Dr. Suirengliana

Hringnun kawng kan zawh chhung hian nitin ei-bar zawn leh khawsak changkanna lam zawngin kan phereng thin a. Sorkar hnathawk, Company hnathawk, sumdawng mi… etc.. thliar bik nei lovin kan zain inang khat vekin kan nitin khawsak dan a nawm theih nan leh nun kawng hmasawn tumna avangin kan zirin kan thawk theuh awm e. Mahni tan hlawkna leh hmasawn duhna rilru a lo lian chho ve zel bawk. Company emaw, INGO lian-a hna tha tak tak thawh duhna te a lo lian chho zel. Hna tha hmuh leh thawh kan duh chuan keimahniah bawk a innghat a. Zirna lamah degree sang tak tak te, diploma te…etc. nei nual mah ila ruahmanna felfai tak, CV/Resume tha tak ziak dan te, interview atana inbuatsaih dan te; kan hriat loh erawh chuan mahni beisei ang hna hmuh a har duh viau ang.

(more…)

- Valtea, Norway
Tuna kan chênna Norway leh kan chênna hmasa ram dinhmun hi a inthlau hle a, naupang an ngaih pawimawhzia leh an enkawl thatzia hi zir tham tak a ni. Nuin nau a pai tih a inhriat veleh damdawiinah an in check-up a. Chuti anga, an va inentir chuan nau chhar(midwife)-in a lo en a, thla hnih dan zêla inentir turin a chah a, inentir hun tur a hrilh nghal dap a; ti chuan, nau awm dan a that leh that loh a lo ensakziah thin. Nau chhar chauhvin a lo en lo va, doctor pawhin thla hnih danah a en thin. A hun a hnaih deuh leh an en zing a, thla khatah vawi hnih te an inentir thin. (more…)

By: Hrangluaia, Falam, Burma
Thu-chikmite chuan August thla hi thla tha bikah an ngai a. Pian thla atan pawh an duh bik a. An fate pawh August thlaa piang turin an inbuatsaih thin an ti a ni. Hriatna Ro Bawm pawh hi August thlaa piang tur hian a Chun leh Zua-te an lo infawp fuh lui pawh a ni mahna. August thlaah hian mi fing leh mi ropui tam tak an piang a. He mi thlaah vek hian mi tam takin lalthutthleng an luah tan bawk a ni. (more…)

By: Lawma Fanai

Zathawng tih hi Chin/Mizo naute Kachin or Jingpho tawng a ni a, nausen piang thar hming an phuah ni a malsawmna an hlana; chutia malsawmna an hlan paha sarep,purunvar & sawhthing chirawtlunga an den pah a thu an chham hi ani ber mai. New Zealand 2010 Chin National Day-ah pawh kan naute Kachin ho hian ,”Kan ute inni a, chibai buknan”, tiin an hnam chem, darkhuang leh eiin te an rawn hlan nghe nghe a ni.

(more…)

By: Mg. Hlua, Norway
Tun hma chuan Western ramah hian , mi hlawhtling leh mipa khawsa thei deuh te nawmchenna ni a an sawi thin chu, ” sakawr, hmeichhia , silai , zu”, hengte hi nideuh ber in an sawi thin. Hitlera pawh kha heng thilah te hian a in hnamhnawih lo hran bik lo va, tuntuma a thil tihah pawh hian hlawhtling se chuan hapta thum lai chu chawlhhahdam a tum a. Mahse tuntum a sawrkarna lak tum a tih fuh loh naah hian a mah leh mah inkahhlum hial pawh a tum nghe nghe a ni awm e. (more…)

-Pi Lalsawimawii
Bawkbawn bai
Buk-1= 1-Viss= 100-tical= 1.64-kg
Bawkbawn bai han tih hin thil dang thlak pawlh tur a awm ve teuh va, chungte chu: Behlawi hnah leh a rah te, samtawk te, bepui rah te hi tlem te theuhin hlak pawlh theih a ni. A siam dan chu hetiang hian:
Mi 5 ei turin…
* Bawkbawn—— 25 tical
* Behlawi hnah— tel 1
* Behlawi rah—– tel 1
* Bepui rah——- pum 15
* Samtawk —— 5tical
* Sa-um ——— Lawng fian 1
* Ching-al ——- Lawng fian 1
A hmasa berin tui tam vak lovin kan chhuang so hmasa ang a, tuiso-ah chuan a chunga kan tarlante khi kan thlak vek phawt ang. (more…)

By: Lal remruata, USA
Ka chenna North Carolina state ah chuan sorkar In (Housing Authority) hi mimal nilo nupui fanau nei, unau a awm nau te hna thawk lova school kal ang chi leh cheng lalut tam lo te tan dil theih a ni a (mimal tan pawh dil chhin chu a sual lo mahse an hlawh tling khat deuh). Kan cheng lakluh (income)nen pawh a inhnamhnawih bawk awm e. Thla khatah $1000.00 te hlawh chhuah loh chuan sorkar in hawh hi a awl leh zual awm e. Chhungkuaa awm,inchhunga paber chauh emaw,nuber chauh emaw hna thawk a nupui/pasal fanau te chawm tan phei chuan dil hlawhchham a awm lo tiila a sualtam lo vang. (more…)

By Ku Hlua, Norway
Indopui pakhat na kha kum 1918, November thla tir lamah khan a tawp a. Indona leh in huatna zawng zawng chu a bo ta a. He tih lai hian Berlin inkhawmpuiah chuan German Republic chu puan a ni bawk. Indopui pakhatna ( 1914-1918 ) a tel sipai thi zawng chu : maktaduai sawm deuh thaw an tling a. German chuan sipai 2,050,466 a hloh a, Austria-Hungary pawh in sipai 1,200,000 lai a hloh bawk a ni.

Indopui pakhat na kha tangrual pawlte leh Central Power an tihte indona a ni a. Tangrual pawl ( Allies ) -te chu Japan, USA , Italy, British Empire, China, Russia, etc te an ni a. Central Power an tih te chu : German, Ottoman Empire, Bulgeria leh , Austria-Hungary te an ni thung a. Tangrual pawl te hi an chak ta zawk a ni. Indona a sipai thi te chhut in, Tangrual sipai te chu an thi tam zawk hle a. Dik tak chuan German chu hneh tu an ni zawk mah a ni. (more…)

By: Ko Hlua, Norway
Tunlai khawvel changkang tawhah hian Geographical taka ram chanchin ziah hi thil tul vak niin a lang tawh lo a, a chhan chu Internet hmangin engkim a hriattheih tawh vang a ni. Mahse hemi piah lamah hian engnge maw ngaih nawm tak tak a awm mai thei a, chu’ng te chu tarlan kan tum dawn a ni. Kan tleirawl lai khan Sap ram hi kan ngaisang khawp a, sap ramah chuan engkim mai hi sawisel bo leh nuam hul hual turah te kan ngai thin. Mahse, a tak ramah hi chuan kan lo ngaihdan le-lua kha chu a ni hmel lem lo e. (more…)