By: Ela Khiangte, Australia
Nimin January 
26 kha Australia Day a ni a, khawtin hmun tinah chi hrang hrangin ka hmang hlawm a. Kan awmna, South Australia Capital, Adelaide ah pawh hnam chi hrang hrang ten mahni hnam thuam leh ram flag te kengin, kawng kan zawh mup mup mai a.
Zing 10 : 00am atanga kawngzawh hi tan a ni a, 11 : 00am ah Free Family Concert ropui taka neih a ni zui bawk a. Australia ram hi khawvel ram 200 chuang atanga pem lutna ram leh khua a ni a, culture leh pianphung inang lo tak tak ten lungrual takin tual kan lengza a ni ber e.
Tun tum Australia day ah hian South Australia ah ringawt pawh mi 700 in rammi nihna citizenship an hmu dawn a ni. Mahni community lehkhatar keng theuhin ram khat tetea inteltualin kawng kan zawh hlawm a, Burmese Community pawh rin aiin kan chhuak thahnem ang reng, nau nawi nen lam unaute an rawn pungkhawm a, kan zi nuai nuai mai a ni.
Tin, community dang dang pawh an rawn chhuak tha na meuh mai a, Australia ram leilunga lo cheng hmasa berho, Abroriginal te phei chu an phur zual bik em mi ni chu aw tih tur khawpin, kawng tluanin an lam a ni ber a. Chinese kumthar nen a innangching bawk a, China lam unau te pawhin Lion dance nen an bei nasa mai. Hnam tin chitin ten Australia day hi hlim tak leh lungrual takin kan lawm tih erawh tukin zinga Parade show atang khan a hriat theih a ni.
Adelaide khawpui-a Australia Day Parade thlalak thenkhat te in lo thlir ve atan:
Thlalak dangdai tak tak en duh tan pls visit to Mizokhawvel
