Dr. Lalawmpuii hi; October 05, 1975 khan Pu D.C. James-a leh Pi Khin Thet Lwin-te fanu ni turin a lo piang a. Amah hi mi nunem leh nu hnap mai a ni a, Yangon Branch PYF-ah Treasurer hna a chelh mek a, kohhran rawngbawlna kawng hrang hranga inpe zo thei tak a ni. Editorial Board chuan ni 21March 2011 khan Yangon PCM Office-ah Interview a neihpui a, amah hi PYF member zinga Ph.D. hmu hmasa ber a ni. Tunah hian No (9) Nyar-na-thu-kha Street, 2A Sanpya Quarter, Mingaladon, Yangon (Ph. 0973029311)-ah a khawsa mek.

(Thalai Entu = TE)  (Dr.Awmpuii = AwP)

TE : High School/College/University i kaina min hrilh thei ang em le?
AwP : High School hi BEHS (5) Mingaladon-ah ka zir a, College leh Unversity erawh chu Hlaing Campus, Yangon University-ah ka zir.

TE : Ph.D zirnaa i major subject leh i dissertation atan eng nge i thlan?

AwP : Physics hi ka major subject a ni a, ka dissertation atana ka thlan chu “Growth of Pb 1-x La x Ti 1-x/4 O 3 (x = 0.04 ~0.06 mol) Thin film for non-volatile memory device application” a ni. A hma chuan theory leh practical hi a hran ve vea research beih a ni thin a, tunah erawh chuan theory leh practical kan zawngchhuak ve ve tawh a ni.

TE : Ph.D zir thei tur hian M.Sc engtia pass tur nge ni?

AwP : M.Sc kan zir lai hian M1 leh M2 a awm a, kum hnih chhungin grade 8 pass a ngai a, kum khatnaah grade 3 chauh i pass a nih chuan a kum hnihnaah grade 5 i pass ngei ngei a ngai tihna a ni.

TE : Ph.D hmu tur hian kum eng zat zir nge tul?

AwP : Ph.D hmu tur chuan a hmasa berah Master of Research kan tih M.Res kum khat chhung zir phawt a tul a, M.Res degree kan hmuh hnuah Pre-Liminary kum khat chhung zir leh a tul a ni. Chumi hnuah chauh kum li chhung Ph.D dissertation kum 4 chhung kan bei leh. Kum 4 aia tam dissertation ziah hi phal a ni lo.

TE : Sum leh pai senso a hautak em? Tu nge sponsor che?

AwP : Hautak e. Kan sen zawng zawng hi belh khawm chuan a tam khawp mai. Amarawhchu a zat chiah ka sawi thei ta lo a ni. A chang chuan kar khat chhung leka nuai hnih dawn dawn kan sen chan te pawh a awm a ni. Min sponsor-tu hi ka Pathian leh ka chhungte an ni. Chu mai bakah, kei ngei pawh inhlawh phaha Ph.D hi zir ka ni. Middle leh high school zirlaite tuition ka pek thin bakah 1999 atang khan Loreal Cosmetic Company-ah hna ka thawk. Chumi hnuah erawh chuan kar khatah Ph.D hmu turin tum 2/3 practical beih a tul thin si a, company-a ka hnathawh chu ka bansan a tul ta a, naupangte tuition pek chiah chu ka thawk thei ta a ni.

TE : Ph.D degree neih hi i lo tum thin reng em?

AwP : Ph.D hmuh tum mai hi ka ni lo. Dam lo enkawltu Doctor nih hi ka lo tum thin zawk a. Pawl sawm kha D-4 nen ka pass a, amarawhchu ka mark-in doctor mark a pha ta lo hlauh mai a. D hmuh tam bakah subject eng nge maw berah kan mark a sang a nih chuan chu subject-ah chuan scholarship a hmuh theih a, Physics-ah mark 93 ka hmuh avangin Physics-ah scholarship ka hmu ta a ni. Ka hming hmaah Doctor tih inziak hrim hrim hmuh hi ka la chak fo va, chuvangin Physics subject-ah ka doctor lui ta hram a nih hi.

TE : Tunah hian eng hna nge thawh i tum? Kan ramah hian Ph.D degree nei tan sorkarah hna hmuh a awl em?

