By: Dika
Mi tam zawk tan erawh an sakface atang hian SPi leh Mimii te anni tih kan hre mai e. Mahse, anni pahnih la hre ngai lo tan erawh an zai leh lam han thlir ngawt atang chuan ria thlirthlerh, biangsum nei zawk, lam paha a dar a’n tih sawih herh vel pawha ti ril ti za mur mur thei hial hi tunge a hming? tia inzawh kher a ngai ngei ang.

Ni e, anni pahnih hre tawh tan erawh olsam takin biangsum nei zawk chu Mimii maw le tia bahlahna nei miah lova hrilh mai thei hlir kan ni. Taka’n a, SPi pawh hian biangsum a lo nei ve reng kha em? Enchiang ila a lo nei ta a nih leh Mimii tiin a hming kan phuah belh mai a ni ang chu.Lozz!! A nia lom, Mimii Renthlei te reuh hi chuan riau a ngah tlats. Tunhma deuh kha chuan naupang te te tiin ka lo fiam thin. Mahse, chu ti ngawta fiam chi a ni tawh bik leu. Mahni tawka in ti lengrei fu rual a lo ni ta der mai. Tunlai a chanchin hnuhung kan hriat theih chhun awm chu, Album thar a tlangzarh ta tih thuthang hi a ni ber hrih.

SPi pawh hi Delhi-a a zirlai atang tawh khan ka thianpa hian a inti chhungkhatin leh a va kan ziah thin zarah ama hriat lohvin ka hmelhriat deih tawh. Mahse, ch’ung hunlai chuan Zoram khawvel hian a pian leh pian loh pawh a la hre lo ti ila kan sahalkhai a sual lo tawp ang. Kha’ng hunlai khan amah ngei pawhin tun dinhmun hi a thleng phak ang tihngaihna a la inring bik lo tih hi ka chiangbal. Ni e, khawvel hi a mum a lom le, tuna an hla sak dunnaah pawh hian a che zei zawk em aw a tih thei hial thu’ng si. A sam buang parh hnuang te hian a ti ABBA riau chauh ni lovin, a aw hian a ti khawthlang aw riauva ka hriat chu. Nangteh?

SPi hi ka ngaisang a, in ngaisang ve bawk a, kan ngaihsan rawn a ni ber mai a. Chuvangin, a chungchang hi dik maw dik lo maw han thlasik maupuahchah ve zel phawt teh ang. Tumkhat a interview-na Vedio ka en-ah chuan nui deuh sang hian, Ngaihzawng a neih thin thu erawh a zep lo, a nei tawh thin. Mahse, Mipa kawp a la neih miah loh thu hi uar tak leh huaisen takin a sawi tel hmiah. Kha a tawngkam tak khan a lo’m mite ngaihtuahna a ti kal thui deuh nge ni ang. Zofaten KAWP la nei lo kan tih te hi la Virgin kan tihna a ni em? tia inzawhna a rawn lang pang mai a. Nge Mizo tawng kalphung kan bilh fuh lo zawk tih pawh a ngaihtuah loh theih loh bawk ang chu. A engapawh-nise, “Kawp la nei lo”tih hi Virgin tihnaah lo ngai dawn ta ang ni ila, SPi hian “Ka la Virgin pial e” a tih duhna a ni mai dawn lom ni? Han uar leh deuhvin “Pasal ka neih hma chu ka virgin dawn” a tih duhna te a ni thei mai lo’ng maw? A ni ber dawn lom ni? A reng reng thuin kan zaithiam zingah hian “Pasal ka neih hma chu ka virgin dawn” tih tlanghriata sawi hi an awm tawh reng em? Kei ka la hre hauh lo nia. Heivang a nia, SPi hian “KAWP ka la nei lo” a tih hi “Ka la virgin” a tihnaah ka’n ngaih deuh hmiah ni. A nih leh Nula virgin tawh lo ho hian “Mipa kawp ka la nei lo” tih tawngkam hi an hmang ngai em?

Ni e, khawvel zaithiam milar zingah pawh hetianga thusawisa ngam hi an vang hle mai. A lo sawi tawh Pop star Britney-i te reuh pawh khan pasal a neih hmaa a virgin dawn thu a tlangaupui vak vak mai a. Mahse, a au chhung pawh daih lo lek lek ni awm tak khan a tlu sawp duai duai chiang hle mai a, eng a ang thei lo a nih kha.

Hetiang lam han sawi takah chuan, Hilary Duff-i pawh khan Magazine pakhatah “Pasal ka neih hma chu ka virgin dawn a ni” tia a lo sawi kha mipui bengah a ri-ring hle a ni ang. Khatia a aia kum 10 vela upa Joel Madden-a nen an inngaizawng tih tlangin an hriat chin khan, Duff-i hi a virgin tawh loh rinna thawm a ri ring hle a. Tin, zawttu leh hre chak an tam tak em avang khan Duff-i chuan “Tunah kum 18 ka ni a, pasal ka neih hma chu ka thianghlimna hi ka vawng tlat dawn a, mo-thar zan a thlen hma chuan uluk tak leh thianghlim takin ka nun hi ka hmang dawn a ni” tiin confi em emin tlanghriatah a delhkilh leh ngat a nih kha maw le.

Hetiang deuh hian SPi’n a interview-naa “Mipa KAWP ka la nei lo” a tih kha a fakawmna pakhat leh ka ngaihsanna pakhat a ni a. Tin, kha a interviewna kha a rei ve leh ta a. Khami tuma a sawi ang khan “Ngaihzawng chu ka nei thin a, mahse Mipa kawp erawh ka la nei ngai miah lo” tiin a la sawi huai ngam a ngem? Ka ngaihsan, in ngaisang, kan ngaihsang rawn ta law law bawk nen tiin he thu hi kan zaithiamte chona atana han thlurbing ka ni deuh mai a. Khawvel a ni miau a, In ngai hmul lo hram bawk ila.

Kan sawi chhan zawk tak erawh, Zofate hian thangthar zaithiam tak tak leh zei tak tak kan ngah ta hle a. Hei hi kan vanneina kawng khat leh khawvel changkanna pakhatin a ken tel a ni ber a. Chutihlaiin, kan thangthar zaithiam tak tak zingah hian “Pasal ka neih hma chu ka virgin dawn” tia nun invenfimkhur tum hi engzat tak awm ang imaw? Engvangnge, hetianga sawisa thei zaithiam kan la neih lohna chhan ni ber ang? Britney-i ianga uangpui chan kan hlau deuh nge?

A nih leh Ni e!!! Tlanghriata sawilang ngam pap hi thangthar Zaithiam zingah lo nei ta thluah ang ila, Pop Stars Britney-i ianga sawi lai laia tlu sawp ta duai duai hi nge, (tam ang) Hilary Duff-i anga huaisen taka thutiam delhkilh nawn thei zel hi??? tiin Mimii leh SPi te ABBA Melody-na Vedio thlir paha chhiar tur atan kan thangthar zaithiam ho chuan-velin ka han luangliam zawih zawih a nih ber hi.