By: Nl. Machhuangi, Tahan (Camp. USA)
Thuhmatheh: Hringnun hi misual (suamhmangte) leh mifel (mitha) inpawlhkhawmte khawsakhona a ni a. Lemchanna hmun (theater) lian chhungah tualkhata lengzain, kan innghengtawn dial dial hlawm a ni ber mai. Mahni chanchin (history)chu mahni ngeiin kan ziak   theuh a, tumah inziahsak theih a ni lo. Chutiang bawkin, chhandamna pawh tumah inthawhkep theih a ni lo. Misual leh mifel tan pawh mahni duhthlanna leh rinnaah a innghat a, danglambikna a awm chuang lo.

Mahse, Krista erawh chuan mi zawng zawng chhandam an nih theihna turin khawvelah misualte chu min rawn zawng chhuak a. Misualte dilna leh tawngtaite chu a hnawl ngailoh zia lantirin “Mi hrereng ang che” tia dilna hnuhnung, inchhir leh tlawm taka tawngtaina chu chhang nghali’n, misual an khenbeh chuan chhandamna a chang ta a. Engvangnge Krista chu suamhmang pahnih inkarah khenbeh a nih? Suamhmang pakhat zawk khan chhandamna engvanga chang nghal thei nge? tih hi, zawhna pawimawh a nih avangin a tawi thei ang berin chhui kan tum dawn a ni.

Suamhmag pahnih inkarah Krista:
Khawvel chhandamtu tur, suamhmang pahnih inkara khenbeh a han ni ngawt mai hi, tihsual palh ve hrim hrim chu a nih hmel loh. Lalpa remruatlawk chu a taka a famkim theihna turin Hmangaih Pathian chuan misual pahnih inkarah a fapa kaltlangin Hmangaihna leh Tlanna (chhandamna) chu a takin a rawn luan tlan tir a. Chatuan Pathian ruatlawk chu tumahin an dang thei lo.(Tirh. 4:28) Pilatan misual(suamhmang) pahnih inkara khengbet tura thu a pe ta mai hi, zawlneite thu hrillawk a thlen famkimna tur a ni zawk.(Isai 53:12)

Krista chu suamhmang pahnihte inkar ngeia khenbeh a nihna hian tlawmna tawpkhawk a entir a. Lei leh van Lal fapa ngei chu Bethlehem bawng inah tlawm taka lo piangin, Kalvari tlang thing anchhedawng Kross-ah khenbeh a han ni lehzel a. TLAWMNA-in khawvel sual a phur a, khawvel damna turin a NUN hlanin remna palai hna a thawk a. Kan sualte chu a mahah inbelin, misual leh suamhmangte karah chhandamna thu chu puangin, hun tawp tlengin rawngbawlna(Mission) a hlen chhuak a ni.

Misual chhandamna:
Misual (suamhmang) khenbeh, thi mai tur chhandam thu hi Bible pumpui thuziak zinga chhinchhiah tlak a tling a, chang rangkachak (golden verse) a ni, tiin J.C. Ryle (Anglican Bishop) chuan a sawi. Engvangnge suamhmang pakhat hian Sual ngaihdamna; chawp-leh-chilha a chan theih? Chanchin tha ziaktute sawi danin, suamhmang pahnihte pawh hian khengbettute ang bawk khan, Krista chu sawichhiain; anchhiate an lawh a. Mahse Lal Isuan amah khengbettute tan, vanlam hawia ngaihdam a dil sak a hmuh khan, pakhat zawk rilru chu thlak danglamin a lo awm thut a. Darkar ruk chhung vel thingkawkalha an khai chhung khan a sualte a inhmu chhuak a. “Isu, I ram(Pathian ram) i thlen hunah mi hrereng ang che”(Lk.23:42) a ti leh ta zawk a. Chu inngaihtlawmna leh sual thu-pha-chawina tawngkam chuan “vawiinah hian ka hnenah Paradis-ah i awm ve ang” tiin Lal Isua’n chhandamna huangah a khunglut ta ni. He tawngkam chhuak hlu leh pawimawh tak hi chanchin tha ziaktute zingah pawh Luka chauh hian a tarlang a. Thiltih vanga chhandam ni lovin, Khawngaihna vang chauha chhandam leh chatuan nunna kan neih thu hi sawifiah zawh rual a ni lo vang.