AwP : Sorkar college-a zirtirtu hna thawk tur chuan kum 35 aia upat loh a tul si a, sorkar college-ah chuan ka thawk thei tawh lo tihna a ni ang. Hei hi ka zirpui ka thiante nen pawh kan buaina ber a ni thin. Ph.D pawh hmu mah ila, kan kum a tam tawh si a, sorkarah hna kan hmu thei tawh chuang si lo tia Ph.D zirlaia ban tum mai pawh an tam thin. Kei ngei pawh zir zawm tawh lova hna thawh mai te ka tum reng fo a ni.

TE : Secular-a doctorate degree zir thei chinte hi kohhran hian sponsor zawnsak se tih thu hi GA-ah thlen a ni tawh thin a, hemi chungchang hi engtin nge i ngaih?

AwP : An tih theih chuan a tha ka ti khawp mai. A tluktu a awm chuang hleinem. Ph.D zir hi senso a tam em em si a. Yangon khawchhunga awm tan chuan a la ziaawm. Mi rethei te te kan nih vang hian khaw hla atanga Ph.D zir tura Yangon/Mandalay vela rawn zir phei chu harsa tak a ni. Chuvangin zir thei dinhmuna ding reng si a, sumin a tlin loh avanga zir chhunzawm thei ta lo zirlai thalai tam tak an awm a ni. Khaw danga awm zirlaite tan chuan Ph.D zir chu thil theih loh tluk a ni. Kei ngei pawhin M.Sc ka zirlai khan MCC atang kum khat chhung ka zirna tur scholarship ka dawng a. Amarawhchu, Pathian Thu zirlaiten scholarship an dil nasat em thin avangin secular lam hian MCC atang scholarship hi kan dawng thei mumal ta lo a ni.

TE : I zirna kawngah eng harsatnate nge i tawh? Engtin nge i pal tlang?

AwP : Pathian zarah harsatna ka neih em em ka hre lo. Ama’rawhchu, hna thawk phaha zir ka nih angin ka zirlai aia ka hnathawh ka vei zawk chang a awm thin, chuvangin ka zirlaiah rilru pek theih loh chang ka nei fo reng a, chutiang harsatna ka tawh chang chuan Pathian hnenah ka inhlan thar leh thin a, Kohhranho pawhin min tawngtaipui fo thin. Zirlai ka nih avangin chhungkaw mamawh ka tihsak theih loh chang pawh a tam thin hle a, a chang chuan inthlahrun a na duh khawp mai. Ama’rawhchu ka chhungte hi an tha em em a, ka rilru hah hlauvin lehkha ka zirlai chuan an dam lohna chungchang pawh min hrilh ngam ngai lo a ni.

TE : Zirlaiten eng ang rilrupuin nge lehkha zir se tha i tih le?

AwP : Pakhatnaah chuan mahni zirlai hi thiam tak leh chiang taka zirthiam a pawimawh ber a. A pahnihnaah chuan tum nei rana zir hi pawimawh ka ti hle bawk.

TE : Degree sang ber Ph.D degree hial i nei ta reng mai a, i zirlaiah hian hlawhtling i inti em?

AwP : A chang chuan Ph.D hmu tawh si, sorkarah pawh hna hmuh theih tawh si loh tiin ka lungngai thin. Kristian kan nih angin Pathian hian tul a tih hunah chuan ka thawh tur tawk hna chu min la pe ngei ang tih hi ka ring tlat a ni. Sorkarah hna hmu dawn lo mah ila, private school hian degree nei sang leh mi thiamte an la mamawh em em a, chance ka la nei thaah ka inngai. Ka zirthiamna hi a hlawkna ka la tel tak tak loh avang erawh chuan hlawhchhamah ka la inngai a tih theih awm e.

TE : Zirlaite hnena i sawi duh leh chah duhte eng nge ni le?

AwP : Ka sawi tawh angin, eng pawh zir ila, thiam tak leh thahnemngai taka zir turin zirlaite hi ka chah duh a. Tin, tunlai khawvelah zirna ngaih pawimawh vanga Sakhuana/Kohhran thil ngaihthah hi tha ka ti lo. Zirlai ni chung reng pawhin Kohhrana inhman luih hram hram hi a pawimawh a, a hlawkthlak hle bawk a ni tih hi ka tarlang duh bawk.

TE : Kohhranah eng tiangin nge i inhman?

AwP : Yangon PYF thalaiah hian kumin thlengin kum 7 chhung chu a zawnin PYF Treasurer nihna ka chelh.

TE : Sawi duh dang i la nei em?

