A PAWI LO ANG

By: Chhiarpuiliana Hmar, Tahan
Kan nitin khawsakna leh thawhhonaa kan hman rim ber chu “A pawi lo ang” tih hi a ni awm e. Hei hi kanhmam pum zia puitlin lohna a ni. Engkimah a bul atanga a tawp thleng ziktluak taka thawh a tam lo hle a, khuareiah a pawizia a lo lang thin. Khawvelah hian ngaihsamna avangin rel te, thlawhna te a chesual thin a, mi tam takin nunna an chan phah tawh a ni.

Kum1985-a Japan Air-line chesual pawh kha an ngaihsam vang a ni. Japan khawpui Tokyo Hamada Air-port atanga thlawk chhuak a ni a, he mi tuma thlawhna a chuangte hi sumdawnga veivak an ni lova, Tokyo khawpuia inhlawhfa ten mahni khua leh pianna ngeia an kut ropui tak O-BON an tih hmang tura hawn tumte an ni. O-BON kut pui a lo thlen hian japanmite chuan an pianna leh an sei lenna ngseiah an hmang thin a, ( Krismas kan hmang thin ang hi a ni ) Chuvangin Japan Air-line Company-te pawhin he kut a lo thlen dawn hi chuan mipuite mahni in lam thleng hman turin an phur vat vat thihn a ni awm e.

He mi tum thlawhna hi Flight No.123-747 BOOING SR a ni a, passenger pawh mi 524 aphur a ni. Japan Air-line Company-te chuan Pilot senior tak. Kum 1966 atanga lo thlawk tawh Masamitakahama a nih dawn avangin an ring tawka. Thlawhna pawh an chek vak lo a ni. Hamada Airport mawitak mai chu hlimtakin an chhuahsan ta a. Thlawh san dan pangngai angin feet 25000 chu an thleng chho chiah tih chuan Pilot hnen atangin (Emergency ) Hamada Airport-a tum let leh phalna aw an hre ta a ni. Hamada thlirna in sang aw manna atang chuan a rangthei ang bera let leh tur chuan an han phone leh hngala.mahse , a tlai zo ta! Thlawhna a tlak hun chiah hi hriat a ni lova. Vanneih thlak takin mi pa li thi lovin an chhuak thei a. Mi 520 ten he khawvel nun hreawm leh buaina chhuahsan ni a tan an lo hmang ta ni.

He thlawhna chetsual chhan ber chu a hun lova, ngaihsam vang ani a. Chhiatna rapthlak tak pawh hi a bul chu hote ani fo thin. Canada rama St. Lawrence luipui Lei chhia pawh khan khawvel a nghawr hnging a ni a. Mithiam ten a chhan an han zawh tak tak chuan a kaihmar-na thir hrui thlun number-9 na a lo fual deuh bik a ni tih an hmu chhuak a. Chu thil chu awlsam taka siam leh mai theih a ni a. mahse a thawktu ten “ A PAWILO ANG” tia an ngaihsam vangin mi 100 zetin nun an hlauh phah a. Dolor Maktaduai tamtak a thlawnin a luang ral ta ni.

Eng hna pawh hlawhtling tur chuan fel taka a tawp thlenga thawh zawh hi a ngai a, mahni thiasmzia te felzia te sawi sawi chu boruak mai a ni a, kan felna leh dikna chu hmuh theihin a awm tur a ni. Thil te thasm leh ho tak anga lang pawh hi “A pawi lo ang “ kan tih mai chuan khuareiah a lo pawi leh thin a ni. New England lawngchawlhna hmuna lawng pakhat chhia pawh a chhiatna lai an han hmuh chuan tuboh pakhat hlui tak mai lo awm a, chu lawng an tuk lai-a an theihngilh a ni a, kum 15 vel a lo nih chuan lawng insawi vel a vangin a awmna chhuat chu a nawt pawp a lo ni reng mai.

Hetiang neuh neuh a fimkhur tawk lohna a vangin sum leh pai mai bakah nunna hialin a lo chan phah tam tawh hle a ni.