tarlan tur; thlalak han siam te leh video clip hrang hrang han siam te hi mitkhat kara zawh mai theih ni suh, hun tam tak pek ngai leh Mizo tlawmngaihna chul thei vawnnunna kawng khat a ni, tia innghahna nei lo tana hnunglam hawisan mai theih thil a nih laia Pu Mama’n a sangawi zawnpuite beiseina a rawn ti hlawhtling zel hi kan lawm em em a ni tih ka han sawinawn leh a ni e. Ed.

ZOIN inlengte inkhawsatna hmunah theuh hlim leh lawm taka X-mas in hman theih ngei duhsakna nen—X-mas chibai kan buk a che u. Hei le, kumin X-mas puala kan hlathlan atan; kan hlakungpui Pu Rokunga phuah “Kumpuisul a lo vei chang hian” tih hi kan rawn thlang a ni.

He hla kan han thlanna chhan deuh te chu; amah Pu Rokunga kan ngaihsan zia lantirna te, Mizo hla tam tak zingah he hla hian thiamtu/hretu (A thunawn tal) a ngah ber kan rin avang te, leh thangthar zaithiam thenkhatten a thluk dang deuh hmanga mawi tak taka an sak pawha tuna kan rawn vawrhchhuah; Bawngkawn (more…)

Tunlai hi ZOIN siam that mek a ni a, kar lovah ngai kan awh lehthuai turah ngai ila, tiin inlengte inhriatthiamna kan ngen a. Chutihlaiin Zaithiam Nunui hmel leh aw pawh a reh ta vang vang ta, tiin hman kuma Burma rama Zaia rawngbawlna an neih tum a, YZTP ten an lo Welcome-na Gospel Concert Video Clip kan han sikchhuak a ni. He hla hi a thu a thain a thluk nen pawh a inchawih mawi bakah a satu Nunui lahin a thlawh mawi em a sin. Eds.

By: Pu Mama, Malaysia
Zaithiam Nl. Zohlupuii Video lakna hmun hi Malaysia tlangram hmun engthawl nuam tak; Genting Higthland a ni. He hmunah hian Inkhelhna leh intihlimna chi hrang hrang siam a ni a, khawvawt nuam tak mai leh chhum zing reng a ni vang hian tourist leh a rammi apui apangin khaw lum tawrh daihna atan an zin fo a ni. He hla hi Zovi u ( Fam ) phuah a ni a, hriatrengna atan a siam ani. Malysia zofate zingah zaithiam kan pung zel a, a lawmawm tak zet a ni. (more…)

By: Pu Mama, Malaysia
Kumin Mothers’ Day (May 9, 2010) pawh kum dang ang bawkin kan Fellowship(Mizo Christian Fellowship, Malaysia) chuan hlutna hunpui a hmang a, mipui inkhawm 230 chuang kan ni. Hun hman dan tlangpui chu; Pahovin Nute hnenah thilpek hlanna an nei a, Nuapang te pawh a hrana sem an ni. Nute Ni nena inkungkaih Paper chhiarna leh Sermon ngaihthlakna te kan neih bakah Nute puala hla thlan Pi Lungtiawii, Nl. Daisy leh Nl. Gospeli ten an sa a, (more…)

- Written by Thangmawia, Yangon
Kan zaithiam Nl. Edentharnghaki (Dubai), Nl. Estheri (Yangon) leh Nl. Lalrinkimi (Yangon) ten Pathian Hla “I THU NI SE” CD/Tape-in an tichhuak dawn e! May 1st Week-ah khian tlangzarh tum a ni.

“I THU NI SE” -ah hian Pathian Hla 13 khung a ni. Hlaphuah thiam mi 9-te phuah a ni a, CR Studio (Yangon) -a thun, 99% band perh a ni. Hla hnih thum tih lo chu hla thar diak a ni a; hla 4 vel phei chu a satu zinga mi Nl. Lalrinkimi phuah a ni nghe nghe. Heti anga Pathian hla an tichhuak hi a ropui hle. Hla a mawiin, a thuken (message) pawh a tha hlawm hle. Ngaithlatu ten rilru leh thlarau lamah chakna thar an hmu ngei ang le! (more…)

ZOIN: “Zoawi Album Vol. 1 (VCD) kan siam tumah khan hun tam tak sengin leh uluk takin, a sur a sa pawh thlu lovin beihpui kan thlak ho a, kan tanrualna leh Pathian tanpuina azarah Album chu kan tlin tawkin kan tichhuak ve thei kha a ni a, kan lawm khawp mai. Album siam tura kan inbuatsaihnaah khan hmun hrang hrangah shooting kan nei a, mahse album ah khan kim chang takin hmunhma kan lakna te chu kan ti tel kim thei lo a, a pawi ka tiin ka ui thin khawp mai. Mahse hei, tunah chuan hun remchang ka neih hlauh avangin T. Lalnunzama hla “Der Thiam Mi U” tih chu a satu leh lemchangtu—Nl. Daisy nen (more…)