AwP : Tunlai khawvel mila hna thawh thiam tum hi pawimawh ka ti hle a ni. Kan hriat theuh angin kan khawvel hi computer hun a ni tawh a, kei hi computer pawh khawih thiam mumal lo ka ni. Hna ka thawhin ka thawhpui computer thiamten min thawh khalh zung zung tawh mai si a, Degree nei sang ringawt mah ila, thiante el pha tur chuan computer nena hnathawh thiam a tul a ni tih ka hria a. Chuvangin computer pawh ka zir that leh hial a tul a ni.

Tin, Kohhran member zawng zawng hnenah in mi tawngtaipuina ka ngen ngawih ngawih bawk a. Ka pa-in min boralsan hnuah hian kan chhungkuaah keimah chiah hi Kristian awmchhun ka ni ta a. Ka chhungte hian Kristian ka ni hi mi hriatthiampui em em laiin, sakhuana inanglo chhungkaw khata chenho hi thil awlai a ni hauh chuang lo. Ka naupan lai atanga ka tawngtaina bang thei lo chu “ni khat khatah ka chhungte hi Kristianah siam ang che” tih hi a ni. Chu chu ka beisei lian ber a ni a, engtik niah emaw chuan kan chhungkuaa Kristian kan nih pawh ka ring tlat a ni. Chu chu tawngtai thupui atan Kohhran zawng zawng hnenah ka rawn thehlut nghal a ni e. Ka lawm e.

thulakna: Thalai Entu-PYF-TahanikoniИкониПодаръциИдея за подарък

Hming: Man San Niang (D/o Pa Thang Khan Pau “Township Immigration Officer” & Nu Niang San Lun
Pian ni leh thla: 18.1.1990
Address: No. 101, Thanzin Khun, Kalaymyo
Qualification: B.A. (Eng.), 2009
San lam: 5’ 5”

Q: Eng nge i hobby?
A: Modelling and Art

Q: Eng rawng nge mawi i tih ber?
A: A var hian ka mit a la ber.

Q: Thawmhnaw hak atana i duh ber?
A: Casual hak tur atan chuan T-shirts, Vest leh Jeans pant te an ni mai.

Q: Ei in i ngainat ber?
A: Ei tura siam leh ei theih apiang hi ka ei zel mai chu a ni.

Q: Nikhat khata nula nafam chu pasal neih hun te i la nei ve ang a, tah chuan i pasal tur chu eng ang mi nge nise I duh?
A: Mahni Chin pui zinga mi Pathian min pek apiang a ni mai.

Q: Chin mi i nih avanga zah ngawih ngawihna emaw, inkiltawihna emaw i nei tawh ngai em?
A: Ka nei ngai lo. Zahna tur pawh niin ka hre lo. Keimahah chuan ka zahpui lo mai ni lovin ka chhuang zawk fo a ni, Chin mi nih hi.

Q: I thalaipui te hnenah chah duh i nei em?
A: Aw,…eng lo,..Zirna leh hnathawh lamah hma kan lo sawn ta viau a, Art leh Modelling lamah hian kan tlan lo lutuk ka ti a, Modelling lama tlana ei zawng thei tur khawp Zo hnahthlak zingah ka hmu nual si a. Modelling lam leh Art lamah hian nasa takin tan I la ang u, tih ka thalaipuite ka chah duh.

Q: Nangni Hakha, keini Falam, an ni Lushai .. etc tih vela keimahni leh keimahni kan intihrang thin hi engtinnge i hmuh?
A: Midangin ka hmuh dan min tawmpui ve se pawh ka ti ngam chuang lo nachungin keimahah chuan angkhatin ka hmu. Mi ‘eng hnam nge’ tia ka zawha ‘Chin ka ni’ an tih tawh chuan ‘Eng Chin nge’ hi ka ti tawh ngai lo. Chin hnahthhlak zawng zawng hmun khat viau mah ila kan la tlem nen kei chu intih hran vel hi a pawi ka ti lutuk. Inpumkhatna tur kawngah Tuna Zoin website chetzia ang hi tha ka ti lutuk. Zo hnahthlak huang kima hawng thei website hi ka va chhuang tak em? Zo International Network dik tak a ni. Ka appreciate lutuks.

Q: Nupui pasal Parcel Packing-a inneih hi eng tin nge i hmuh?
A: Ka support lo. Inngaizawng sa emaw inngaizawng tawh thin emaw an niha mizia an inhre sa viau a nih chuan ka la ngaithiam deuh. Chutiang ni lo phei chu a tih chi ka ti lo. Hmangaihna hi thu namai a ni lo. Inneih phei chu; chu aiin a thupui daih. Thil thupui tak ngaihzamnaah ka ngai.

