Burma ram chanchin

By: Mazovi
Zoin news correspondent.

ZIRLAI TUAITHAR A NI DAWN
Kan hma kum lo kal tur 2008-2009 academic year atang Burma sorkar
school zirlai (Syllabus) tuaithar tum anih thu July thlatira Naypidaw
(new capital) Education Meeting chuan thu a chhuah.
He tuaithar program hi Grade 10 (Pawl 9) leh Grade 11 (Pawl 10) te
zirlai chauh a huam dawn ani.
‘Ngaihtuah thiam dan’ (Critical Thinking) leh ‘Harsatna chinfel dan’
(Problem-solving) sang zawka an lo thiam theih beiseia tuaithar
program hi tih puitlin tum a ni.
“Zalen taka Education zirna a awmlohna ramah hetiang zirlai
tuaithar hian eng ang vaka hlawkna nge a hrinchhuah lem chuang ang?
Kan sorkar hruaitute duhdan (desire) anga tuaithar anih si chuan ram
tan a chhe zawngin a nghawng thei ani,” tiin Education mithiam pakhat
chuan comment a pe a.
Education lama mithiamte chik danin kan sorkar hian Education Quata atan,
Burma ram pum budget 0.4 percent choh a sengsawn a ni an ti.

MANDALAY DIVISION TUILIAN AN TUAR LEH
July chawlhkar tawpber khan Mandalay division chhunga Amarapura leh
Thabeikkyin townships ah Irrawaddy luipui tuiliam vangin in leh lo
hlauh mi 1000 vel an awm.
He tuilian avang hian Amarapura townshipa Yadanapone university chu ni
5 chhung khar ani nge nge. He university dinna lei lung hi a hniam
vangin tuilian chuan a chima, kal hleih theih anih tak lohvanga khar a
ni. University kal pawhna lei lun tak U Paing wooden bridge hi kum
2004 khan Taungthaman dil tuilian chuan a chim pil tih tih tawh bawk.

STRAND HOTEL, WORLD BEST RECORD A TEL PHA
Kum 100 chuanga upa, Yangon (Rangoon) river sira The Strand hotel chu
World Best hotel in 2007 list-ah 34 na, Asia best hotel list-ah 8 na a
hit thu August thla chhuak New York published Travel+Leisure managize
chuan a puang.
Ramchhung hotel industry atanga lawmman lo dawng ve tawh thin ani a,
world record chu tun tum hi a vawikhat hit-na a nih thu hotel
enkawltute chuan an sawi.
The Strand Hotel hi British mi sumdawng John Darwood-an 1901 khan a sa
a, Sarkies Brothers ten management an la. 1993 atang Singapore-based
General Hotel Management-in a chelh tan a, Deluxe and Superior room 32
a nei.
Travel+Leisure magazine hian mikhualte (tourists) comment la khawmin
kum tin khawvela hotel tha ber ber list hi a tichhuak thin a ni.
Colonial hun laia sak The Strand Hotel hi mikhual tan a colonial rim
nam building design hrim hrim hi attracition pakhat a tling ani…….