By: Ramzauva, Tahan
1. Bawlhhlawh ngai thei tak chuan sual a palzam chawk.
2. Faina hi ngaia neih pawi lo ber pawl a ni.
3. Mi changkang zingah zuk leh hmuam a bo.
4. I in-chhungah Lal anga awm i duh chuan i nupui chu Lalnu angin en la. Chaw chhumtu ang chauha i enchuan nang pawh chaw chhum hotupa(Head Cook) ang vel i ni ang.

5. In chu kuta sak a ni a, chhungkua erawh thinlunga din a ni.
6. Rui buai fo mi neih aiin Kohhran, Khawtlanga inhmang mi nei an hlim zawk.
7. Lalpa tihna nena lehkha thiam chu rangkachak aiin a hlu.
8. Inkhawm peih lo Kristian chu Excer la peh lo infiammi ang a ni.
9. Kohhran, Department-a rawngbawltu ni si, Zu in ching chu mi nalh taka inchei, a hnunglam en a, E- heu tih, a hmalama A-ha tih ang vel a ni.

10. Puitling pakhat i chhandam chuan mi pakhat i chhandam a ni a, naupang pakhat i chhandam erawh chuan mi tam tak i chhandam a ni.
11. Zirtirna eng pawh hi kan zirtirte nungchang hriatchianna nen lo chuan a hlawhtling thei lo.
12. Khawtlang thilah a theih anga inhman a tha, tlawmngaihna leh khawtlang rawngbawlna hi midangte tiha khek mai bik tur a ni lo. Midang kan mawmawh angin, midang pawhin min mawmawh tih hriat tur a ni.

13.Tanpui ngaite tanpui la, Pathianin a tanpui ang che.
14. Thenawm tha neih tum ngawt lovin, Thenawm tha nih tum zawk rawh.
15. A thiltiha mi rinawm chuan Lalpa hnen atangin lawmman a dawng thin.

lakchhawnna: Thalai Entu, March—2006

‘NU HMANGAIHNA’
By: RL Hmangaiha

1. Chung Khuanu’n min din,
Ka Chunnu’n min pai;
Mim ang lo piangin,
A tangnem belin,
A hnuntui min barh,
Thing delh loh, lung delh loh te a,
Min chawi sei liantu,
Ka ‘NU’ min enkawlna chu.

2. Chung Pathianin min veng,
Ka Chunnu’n a rilru a seng;
Sial ang lo thangin,
Ka mamawh tinreng,
Silh fen mawi min thuam,
Rual ka ban theih nan,
A theihna zawng zawng sengtu,
Ka ‘NU’ tha sen zozai chu.

3. Hriatna ka neih theih nan,
Zirna runah min lawitir;
Nun dan ka thiam theih nan,
Min zilh, min fak, min zirtir;
Ka tlakchham loh nan,
Nunkawng tha ber min hrilhtu,
Ka ‘NU’ dawhtheihna chu.

4. Ka tana tawngtai thingthi,
Hringnun chaw tha min lemtir,
Beiseina nen min thlir;
A tana pangpar mawi ni turin,
Ka tan tui ang a luang ral,
Ka puitlin theih nan a nun hlu,
Ni tin a theihna zawng hlantu,
Ka ‘NU’ hmangaihna chu.

5. Ka rul seng lawng a hun liam ta te,
A chaw min thialsakna kha zawng;
Ka dam lohva a tlaivar zan tam,
Min puakna hnungzang kulte hi!
Ka silh mawi nan a inbel chhiatzia,
Ka hlim nana zah a tawrh zat te,
Nu hmangaihna a lo thuk ber e.###

“KA NU HMANGAIHNA”
LALSANGZUALI SAILO

KA NU MANGTHA
Hniang Hniangi

VITAMIN
V—Vawiin hi a rawn kir leh ngai dawn tawh lo. Thil tha,
chhinchhiahtlak pakhat tal tih tumin hun i hmang dawn nia.

I—I bula mi te kha an thatlohna aiin an thatna lai hmuh sak hram
hram hram teh.

T— Tawngkam thain sial a man.

A —Ang pung pung lovin, zawi muang dap a thil i sawi khan mi
rilruah i tla na zawk.

M—Midang pakhat tal tan malsawmna ni tum teh.

I—Insumtheihna kawng engkimah insum tum rawh.

                 N—Nui hmel i put khan i bula mitten a letin an ngaihnat phah che.

A chunga kan han tar lan hi hman deuh khan internet atanga ka lo dah that a ni a. Ka lakna ber kha ka hre chhuak thei tawh lo va. A ziaktu chuan min lo ngaithiam se la. A tawi hle na a zir tur tamtak a awm in ka hria a, kan han sem ve duh che u a ni. In lo chhiar ve tawh mai thei bawk.

In Thawhpui,
Women’s Ministry

(Teziri Fanai, Singapore)

Darthlalangah ka inen,
Ka innuih sak,
Ka mawi ber e.
Ka zawng hmasa ber keima hmel,
Group thlalakah.
‘Ka leh kei’ intihnain ka inthuam,
Harsat mangan tawn hma chuan. (more…)

(The Rengs, Singapore)

Ka nu,
Saisentet ata mi chawilian a,
Ka tan huphurh leh hlauh reng
I nei si lo.
I hmangaihna hi ka tan a tawk a,
Ka no-ah hian a luang liam a ni.
Mahse… ngaithiam teh.
Tleitir-biangno-vi’n mi man tak hi.
Sorry! (more…)

By: Joanna Fuchs

Christmas isn’t showy gifts
Or glittering decoration;
It’s honouring our Savior, Jesus Christ
In humble adoration.

(more…)

By: Ela Khiangte, Australia

By: Sayama Ringi, Tahan

Aw ka Lalpa….leh ka Pathian,
I thiltihte….a va tam em!
I finna a….i siam a ni;
Leilung zawng hi….i hausakna,
A khat liam e….chhiar sen rual loh;
Nimahsela…. (more…)

By: Chhuantea Pa, Tahan “B”

Thenna ramah kan len lai hian,
Kan then leh-thin lungduh lenrual;
Zonun hruaitu Si-ar eng mawi,
Sakhming V.L a her liam ta;
Thinlai rukah hrilh a hai ngei.

A sakhmel mawi, kimtlang zawh leh,
Suangtuahna hlu thiamthang zawng nen;
Awmlai lengin a hruai tui ta,
A pam em e, chul hlen turah;
Ka ngaingam nem, lung vai ruai e..

(more…)

By: Chhuantea Pa, Tahan “B”

Thal romei zam a kiang zo ta, Chungkhua lo ri a hnim ruai e;
Suihlung mu ang a len laiin, Mawiten hram e di au huiva;
Hui hui e ka te te hui hui.

(more…)

“Zofa Leng”

1. Eng an ti nge kan pi puten, Puan ang hnawlin thlang an tlak le?
Doral hlau nge suihlung mawl vang? Kirzai relin lam ang an let;
Chhak tiang kawl rawn vang khaw nuama’n.

(more…)

By: Jerry Hlua, Norway

Vawin June 15, Father’s Day hi, a then te chuan “PA” te chawimawiin hlim takin hun an hmang pawh a ni mahna, kei ka rilrua lo langchhuak ve thung chu!

(more…)

Hringmi zaleng zingah,
Uai lote’n vul reng nang che.
I parmawi rimtui tlanin,
Vatin suihlung an rual e.
A tha dang mi tawnah,

(more…)