Hringnun dam chhung tawiteah hian kan thiltih thatte hian chapona tlangah min dintir a, thihna ruama min hnuk luttu a ni chawk thin. Sakhaw puithiam tam takte leh ringtu thenkhatte hian mitthi an vuiin, rinthuin mitthi kalna tur chhui sak kan ching a. Vanram leh meidil kal turte hi kan ngaihdanin thutlukna kan lo siam fo thin. Suamhmang (misual)-in a hnukchah hma lawk a, inchhira Lalpa hnenah a inlamlet ang hian tupawh inlamletna hun (khawngaihna hun) hi hawn sak theuh kan nih ngei a rinawm. Chu khawngaihna chu, amah ringduhte tan hawn sak reng a ni a, hmusittu leh inlamlet duh lote tan erawh suamhmang pakhat zawk ang nih palh a hlauhawm hle. Rinna dikah chuan sual thuphachawi leh inchhirna chu a rualin a luangza thin.

Tlipna:
Khualzinna ram khawvelah hian sualna chhumpuiin nitin min chimin, min nuai thin. Mahni sualna tel miah lovin, Suamhmang pahnihte nen hian tuar dun dawn ta ila, rilru a na duh ngawt ang. Krista chuan misualte tan a nun min pek bakah chhandamna rawngbawl hna a hun tawp thlengin a hlen chhuak a. Mahni pawh inti dam thei lo; tia, nuihsawhtute zinga misual khan“ mi hrereng ang che” tia, lungchhir tawngtaina chu chhan nghalin a awm a, chhandamna a thlawnin a chang ta zawk a. Aw Lal Isu, bo hmang ka nih zia ka hria a, I ram thlen thlengin “ Mi hrereng ang che” tiin kan au ve dawn lawm mi?

“ Chhandamna, chhandamna thil thlawn pek, Isua Kristan Kalvari tlang thing krawsah, kan tana tuar zovin, chatuan nunna min pe ta….Isu, i ram I thlen hunah mi hrereng ang che”.

HLIMIN AN ZAI(Good Friday Puala HLathlan)

By: Lalhuapzauva, Tahan
Sum leh pai : An sawi fo thin thil pakhat a awm. “Sum leh pai hi eng ang pawhin thiltithei mah se, a thiltihtheihna chuan tawp chin a nei ve” tih hi. Chuvangin, sum leh paiin a lei zawh rual loh thil ropui chi 10 te chu hengte hi an ni tiin han tarlang dawn ta ila. (more…)

By: J. Khuma,  Tahan
Tunlai thalai, khawchhak tlanga cheng—Kalay-Kabaw phaikuama chengte hi changkang tak an ni.  An phak loh pawh hi phak loh anga thlir lova, an nih rih loh mahse an nih ve theih reng a ni tiha thil engkim thlir thiam an ni. An thawmhnaw hak leh sinfen danah postmodern rim an nam a. An chetchang danah leh an sukthlekah pawh neo-modernism an thleng a nih ber hi maw tih tur a ni. An sum lakluh leh ina an eiin leh an daikal in te erawh chu enlightenment (harhtharna) hunpui pawh la paltlang rih loh laia mite kha emaw, (more…)

By: Lalthuamliana, Tahan
Kan Hming i Tithang Ang U: Hmingthanna leh sanna umin lei mihring nun a hmanhlel a. A tirte-a Siamtu siam chhan, Amah pawla nun-thing hlim nuam chu bel duh lovin Siamtu ngei chu an tumin mihring hmasa berte chu an lo chapo tawh a. (more…)

