By: Vuli, Aizawl
Hmanni khan ka thiante Canadian 4 (Val Grossmani tello), Mizorama Mautam vanga tuarte tanpui turin, tanpuina rawn kengin, filming te rawn lain an lokal a. Tunah pawh an la awm mek a.

Last Friday, Aizawl Local News paper 9/10 laiah pawh an chhuah a, tin media lam pawhin Press Conference kan nei lai zanlam News-ah an pe bawk a. Anmahni hruaitu ber chu Stuart Spani kha ani a. Ani hian Mizo te hi ZEF choir, Canada thro’ a alo hmelhriat ani. A fakawm hlein ka hria a, kum 76 mi niin, vawi 7 Mizoram alo kalna ani a, nakkum lamah alo kal tur thu press’ mite
ala hrilh cheu a! tin, a tute leh thiante thalai 3, mipa 2 leh hmeichhe 1 arawn hruai a, anni 3 hi Champhai lamah, farmers hote kawmin, organics farming leh tuna an lo neih dante enin min kalsana, amah Stuart hi chu Lunglei lam, Chhim kun, North Tlabung lamah Mautam boruak thlirin a kal a. An vai hian an lokal
chhan ber kha chu. Mautam avanga tam tuarte puihna rawn ken ania. ‘Dehydrated- vegetable- soup’ mi 500,00 lai ei tur Canada atangin rawn ship’ luh mek ani a, hei hi a bul tanna niah kan ngai a. Tin, a sample-soup’ an rawn keng a, a ingrediants- te pawh a tha tawk hle ani. Stuart hian,”Ka thih hma ngeiin Mizoram tan contribution siam ka duh” alo ti thin a,” Mizoram ka hmangaihna
chhan hi amak ka ti, Pathian vang ani” press ho hmaah ati bawk a!Tam tuar bakah, kan tourism leh agriculture- ah te hian hmalak a tum hle ani. A fakawmin ka hria a, kan Mizo pui pawh nilo, mahni sum seng leh kan hmasawnna leh tlaina ngaihtuaha, an rawn kal ve tawp thin hi mak ka ti a! ka han share’ ve duh che
ani.

Kan thian Chhim lama amite, kohhran lam reporter atanga kan hriat danin, Tlabung piah lamah chhungkaw tam takin nitinin bahra/bal… yams an lai a, chawah an ring tawh a. An khaw chhehvel mel 7/8 vel chutiang zawng chuan an kal thin a, chung
an chaw pawh chu avang sawt hle a. Mautam sazu in an buh leh thlai a eizo deuh vek a. Thenkhat kar 2/3 chaw ei mumal loh vanga Mit-thim…Mit- vai tawh an tam mai ani awm e. Tin, chhung thenkhat chaw ei tur awm tawk loh vangin ni 1 ah chaw
vawi 1 ei…kar 1 ah chaw vawi 3,4 ei leh chhungkua ngei pawh insual phah nual te an awm a ni. Tin, hri te pawh a leng tan bawk a. Thi em chu la awm lo mahse! A manganthlak hle mai a. Fur alo thlen phei chuan, khawpuiah tak ngial pawh chaw-supply a harsa thin si a.

Pathianin abik takin thingtlang mite tanpuitu tha tak apek zel theih nan te leh keimahni ngei pawhin tumah dem lova, tang tlanga kan inpuih nan leh kan khawngaihna kan lantir theih nante leh khawvel hmun hrang hranga kan unau Mizote
pawhin, thilpek leh tawngtaia min puih theih nan, he email hi ka han ziak a. Pawn lam puihna emaw, Sorkar puihna emaw ringawtin heng tuarna leh retheihna, tam leh hrite a hi tih tawp theih pawh niin a lang lova. Pathian puihna leh keimahni leh keimahni inpuihna leh tanpuina dilin, tawngtai ang u. A tul anga
abik takin thingtlang mite tuardan hi min lo tih darh sak turin ka han ngen bawk che a ni. A zual zel chuan, khawpui a rawn thleng ngei pawhin a rinawm a!