Q: Show leh Contest-a i tel tawhna te?
1) Kalay University English Department Family Beauty Queen (2007)
2) Zomi Siamsin Kipawlna Beauty Queen (2007)
3) Kalay University First Runner Up Queen (2009)
4) Khua Do Pawi Model (2008)
5) Siamsin Seminar Show (2008)
6) Khua Do Pawi (2009)
7) ZO International Network Award Show (2009)
8) TBC conference Show (Haupi Village) 2009
9) Oramin F (Upper Myanmar) 2010
10) Cope Centenary Feast (Tedim) 2010
11) Forever Fashion Shop & Shadow Model 2011
12) Tedim 2010 leh 2011 Calendar Lead Featuring Model
Heng te hi an ni.

Q: I mail ID min hrilh phal em?
Hrilh phal e. mannianghoih@gmail.com
Facebook: Man San Niang San

Q: Hun min pe a, kan lawm hle mai.
A: Keimah zawk ka lawm lutuk.
Interviewer: J.Khuma & R.L. Hmangaiha

 —Hming:  LALDUHAWMI

—Khua:  Sanmyo
—San lam:5′ 6″
—Nu leh pa: Pu Kaithanga leh Pi Fangzauvi
—Unau zat:4
—Zirna: B.A(Geog.)
—Hnathawh: Dawr nghah
—Ei in ngainat zawng:  fried noddle(si-chiat)
—Mipa ngainat zawng: Tawng tam lo, mahni aia hniam lo, mi hriatthiamna nei, zuk leh hmuam tilo, nupui fanau chawm thei, leh mize puitling tak.
—Inneih dan tha ber: Puklawk tel miah lova innei.
—Sport ngainat zawng: Football
—Film ngainat zawng: Korea film
—Khawtlang hnathawh: Game Treasurer
—Email: lalduhawmi.cc@gmail.com

Aw le, he beauty column hi thla tin tihchhuah theih kan beisei a. Kan vision chu kan nula te theh lar tumna lam ringawt ni lovin hmelah leh pian nalhah te, zirnaah te, hnathawhah te rual kan pawl ve tawh viau niin kan hria a, chungte chu zahpui lova tarlan ngam a hun tawh niin kan hria. Tin, tunlaiah hnam changkang zawkte chuan an hmelthatna, pian nalhna te hi thianghlim takin ei zawn nan an lo hmang daih tawh a, keini paw’n chu chu kan zir ve a thiang a ni lawm ni kan ti deuh bawk.

Chuvangin, Chhaktiang Editorial board-te interview kher ngai lo pawhin mahni chanchin tawi(data)—a chunga kan tarlan ang bakah; tel ngei se thaa kan duh a awm a nih chuan ziak lang bawk ila. Tin, mahni thlalak tel bawk se, tichuan (more…)

By: Zaithangpuii Vuangtu
Zofate zingah hian mi dangdai, pawn lam atanga han en a, en liam mai tur ni awm tak, chhung lama rangkachak pai si, tawngkam danga “rangkachak pawnchhiaa fun” an tih ang mai hi an awm ve zauh zauh a. Chung zingah chuan tuna kan han phochhuah tur V.L. Rema, a pen name atana :Rairahtea: tih a hman avanga he hminga kan hriat lar zawk, a address pawh khawi hmunah pawh awm se “hmunkhawhar” ti tlat thin hi a tel ve lo thei lo vang.

Khawvel hi hausakna mita ngaihsan tur zawngte tan amahah chhuan tur leh awh tur a awm hauh lo a, pawn lam lan dan atanga ngaihsan tur leh chawimawi tur zawngtute tan pawh amahah engmah hmuh tur a awm lo. Amaherawhchu, a thinlung tlawm taka riak reng; Zofate thatna tura kawlawm hmanga a thaichhuah thin te, Mizo nun mawi chi hrang hrang kan thlauhthlak tur uia a theih ang anga a au lawm lawm thinna avang hian Zofate literature khawvelah chuan amah hre lo pawhin a hming tal chu an hre ngei tur a ni. (more…)

ZAWLAIDI: Zoram khawpui lian zinga hmuh chakawm em em pakhat, Lunglei lam chu pan in;
“A saw raltiang Leitlangpui tualnuamah sawn e,
Tleitir dawnthartuaite a leng an ti…”

tih hla ngaithla chung zelin kan kal a. Chhiat tawh avanga kal ni mahila Fam Lalzova te, Roliana Ralte leh F. Rokima te duh ang thala tual an lo chaina vangkhua a nih bawk vang leh anmahni biak theih chang tawh lo mahse,lei daia riahrun an remna hmun ngei tlawh ve hrim hrim chakna chuan thlen min nghahhlelh tir a. Lungngaihna ruam atang pawhin phurna tlem azawng chu min la neihtir miau bawk a. Kan tana Leitlangpui mawitu hmel kan hmu thei dawn vei bawk nen.