By: Gabriel Kunga, Tahan-Satawm
Mihringte hian kan nih tur ang ni thei turin zalenna kan neih hmasa hi a ngai tak zet a ni. Ram zalen chu an thang tha a, hma an sawn. Ram tinin mahni ram Zalenna Ni (Independence Day) chu hriatrengna atan kumtin a ropui thei ang berin kan lawm thin. Chu tiang bawkin sakhaw zalenna leh pawl ho zalenna a hlu tih chu hriat tlan vek a ni. Mimal zalenna (individual human right or personal freedom) hi lo thlurbing bik ta ila. Kawngtin renga hmasawn nan leh nun puitling tura kan thanlen nan mimal zalenna hi thil pawimawh em em pakhat a ni. Pathianin duhthlanna zalen min pek theuh hi kan zalenna bul tak chu a ni si a. (more…)

By: Lalawmpuia (AICS), Aizawl
Amah Lalena dan takin ‘Ziak Mite Hi’ tih thupui hmangin ziak mi lo berin ka’n ziak ve chu ziak mi rualin in lo thlirho dawn a ni a, eng tak ang maw? Keini ang mi salengdawr hnuai lamin hetiang thupui hrawl tak kan thai tial tur chu miin ‘chhawih’ min tih loh vek pawhin ‘beh’ min ti ngei ang a, tukhum lamah min nuih tet tet ang tih ka ringhlel lo ve! Chuvangin, thum tak pawhin ka ziak ngam lo va, sin te tein kan ziak dawn dek dek teh ang. (more…)

By: J. Khuma, Letpanchaung
Hun hi a hmanhmawh tawh khawp a. Tun kan I.T. (Information Technology) age-ah hi chuan thei rah, a hmin huna hmin hi a mak tawh lo va, a hmin hun hmaa hmin pawh hi a mak vak lo tep tawh a ni. Theihaite hi ethene an chiu lut a, a mu phan pawh chang hman mang lovin a hmin eng tuar ta mai. A thatna a awm. A hmin hun dik taka hmin hi chu a dah rei theih tawh thin lo va, a uihin a tawih thuai thin. A zuartu tan a hralh har chuan engmah lovah a chang der thei a ni. (more…)

By: Zalianthanga,Tahan
Kamkeuna: A sap tawngin ka han tarlang ve khanglang chu a ni a, fuh tak maw? He thupui hi khawvelin a hmachhawn mek a ni a, tawngpawng lo dan theih a nih lohzia chu thil mak a tling a ni. A chhan chu khawvel hi khaw pakhat ang leka ngaiin “Global Village” an ti tawh a. (more…)

By: Rev. Viktor Lalsawivula, Yangon
Hmasawnna hi kawng engkimah kan duh theuh va, kan hmasawn tum dan erawh a inang lo vang. Hmasawnna kawng tam tak awm thei zingah a hnuaia thu pawimawh kan han tarlan tlemte pawh hi zawm thei ila chuan hmasawnna kawnga ke kan pennaah min tanpui theitu a ni ngei ang. Kristian kan nih angin Bible hi kan ngaipawimawh theuh turah ngai ila, Bible kan tanchhan dawn a ni. (more…)

By: K. Malsawmtluanga, Bualpui “N”
Tlawmlak lamah pawh ka ngai lo. A hnen atangin thil tha tam tak ka chhar chhuak ve tawh muai a ni. Nitin nun kawng dik leh tha lama min kaihruai thei kawppui Lalpa’n min lo pe hi ka vannei tak zet a, kum hnih em pawh kan la hmang ral dun lo chung hian amah atanga ka thil zir chhuahte hi a langsar zual ka’n tarlang ve reng reng teh ang. (more…)

By: Pu Chuaudingliana, Editor—Thalai Eng,
1. Eng chanvo emaw atana ruat i nih thu; i hriat rualin he thil 2 hi ngaihtuah rawh:
a) Ka thawk thei a ngem? b) Ruat ka nih hian ka telna pawl chuan a hlawkpui dawn nge, a mualpho pui zawk dawn? Hemi kawng 2-a i tlinloh chuan, pawm lo mai rawh. A zahawm zawk daih. (more…)