By: Tv. Hmingsawimawia, Tahan-Satawm
Tahan phaikuam boruak pawh kum dang aiin a sa/lum zual mahin a lang a, In hlumtu nu leh pa, pi leh pu te chuan hmaizah an lek nasa, hmaizah hmang/lek peih lem lo nula tlangvalte paw’n thingbuk hnuaiah thu khawmin khabe themthiam deuhte ti ti kotlangah kaiza thlan dupin tlaini kan liampui thin a, hlimawm dar dar thei tak a ni.

A khat tawkin lungpui li lamah te thlifim dawngin kan han tleh chho a, ei ho tura kan ken te kan han kheh hnu tawkfangah lungpui li ah te kan han inchiah a, tudang kan ngai bik lo ti awm tak kan ni e, nuam ve tak a ni. (more…)

Mizoramin Cheraw Kan hmanga Guinness World Record a siamna Video clip Youtube-a an dah chu a hmuna awm lo te leh youtube lama lenglut remchang lo te tan tiin ka han lachhawng e. Thilr a manhla ngei mai.Ed. (more…)

Kum 8 vel a nih atanga lo zai tan tawh, zai leh lam tui mi, Commerce ‘A’ Level, St. Stephen’s College, Chandigarh a zirlai, tleirawl Lianzuali music video hi lo en veh chhin rawh. (more…)

—Dika
Zofate hian hnam lam chi hrang hrang kan nei a, khawvel a changkan ang ziazelin kan hnam lam thenkhat phei hi chuan khuavel a chhing ta, a lawmawm hle. Tin, kan awmna tlang a hran ang zelin kan lam dan ziarang pawh hi inang tak siin a danglam hret zel bawk a. Tuna kan en tur Video Clips pawh hi Cheraw-tlawh Lam chikhat chu a ni ngei mai, keiphei chuan hetiang hi ka la hmu ngai hauh lo. Mawi tak a ni. An hla hian lung mi a len hle bawk. He hla hi Halkha leh Mizovin a awm ve ngeiin ka hria. (more…)

By: Pu Mama, Malaysia
Kum hlui thlah liam thei tura nunna min petu kan biak Pathian hming chu fakin awm rawh se. Kum hlui lama kan hun kal tawh te thlir letin a tha lo na lai apiangte siam that tumin, kum tharah chuan rilru thar nen hlim leh lawm taka hun hmang theitu kan nih theih nan Pathianin min awmpui theuh rawh se.

Hei, kum hlui mual liam tur thlahna atan thlalak ka han thawh ve a, chuan kum hlui thlahna hla pawh a video in ka siam a, a remchang apiangin khawngaihin min lo ngaihthlak sak ka beisei. Kum thar chibai ka buk a che u. (more…)

By: Pu Mama, Malaysia
December 12, 2009 khan Mizo Christian Fellowship, Malaysia hruaitute hlim takin kan leng (Picnic) dial dial.

—Dika
He hla hi tu-in-emaw chuan youtube-ah an la rawn dah ngei ang chu tia ka nghah reng laiin satawmpuia’n a rawn dah hlauh a, a lawmawm hle. 2008 YZTP DVD nei lo tan phei chuan a nihlawh thlak ngawt ang ti ila, kan ti sual lo mai thei. YZTP hruaituten 2005 atang khan an DVD ah, Zaithiam hming, Musician hming leh Hlaphuahtu hming hi hla tinah an rawn ziak tel thin a, an fel ka tiin an DVD ti changtlungtu pakhatah ka ngai. Kan Zaithiamte pawh hian midang hla an zai reng rengin hla phauhtu hming hi a remchan ang angin chawilang ngei ngei zel se la, tha ka ti. (more…)

—Dika
Zoram Khawvel huapah chuan hriat hlawh em em lo mah ni se, Burma ram Zofate chauh ni lo, Burma ram huap zaithiam zingah chuan a hlawhtling ber zingah leh BUrma rama mi lar ber zingah; Bo Bo Han tia hriatlar—Pu Zosangliana hi a tel a ni’ ti ila, dawtsawiah tumahin min ngai awm lo ve. (more…)

Hranghlui zaithiam leh hlaphuah thiam, T. Zorampel(ZODI)-a’n Mizo zaithiam hrang hrang te hmangin tunhnaiah a hlaphuah lawrkhawm Album a buatsaih thu chu mi tam zawkten kan hriattlan a rinawm a, a chhuahhlan pawh kan nghahhlelh theuh a rinawm bawk. (more…)