Tichuan an sawi Leitlangpui ngei chu kan thleng ta a. Kan tum ang zawng zawng a tlawlh deuhthaw ta mai a. Kan tum tak zaithiam Betsy-i te In ah kal kan chak ang ngeiin kan leng thei hlauh mai. Amah Leitlangpui mawitu-i damkawr ngeiin min lenpui bawk a, a hlimawm in, a hlawkthlak hle. Leee! Betsy-i (more…)

ZOIN: Burma rama Zofate bitna khawpui Tahan leh a chhehvelah hian eng magazine nge tunlaiah hian lar ber leh thu-leh-hlaah thawhhlawk ber ang? tiin inzawt ta ang ni ila, zawhna dawngtu apiangte chuan eng sawi set set lovin, “Hruaitu Arsi Magazine hi le”, tiin an chhang vek ngei ang ti ila, kan sawisual hulhual chu a rinawm lo.

Tin, ZOIN ah pawh Hruaitu Arsi chanchin leh a rawngbawlna tlangpui chu tarlan a ni thin tawh a, tuntumah chuan a chanchin lamah liluh lovin a hmalakna huangkhat atanga pawimawh tak, mi hlawhtlingte chawimawina atana biangbiakna (interview) an neih thin chu an hun chep tak karah (more…)

HRUAITU ARSI: August 20, 2010, Zirtawpni khan Hruaitu Arsi chhuahtu mi 5-te chuan Kanan khuaa KAWLNI RÛN kan va thleng a, bathlar leh tualah te an lo zi nuk nuk a, phûr taka kan inchibai hnu chuan hun hman dan turte sawiho hmasa turin khawchhung hruaitu zinga la kim lote pawh phone-a an han inkohkohawm hnu ah a hnuaia mi ang hian inkhawmna neih a ni a. Kawlni Rûn chu Pu Hrangluaia (HLA) In a ni.

HA : Khai aw, i thlawhhma leh i chanchinte hriat duha lo kal kan ni a, thim hmaa kan en hman dawn chuan lo lam chu pan hmasa ila.
HLA : Hnai tê a nia, kan rei lêm lo vang. I kal ang u hming. (A tiang hawl tur tha zâwk a chuh a, kan in inzui chhuak ta a). (more…)

Hruaitu Arsi: Kawlphai Zofate zinga zirnaa mi hlawhtling leh entawn tlak—Pu J. Khuma hi Hruaitu Arsi Editorial Board-in a chênna in, Tahan ‘G’-ah an kawm a, inhawng taka kan zawhnate min chhang hi kan lawm hle.
H.A : I hming awmzia hi min hrilh thei em?
Ka hming pum chu Chal Than Khuma a ni a, J hi hriat hran theih nan leh buaipui chiam lo mah ila, kan hnam Jangiat a nih avanga dah ve deuh chu a ni awm e.

H.A : I nu leh pa hming, pian kum, seilenna khua leh unaute min hrilh thei em?
Ka pa hi J. Khuanga a ni a. Ani pawh a hming tluan chu Khuang Chin Thanga a ni. Ka nu hi Lalthlamuani a ni. Kum 1978 January ni 4 (Nilaini)ah Tlangzawlah ka piang a, ka seilenna a ni bawk. Pianpui unau – mipa pahnih leh hmeichhia pakhat ka nei. (more…)

ZOIN: Kumin, May thla khan kan Hotupa Pu Zawma leh a thiannu Pi Mawitei te chu an thlawhhma lakna khawpui Abu Dahbi, UAE atangin an khua; Letpanchaung, Kalaymyo, Burmaah chawlh hmangin an haw a. Chhungkaw tana pawimawh neuh neuh an singsak fel hnuah, Tahan-ah then-leh-rual unaute tlawh kualin kar khat zet an cham a, thiante nen sulhnute fang kualin hun an hmang hlu hlea hriat a ni. An nupaa Tahan an chham chhung hian Hruaitu Arsi (more…)

By: B. Zosangliana, Tahan
Hmeichhe puanthui thiam hlun leh hlawhtling zinga mi Pi Vanlaltlani nun hian puanthui hi eizawnna tha leh dinchhuahpuina tham a nihzia a phochhuak tha hle a; puanthui hi mi bik kan nihtheihna tura hna duhawm tak a nihzia a lang chiang a ni. Pi Tlani hi an chhungin anmahni In Tahan ‘F’-ah an chêng.

