By: Dika
Chin Femine Emergency
Relief Committee (CFERC), Mizoram-India chuan Canada Dollar $5,555.00 (Sangnga leh zanga sawmnga—panga), Chin Christian Fellowship of Canada ten CHIN State Mautam tam tuarte tanpuina atana May 17, 2008-a an thawn chu fel taka an dawn tawh thu, dawn a ni.
Tunlai pawisa thleng rate nena thlengin tanpuina an dawn hi Rs. 229,497.09 (Nuaihnih leh singhnih—sangkua zali sawmkua pasarih leh 9 cent) a ni. CFERC hi Chin State, Burma khaw hrang hranga Mautam tam tuar, Zofate tanpuitu pawl a ni.
Tin, CFERC rawngbawlna huangah hian khawvel ram hrang hranga khawsa mek—Chin/Zofate hnen atanga tanpuina sum pawh tha hnem tawk tak an dawn thin tawh thu, dawn a ni a. Chu’ng mi tlawmngaite tanpuina sum tlingkhawm an dawn atang chuan buhfai bag 450 zet an lei tawh a. Tichuan, Aizawl atangin an pawl Working Groups innghahna bulpui—Saiha, Lawngtlai, Lunglei, Champhai leh Farkawn bial kal tlangin ram chhungah bufai bag 200 chuang zet chu sem chhuah a nih tawh thu pawh, dawn a ni a. Ni e, kan hriat theuh angin Burma ram insukthlek dan boruakte a zalen loh em vangah erawh fimkhur lehzuala tanpuina tlingkhawm hi sem chhunzawm a tul tawh dawn thu te nen, kan thudawnna hian a tuihnih a ni.
Awle, Canada ramah hian Zofate hi mi 600 vel awm tawka inhriat a ni. CCFC hi Canada rama Chin/Zofaten Sakhuana huanga an insuihkhawmna pawl awmchhun a ni. Tin, he pawl ti pumkhattu Canada ram—khawpui hrang hranga khawsa—Chin/Zofate Fellowship/Church te chu a hnuaia kan tarlante hi an ni.
1. Chin Baptist Church of Ottawa
2. Chin Christian Fellowship of Thundar Bay
3. Chin Baptist Church of Vancouver
4. Manitoba Chin Christian Fellowship
5. Chin Christian Fellowship of Toronto
6. Chin Baptist Church of Kitchener
7. Calgary Burmese Christian Fellowship
8. Chin Christian Fellowship of Kitchener
9. Chin Christian Fellowship of Regina, te an ni.
Awle, CCFC hi inkaihhruaina fel tak neia rawngbawl ho an ni a. Hetiang hian:
Co-ordinator: Pu Salai Cung Cin, MCCF, Winipeg
Asst. Co-ordinator: Pu Salai Mang Bik, CBC, Ottawa
Treasurer: Vanlaldika, CBCF, Calgary
Tin, Fellowship/Church atang hian palai member 2 theuh thlahin Yahoogroups-mail-a rorelna dawhkan kilhova inkaihhruaina neih a ni.
Zofate hi tanpuingaite intanpui tawn thin HNAM kan nih angin Chin State lama kan unau Mautam tam tuarte, CFERC kaltlang a,—mimal emaw, a Kohhran zawngin emaw leh a Khawtlangin emaw-a tanpuina pe duh tan a hnuaia kan tarlan—an puipate hnenah tanpuina thawn theih leh an rawngbawlna chanchin chiang zawka her duh tan biakpawh theih reng an ni. Hetiang hian:
Chairman: H.C Thawnga, Principal, Solomon’s High School, Upper Khatla, Aizawl. Email: chin_ferc@yahoo.com, Ph. 91 9862339586
Vice Chairman: Pu Lian No Thang
Secretary: Pu Sui Thawn
Asst. Secretary: Pu Lai Ko
Treasurer: Pi Chhungi Zahau
Fin. Secretary: Pu Ro Za Thang
Co-ordinator: Pu Terah Thantluang.
Mizoram leh Chin State ten mautam an tuarna tanpuina kawnga hmala tu te leh mipui an hnathawh dan chanchin han thlir hian fakawm ka tiin puitling ka ti tak zet a ni. Heng ram pahnih te hi ramri in kardan mahse hnam leh nihna in a kardan theih tak tak lo. Inchhawmdawl tawnin, lawmna leh tahna thil a lo thlenin an tangtlang zel hi a ropuina lai tak a ni mai awm e. Zawi zawiin inngaina tawn zel se, rilru lo zau tual tual thuai se a va nghahhlelhawm tak em!!! A zau tan riai riai bawk.
Chins/Zofa-Canadian : Pathian khawngaihna zarah kan hruaitu te an fel in/palai te nen trantlan/thawh ho na in kan ram tan theih ang tawk in hnathawhna an nei ho thei zel hi kei chuan ka fak hle. Kan hnung trumah, Burma leh Thailand ramri a chesual/tawhsual tawk te mi thi chhungte tan tranpuina pawh $ tun a mi ai a thrahnem zawk hi pek chhuah ania. Tun trum leh phei chu kan Conference tur a hneih tawh viau a vang in duh ang in Fellowship/Churches ten an duh ang in an la tithei lo ni in ka hria. Ramdanga cheng Chins/Zofate zing ah chuan tiangkawng ah hian zautak in hma an la/an hawizau, tranrualna, UNITY, kan nei tlat hian rah thra a rah chhuak chho zel in ka hria. Ramdang a cheng ah chuan Canada a chengte hi kan tlem ber maithei ani, ka tisual maithei bawk. Min hruaitu te hian experience tam tawk tak an lo neih a vang hian ti hian mi an huikhawm in min kan hruaithei hi ram dang a chengte pawn lo ching ve thei u la kan ram leh hnamtan hmasawn na rahbi pakhat a hmuh theihna hnar anih theih ka beisei.
Canada ho chu in va thra ve.