H.A : I nu leh pa hming leh an chanchin tawi min hrilh thei em?
Ka pa chu Saichhuma a ni a, ka nu chu Hlawnchhingi a ni. Ka pa hi Burma sipai bâng a ni a, kum 1989 khan sipai atangin a pension a, Tahanah kan rawn chho ta a ni. (more…)

ZOIN: Kumin 2010, June thlaa Burma ram chhung huap—University zirlai zinga hmeltha leh piannalh ber thlannaa inlan tur Nula 20 zingah Mizo Nula—Lalhlimpuii a tel dawn a ni.

Awle, Nula chhuanawm—Lalhlimpuii (Mahlimi) chanchin lawmawm tak hre thawitu zing a, Tahan khawpuia thlakip chhuak chanchinbu—Chhaktiang Thalai Arsi—(Vol. 1, No. 2) enkawltute chuan Mahlimi chanchin lawmawm an hriat ve hian an mawng an hung mai mai thei tawh lo nihmiang, a hnuaia tarlan ang hian an inkawmna thukhawchang atanga a then a zar kan rawn hlui a ni e. (more…)

ZOIN: Tahan phaikuama Leilet hmun nei zau ber Pu Thangreia biangbiakna thukhawchang tarlan a nih hnuah Sangha Dil nei zau leh hlawhtling—Pu Vanlalvena, kumin kum tir lama Hruaitu Arsi Magazine Editor Rev. H. Ngurnghaka leh (more…)

ZOIN: Tahan phaikuam a, huang hrang hranga mi hlawhtlingte biangbiakna(Interview) nei thintu zing a, Hruaitu Arsi Magazine enkawltute’n Lo (Ram hna) hnathawh kawnga mi hratkhawkheng leh mi hlawhtling—-Pu Thangreia biangbiakna an nei a, a chanchin hi hmun hrang hrang khawsa Zofate hriat atan ZOIN ah kan han phochhuak ve leh a ni. Hetianga kan mi hlawhtlingte biangbiakna Hruaitu Arsi Magazine enkawltute’n an nei thin hi an fakawmin a lawmawm tak zet a, chhiartute tan pawh mi hlawhtlingte chanchin atang hian chona thar kan neih phah ngei a rinawm a ni, tiin an thukhawchangah pakai nghal ila… (more…)

By: RL Hmangaiha (Te-a Kawlvalenchham)
Mi tinin in hriat lar em em, Setana hi media ho zingah tuma’n interview an la neihpui awm ka la hre lo va. A chanchin, a larzia, a thil tih theihzia hi kan hre hlawm viau chuan ka ring! Tunah amah chiang zawka a ruh lang rawt rawta ka zawhna min chhan dante hi I duh chuan han hnim hnai ve the le.
RL-a = Zawttu : ST-a= Setana (more…)

By: Puibawiha, Tahan
Pinkhung khua hi Tahan leh a chhehvela Mizo khuaah chuan khaw upa tak a ni. Ni 25. 4. 2010 khan Pinkhung khuaah ka leng a, kum 87 laia upa putar pakhat hi an Inhnuaiah a lo thu a. A bulah chuan ka va thu ve a, pa kawm nuam tak mai leh ti ti duh tak mai hi a ni a. A beng hraitna chu a la tha hle a, ring taka au ngai lovin kan inkawm thei a, mahse a khawhmuh erawh a fiah vak tawh lo. An In upat tawh zia leh tuna Pinkhung khuaa In dingah chuan In upa ber a nih tawh thute min hrilh a. (more…)

zozamweeklynews: October ni 26-29 chhung khan Mongolia-ah ‘Parliamentarian on the Field’ programme hmangin a kal a, chumi hnua Aizawla a rawn haw hnu-ah Zozam Weekly chuan Rajya Sabha MP Lalhmingliana a kawm a, chi inthliarna chungchang te, Mizoram sorkar a hmuh dan te, thil hrang hrang tiang hian a sawi. (more…)